إيجار الخادمات والمهزله الي تحصل فِ حايل .. !!

اقتباس:

المشاركة الأصلية كتبت بواسطة ولد الطناياا

هذا استغلال وحرام وبعدين ترا لو تبلغون الجوزات بتلعب فيهم لعب وراح تحرمهم من الخادمات
وبعدين ترا ذولي الخادمات مو خادماتهم هم شكلهن هاربات من كفلاهم ويجن عندهم ويشغلنهم يعنى تستر
واحنا عارفين ان التشستر جريمه بحق الوطن والمواطن ومفروض هذولي يعلن عنهم فى النت علشان الناس تاخذ حذرهم منهم وبعدين 2000 والا 5000ليه علشان ايش هاذي هى تشتغل عند الناس اقصد عند كفيله وبيته ب 800 ريال يعنى ليش 5000 ابفهم شى يقهر ويرفع الظغط بس خلونى انقل لحايل وتشوفون الشى الى نسويه برياض
راح نطبقه بحائل كانت قريبه ولا من الناس بعيده يطبق القانون
احسن حل وتداهم البيوت الى ياجرون خادمات علشان يقبض عليهم وهم متلبسين ولا لهم علاقه بلخادمات يعنى متسترين عليهم وهاذى تكفي عن كل شى
تحياتى لك ولموضوعك المهم فى حياتنا وفى بيوتنا

البلا كله ياخوي من الجوازات يدرون وساكتين ومتغافلين حسبنا الله ونعم الوكيل ..
اتمنى اذا تعرف احد بالجوازات توصل صوتنا له ..
وشاكره مرورك وردك العطر

اقتباس:

المشاركة الأصلية كتبت بواسطة خواا,,اااطر شامخه

شوفي ماينفع هالحتسي لازم شي فعلي اصلا اصلا فلوسهن حراااااام
الله يعين المشكله اغلب الحريم يرضخن للامر وياخذنهن من الحاجه ولا وش حاده تدفع 5000
الوحده لو تاخاف الله ماتدبل السعر لانه يدخل بالربا


سبحان الله وبحمده

وش نسوي يا خواطر كتبت ف اغلب المنتديات
هو اهم شي توعية الحريم الجاهلات بهالشي وانه حرام اصلآ ..
وتدرين الخادمات يشتغلون ف البيوت بدون اي زياده ف الراتب حقهم ؟؟
يعني اضطهاد ..

راجعه ان شاء الله لتكمله الردود .. بارك الله فيكم وعلى تفاعلكم وجزاكم الله خير

الله يعطيك العافيه على الطرح..

بصراحه اول مره اسمع انه فيه حريم ياجرون شغلات

على بالي نفس اللي بالرياض فيه مكاتب تروح لهم اذا تبي

شغاله تستاجرها او تشتري من عندهم..

اما مسالة حريم ياجرون شغلات هذي مشكله

وحسب كلامك تقولين حرام يعني انتي استفتيتي فيها شيخ وحرم الشي ذا..

يعني نظام الحريم ذولي نفس نظام المكاتب كلهم يجرؤن شغلات..

بس بصراحه اسعار مبالغ فيها يعني الشغاله راتبها في الشهر 800

وياجرونها 4000 او 5000 والله مصيبه ذي الله يكون في عونكم ان شاء الله..

يعطيك العافيه على طرحك

[align=center]
بيكثر الكلام في هالموضوع ولكن إختصار الكلام
المشكله فينا احنا يالسعوديين مافي أطمع ولا أجشع مننا خصوصاً على بعضنا نبي نصير مليارديريه بسرعة وبرمشه عين
ورب الكعبة لو اللي يدير الشغالات أجانب كان ارحم
[/align]