الضيقه

الضيقه إلّي دايم تالي عصير
وش حيلتي و أردها لاتجيني
لا طال ظل العود حزة عشا الطير
كنها على سجن الحديد تحديني
يضيق صدري كل ما جات و أسير
و لا يخفف سوج رجلي حنيني
لا حولنا مشرّاف و لا أقدر أطير
يالله قسمة خير لا تبتليني
و عقارب الساعه توقف عن السير
ما كن في الدوحه سواتي حزيني
و العبرة إلّي تاصل الحلق و تحير
يا قربها لو قيل لي يا عويني
أمِل شوف الناس وِرد و مصادير
و إلّي يقول شفيك كنه يهجيني
يعني على ما قيل من باب تصوير
( لا أحدٍ أبي قرّبه و لا أحدٍ يبيني )
أروح أدور خط ما به دواوير
و أدور إلي هادها تهتديني
و آخذ مع الهاجوس سجه و تفكير
و أراجع إلّي فات بيني وبيني
و أحسّب ذنوبي و أدور لتكفير
عساي ما قصّرت في والديني ؟!
و عساي ما قارنت من ينفخ الكير
و إلّي يحمل المسك جعله قريني
و يطري علي يوم الحشر و أطلب مجير
ما أعطى كتابي في شقيقة يميني
و يطري علي صدقان كثر الدنانير
إلّي تعاديني إلا كثر ديني
و راع الهروج إلّي سوات المناشير
أصد عنه و أدري إنه يعنيني
الله حسيبة يوم عرض القوارير
و الله حسبي من صواب مكيني
وإلا طرا لي واحدٍ كانه صغير
أما أصغر بيومين ولا سنيني
دريت وش قومي و عينت تفسير
للضيقة إلّي من زمن تعتريني
حبه بصدري سالفة سر في بير
و كن الفواد يقول هذا زبيني
أشفق على علم يجي منه من غير
ما يسمع إلّي سولفوا به .. ونيني
العام أجيهم من حساب المسايير
و اليوم حال عداي وينه ؟ و ويني ؟
يا كثرهم غيرة ولكن خبر خير
ما غير شوفه في الوجود يهنيني
رايي كذا يا عاشقين الغنادير
ماله على وجه البسيطه وزيني
خطاي تعليق الأمل في المدابير
إلين راح و شفت حقري بعيني
صبرٍ جميل و خابر إنها مقادير
و الله على تخفيف حزني عويني
ذي حالتي لين أتغبا الشمس و أصير
معطى سراحي عقب ما أنا سجيني
و إلا أمتلأ جوف الشجر بالعصافير
طلبت من رب العباد يهديني
يعتقني المذن عقب ضيقة عصير
إلّي على سجن الفراق تحديني


م/ن

صح لسان ابن فطيس ولسانك
نقل جميل
سلمت وسلم ذوقك
كل الشكر لك..

صح لسانك اخوي ولسان شاعرها
وسلمت يمينك على اختيارك الذوق

صح السان شاعرها وتسلم يمناك يالشمالي ع النقل
روووعه

انتقاء جميل واكثر
سلمت الذائقه
وشكرا لك,,

انتقاء مميز
قصيده في رائعه
سلمت اياديك
ودمت باالف خير

آنتقاء رائع

الله يعطيك العافيه وصح لسان شاعرها

سلمت لنا هذه الذائقه
النجم الشمالي
أنتقاء رائع من مشرف رائع

اسعدني تواجد حضراتكم لا هنتوا

كلمات في قمة الروووعه

لاهنت خيوووو على النقل

اجمل الشكر والتقدير لحضراتكم مرور غالي

ابياات رااائعه
صح لسانك ولسان شاعرها
وتسلم يمينك على الإنتقاء الرااائع.

شكـــــــو ــــــتـــــــــــــقـــــــــــــــــــــــــــــ ـري ديري للجميع