[poem=font=",6,teal,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""]
جتني تقول ودمعها يسبق القول=حان الفراق وكل حي لطريقه
غير الفراق أرجوك ما عندي ا حلول=قدر صوابي والظروف الدقيقه
أرجوك ساعدني ترى الفكر مشلول=لولا غلاك اخفيت عنك الحقيقه
واغيب واترك سر فرقاي مجهول=واصبر على الهجران لوهو حريقه
هنا وقفت بموقف الحزن مذهول=وصرخت صرخه وسط جوفي عميقه
وسالتها والرمش بالدمع مبلول=والحزن يخنقني وروحي بريقه
قلت الفراق يطول؟؟قالت على طول=اصبر وقلت الصبر محدن يطيقه
احدن يعرفك يتلع الجيد والطول=ويفارقك يام الوصوف الرقيقه
وقامت توصيني على الحب وتقول=في ذمتك كل العهود الوثيقه
تقول لاتنسى غرامي وانا اقول=ينساني الله لونسيتك دقيقه
وراحت وصار القلب بالحزن ما هول=والجرح ينزف والنواظر غريقه
حبيبتي من دونها السيف مسلول=بنت الشرف نسل الاصول العريقه
حبيبتي في شوفها الجهد مبذول=وبنلتقي رغم الظروف المعيقه
[/poem]
قلت الفراق يطول؟؟قالت على طول
العرض العادي
