[poem=font=",6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
ياليت خطك دايم الدوم مفتوح=وخطي معك مفتوح في كل الاحوال
حيث ان صوتك ينعش القلب والروح=لومااسمع الهمسات الا بجوال
عادي ماشوفك بس بسمعك بوضوح=عبر اتصالك من محطات الارسال
ادمنت همساتك واصبحت مشفوح=تكفى طلبتك ماابي منك الاهمال
ابيك تشبع مسمعي همس يالبوح=صوتك يحرك داخلي الف موال
وان غاب صوتك صرت هايم ومجروح=وصار الحزن عمي وصار الكدر خال
حبك بنا فيني عمارات وصروح=وغلاك شيّد داخل القلب تمثال
اشقيت قلب(ن)من سبايبك مذبوح=وحركت فيني ياهوى البال زلزال
لاغبت صار الدمع يجري ومفضوح=ياروح روحي يابعد كل الازوال
ولامن حضرت احزاني تضيع وتروح=يابو عيون(ن)سود والخد قتّال
[/poem]
العرض العادي
