ياشجرة الحب ماانصتّ لهديل الحمام
.............. يوم اتركتني على الشباك صبٍ نحيل
شقيت وجه الغياب وجيت مثل الغمام
.............. كلي شجن واغنيات ودندنات وهديل
نجمٍ بكبد السما نوره يشق الظلام
............. لاغاب مدة يمرّ الارض عابر سبيل
يشتاق للحب الاول والسهر والهيام
.......... والطفلة اللي تركها تحت ظل النخيل
يابريء النوايا والطعون انت وين !
............. صرت تصغر وتصغر في المدى لين غبت !
ياعظيم المبادي يا الطليق السجين
............. امنياتك حضنت شموعها لين ذبت !
شفني اهذي واقول الصمت حبله متين
............. لين تهت بخيوط السالفة وانّكبت
احمل اوجاع قلبي من مدى لاكسجين
.............وارجع بصمت افركش عتمتي لا تعبت
ينشف الحبر والمعنى بقلبي دفين
............. ياكثر ماكتبت وياكثر ماشطبت
تسكب الذاكرة غربة وينبت حنين
............. ليتني كل ما اكتب شي احسه كذبت
ودي ابدا بشي ولا ادري ابدا منين
............. كل ما ابعد عن الضيقة نسيت وقربت
داخلي طفل ماله ذنب يصرخ حزين :
.............ودي العب واغني من متى مالعبت !
ما انتبهت لوجوده لين شفت السنين
............. تخلف الحسبة اللي قبل تقفي حسبت
طار سرب القطا وافترقوا العاشقين
............. في دفاتر صديقاتي غريب انكتبت
روّحن واتركني في رجا الراحلين
............. ودّعني صغير وشبت منهن وتبت !
من دون تشعر تسج ومالحقها ملام
.......... تهدي ضفاير شعرها للنسيم العليل
ياخذ جمال القصائد من ثغرها الكلام
.......... ويذوب لون العتاب بصمتها السلسبيل
ترمي تعبها ورى الحلم الرقيق وتنام
.......... وتنام معها الحياة وينبت الليل ليل
ماكانت الا الحنين وكنت انا والسلام
............ شيءٍ يدور بخيالي يشبه المستحيل
لـ سلطآن الغنامي
دمتم بود
العضو الأكثر نشاطاً هذا اليوم 
العرض العادي
