.. [ سواليف - نقاشات - برامج - أسئلة - حوارات - أخبار - أفلام ] ..

شيهآنة شمر

آلله يجزآك خير ويوفقك إنَ شاء الله ... دعواتك

نظامك جميل الظاهر كل البنات هيك لهمُ اوقات على
المطبخ والشغل اتوقع كل يوم على فلانه او فلانه او فلانه
يعني ( بالدور ض1 ) .. وشيء جميل مرتب وعادل بنفس الوقت .!

الاهم هي الصلاة بوقتها في الخمس الأيام الأخيرة بديت أفلتَ نظام
النوم مشكلة , والتفكير اكبر مشكلة .


موفقة

على النيه

ههههههههههه ما شاء الله كل وقتك نوومُ ض1 ..!!
آلله يعطيك العافية والأهم مثل ماقلت هي الصلاة بوقتها

موفقة

/

رواء الروح

وعليكم السلام ورحمة الله وبركاته

آلله يعآفيك .. وآلله يجزآك خير إن شاء الله .. دعواتك

ههههههههه والله اضحك على القومه بدري كله من المطبخ ض1 ..!! عامل عمايلِ
جميل جداَ والأهم الصلاوات بوقتها .. وآلله يعينك لو تأخرتي حوسي بالمطبخ وسوي َ الفطور

موفقة

/

اهلاَ وسهلاَ بـ شموخ الرافدين .. حيآك الله منوره المجلسِ ,!!
وآلله يبارك فيك إن شاء الله , واللهم أمين إن شاء الله يغفر لنا ذنوبنآ ..

والله نومكُ ممكن انتي من النوعية اللي خفيف نومهم لأن فيه ناس كذا
3 ساعات او أربع أو ساعتين وخلاص يكتفونُ .!! يعني مااشوف انها مشكلة
إلا إذا فيه شيء ثاني ,!! انو والله هذه مهي طبيعتي ابد وانا عادتناَ انام مثلا 7 ساعات
وممكن هي فترة وتعديَ ...


بخصوص الفروض والله التقصير موجود .. آلله يرحمنا برحمته ان شاء الله
الاهم اننا نعترف بالخطأ ونصححه ولا نستمر ونواصل على هذا الخطأ ..!


حيآك الله " شموخ الرافدين مرة أخرىُ والبيت بيتك ض1 اقصد المجلس مجلسك

موفقة

/

صار لي يومين ماني رآيق أبد للتيفي ٍ .. ف مآدري شنوُ تكلموآ عنهُ بالضبط
ولكن منِ خلال وسائل عصرية انه : ( سكتم بكتم ) حلقة يوم أمس عن المعلمات
او النقل وبالأخير وجه كلمة : فايز المالكي لوزير التربية والتعليم .. لم اتابعه كاملاَ .!
اما حلقة اليوم مدري شنو لأني ماتابعته بعد .!!

س / افضل ذكر ِ لديك + ,!


اكيد كل الأذكار فضيلة ولكن هناك أذكار دائماَ ما تكررها وتقوله
بالنسبة لي قلت لكم كل الأذكار والأدعية هي محبوبة ولكن ما اردده
هو ( أذكار الصباح والمساء ) و دعاء ( سيد الإستغفار ) :
اللهم انت ربي لا إله إلا أنت خلقتني وأنا عبدك وعلى عهدك ووعدك
ماستطعت ابوء لك بنعمتي عليَ إلخ ..... الدعاء


هل انت/ي .. من يذكر من الأدعية ام لا ؟!

::

صبحهم سنبوسه :d
اييه النظام ياششيخ المافيا محيوس اوي اوي :d
الننوم متلخبط بعض الاحيان انام 11 الصبح واقوم اربع>ارهاق
وبعض الاحيان اقوم المغرب
وبعض الاحيان>لاخلاص :d
الله يعين بس مااقدر احدد نظام معين لانه بالدقيقه
يتغير نظامي>اخوص ياكوفي عنان:d



,

وبالنسبه لحلقة سكتم بكتم اليوم رررررررروعه
رووووووعه قسمبلاه افضل حلقه شفتها في كل المسلسلات هالشهر :d
اتكلموا عن السياحه الداخليه واماكن العوائل والاماكن السياحيه
والاماكن العامه بالمملكه وخدماتها >> يعني جابوها بالصميم :d




,

الاذذكار الصباح والمساء نحرص عليها ان شااءلله ماننساها ..
ذكر دايم اردده هو بعد الصلاه ((اللهم حرم وجهي وجهه والدي
واخوتي والمسلمين اجمعين عن النآر ))
احرص عليه كثيييييييير .......

