[frame="5 98"]
وش هالشكل
وش هالخلقه
شوف شكله كنه........الخ
هذا انسان حقير
هذا ماتربى
هذا انجس خلق الله
هذا شايف عمره
هذا مايستحي على وجهه
هذا ماارتاح له
هذا عيبه كذا
!!!!!
وبالتالي وش الفايده من هذا الكلام
وش اخذت من حسنات من كلامك
كل هالكلام راح تأثم عليه لانك أكلت لحم اخيك المسلم وهو حي
وحتى الميت ماسلم منكم وهو ميت بعد وش عاد باقي ماخليتُ
من سيئات ماأخذتوها لا الحي سلم منكم ولا الميت الله المستعان
بدل ماتنطقون كلام وتأخذون منه الحسنات متفرقين فقط لكسب السيئات .
كل شخص ماله قبول عندك ولا ترتاح له أو بينك وبينه مشكله حاول
تبتعد عنه وتتجنبه وتبعد عن دروبه ولا تخليه لك عدو اللي ماتبيه لك صديق
لاتخليه لك عدو .
قول الله عز وجل(ولا يغتب بعضكم بعضاً أَيُحِبُّ أَحَدُكُمْ أَنْ يَأْكُلَ لَحْمَ أَخِيهِ مَيْتاً فَكَرِهْتُمُوهُ وَاتَّقُوا اللَّهَ))
كثير من الناس يكسبون الكثير من السيئات كل يوم وبكل لحظه وكل هالسيئات
محسوبه عليكم وان كان عندكم حسنات مسحتوها بهالسيئات.
الواحد منهم عايش بس يقص بخلق الله وجالس يتعيب فيهم
ليه ماتحمدون ربكم عالصحه والعافيه وعلى المنظر الحسن
ليه تستهزؤن بخلق الله وبأشكالهم أحمدوا ربكم حتى لايخسف بكم وتشوفونها فيكم واولادكم الله العظيم أهو الخالق لجميع البشر ومايجوز نتعيب في خلقته سبحانه.
قوله تعالى
(ولا تنابزوا بالالقاب ولا يغتب بعضكم بعضا)
وناس جالسه تناظر بعيوب الناس وماتشوف نفسها بالاول
واللي مسوي نفسه علامه ونابقه واللي مسوي نفسه منزل من السماء !!
واللي شايف حاله عالناس ترى كل شخص به عيوب ومالكامل الا وجهه سبحانه.
كلنا ربي خلقنا لعبادته وجعلنا على هذه الارض أختبار لنا نتعظ ونعتبر
ونعمل لا اخرتنا بالاعمال والاقوال .
الصلاة وحده ماتكفي أعمالك بعد شاهده عليك
وش الفايده من الصلاه بدون خشوع
صلاة كلها مراءة الناس
صلاة وقلبك اسود
كيف تنقبل صلاتك ؟
وانت شارد الذهن بالصلاة تفكر بهموم الدنيا وماندري بعد توضيت ولا لا حتى الوضوء صار ثقيل على بعض الناس ماتوضي لصلاة الظهر وكل من جات صلاة قال انا على وضوء !!
أقول لكل شخص أنه يتغي الله ويحاسب نفسه وماحد يدري متى الله ياخذ أمانته كلنا بنموت والموت مكتوب علينا كل هالتكبر والتفاخر ماينفعكم يوم الحساب راح تندفون بالقبر وكل واحد باللحد واعمالك شاهده عليك يوم السؤال يايضيق قبرك عليك يايبرد ربي عليك
منقووول للفائده ..
[/frame]
العرض العادي
