وقــفــه !

((وقــفــه))

[poem=font="simplified arabic,7,white,normal,normal" bkcolor="gray" bkimage="" border="inset,7,silver" type=2 line=0 align=center use=ex num="0,black""]
العـذر يـادرب الــرداء للمواجيب=شبيـــت نـارٍ مؤقــده فــي حشايه
ابطيت من جفن السهر للمراقيب=وازريت توصلني خطوط النهايه
اكبر مصيبه خدعـة الذيـب للذيب=جرحٍ يزول وجرح يصبح حكايه
الكيد واحساس العتب والمطاليب=واقوال بعض الساذجه والوشايه
اللــي مهمتهم لشــذب العراقيب=يبطون عـن شذبي بسـر وخفايه
وليا وصلت من الوزاء شقة الجيب=احتاج وقفه واستعيد صدقايه
اصحابي اللـي بالرخـاء كـلٍ يجيب=بشوف ويش فعولهم في وزايه
ان عودو للطيب مـن واقـع الطيب=والا انــا مالـي عليهـم ولآيه
الناس تجمعهم علاقــه وأقاريب=ومناظر الاشخاص ماهي كفايه
الفرق بالمنطق وحسن الأساليب=والموقف اللي يستحق الدعايه
لو ان هاليومين عفسة اصاحيب=ماعاد نفرق طيبهم والردايه
الذيب ياهل الطيب مايقبل العيب=والذيب يرمز له بحكم الدهايه
الرب واحد والبشر به شواذيب=وماكـل خطلـه تستثيـر قبلايه
وقفه على وضح النقاء مابها ريب=لاصار لك في وقفة الطيب غايه
ولامن وصلت من الوزاء شقة الجيب=احتاج وقفه واستعيد صدقايه
والعذر يادرب الخطاء للمواجيب=ابقيت نارك موقده في حشايه[/poem]

الموضوع الأصلي: وقــفــه ! || الكاتب: نهير النمش || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات

رائع يانهير

صح لسانك ملايين

قصيده شامخه من شاعر شامخ وجزل

سلمت وبيض الله جهك

تحيااااتي لك

يارااائع
صح الله لسانك
وخالقي ابدعت يانهير
بانتظار هطول جديد

سطورك جميله ونزفك راقي....
استمتعت بالمكوث هنا...
ومداعبه افكارك...
فدعنا دائما نرتشف عبق حروفك الراقيه

سلمــــ لسانك
ياعساك لقوه على هالشيخه

تحياتي

صح السانك يا اخوي ابداع وربي لا خلا ولا عدم

[align=center][table1="width:95%;"][cell="filter:;"][align=right]
لله درك
وخاَلقي قصيدهـ تستحق القراَءهـ لـ اَكثر من مرهـ
راَقت لي كثير وكل بيت اَجمل اَلَاخر
تسلسل راََئعـ وشاَعر راَئع
اَهنيك على اَلَابداَع
صح لساَنك مليون
دمتَ كماَ يحب قلبك
[/align][/cell][/table1][/align]

قواك الله وصح لسانك مافيك حيله
لاتجرمنا جديدك

صح لسانك ملايين ولا يسدن

قصيده بأجمل معاني

ومعاني بأجمل احاسيس

صح لسانك كفيت ووفيت يالذيب

ما اروع الحروف وهي تخرج من بين اناملك
وما اجمل الكلمات
صح لسانك
فسلمت وسلم قلمك الراقي
كل ود

الرب واحد والبشـر بـه شواذيـب
وماكـل خطلـه تستثيـر قبـلايـه
وقفه على وضح النقاء مابها ريـب
لاصار لك في وقفة الطيـب غايـه



شاعرنا الرائع / نهير النمش

ابيات رائعة الجمال ومعاني جزله
لقصيدك رونق خآص تخطه عبر اناملك ..
منفرد هو عزفك وجميل هو احساسك
فصح نبضك واحساسك
وصح لســآنك حتى الرضا...
ودمت بعطآئك وتألقك ..
ننتظر جديدك الرائع ..
طبت بخير ,,,

الله يعطيك العافيه وصح السانك اخي

لله درك من شاااعر عذب
نص رااائع ينبض بالجمااال
ابدعت شاااعرنا الغااالي
لروحك السعاااادة

صح لله
لسانك مليوون واعتلا شاانك شاعر جزل ولله يوفقك وتقبل سلامي