ودعاء الوضوء اللهم اجعلني من التوابين و اجعلني من المتطهرين )) >>احرص عليه ..


,


>>بالججمله ردي ..

,

سبحان الله ياهالصفحة تقول داخله جني لي ثلاث ايام احاول اكتب فيها
مو راضي يطلع ردي وهاللي توني كاتبه رد مو راضي والحين كتبت حي الله بشوف يطلع والا لا
لا تقولون تخرط والله اني صادقة وقسم بالله ...ماادري وش السالفة ..

اقتباس: المشاركة الأصلية كتبت بواسطة شموخ الرافدين    هلو عيني شلونكم ^-^ مبروك عليكم ماتبقى من رمضان الله يجعلنا جميعا ممن غفرت ذنوبهم امممممممم والله خيي شيخ ماكو نوم اتمنى انام نفس العالم انام وحده الظهر اصحى 5العصر3ساعات ف اليوم من اسبوع هاي حالتي استغفرالله حتى اكلت بنادول نايت اريد انام ماكو فايده مخي صايم عن النوم هههه راح اسكن اهني ^_^

هلا بك شموخ الرافدين
وأسأل الله ان يجعلنا من عتقائه من النار
اوما النوم ثلاث ساعات تعالي اسلفك نوم من عندي
ممكن من النوع اللي يشغلك التفكير قبل النوم او مع حوسة رمضان!!
كان الله بعونك ياغاليه ..ومنوره الصفحه ..

واهلا بروح الحياه
وانفاس الرحيل منورات ..بس شي غريب اللي يحصل معك !!
ممكن صورة البرشا سمعت انهم جن ! لو الريال مدريد كان مشي الحال < امزح

بالنسبه لحلقة سكتم بكتم شفتها اليوم وكانت رائعه مثل ما قالت اختي حوسة مشاعر
وبعنوان - ربوع بلادي -عن السياحه الداخليه - صوروا الوضع كما هو بالواقع من سوء
العنايه والاهتمام بدورات المياه وأنتم بكرامه .. وهذا امر نعاني منه هنا للأسف وبقوه
وتكلموا عن عناية الدول الاجنبيه بالنظافه اكثر من بلدنا اللي تعاني الاهمال الشديد !!
وكذلك الاستراحات وارتفاع اسعار الفنادق -وعدم وجود اماكن سياحيه تجذب الزوار من الخارج
وكذلك التعليق على ساهر الذي اثقل ميزانية المواطن فهو بين السياحه وتسديد ساهر !!
ولا تخلو من المواقف المضحكه والفكاهيه ..


اوما افضل الذكر بالنسبه لي واللي احرص على ترديده
اذكار الصباح والمساء مع نسيانه بعض الاوقات ..
واحرص على الاستغفار دوما ودعاء - اللهم انت ربي لا اله الا انت عليك توكلت
وانت رب العرش العظيم .. الخ ..وحسبي الله عليه توكلت وهو رب العرش العظيم ..

شيخ المافيا
الله يعطيك الصحه والعافيه ويجزاك خير يارب ..
ادري طولته وجلدة السؤال جلد كما هي العاده

السلام عليكم ورحمة الله وبركاته

مساء الخير ع الجميع منورين الجلسه

عجبتني السواليف والله كل يوم بسير هنا هههههههه

بتكلم عن حلقة سكتم بكتم عن المعلمات بصراحه محزنه مبكيه

طول الوقت وانا ابكي لاني اخاف من مصيري يكون مثل هالمعلمات

الله يرحمهن وحده من زميلاتي كانت منهم والله يستر علينا والله اني كل يوم

ادعي اني ارجع لولدي بالسلامه ولا القريه الحمدلله لا كهرباء ولا ارسال والطريق

نفود الله المستعان....يارب تحمينا وتحفظنا جميعاً

وبالنسبه للادعيه فالحمدلله مداومه على اذكار الصباح والمساء

ودائماً اردد اللهم انك عفواً تحب العفو فأعفو عني

ويعطيك العافيه شيخ وجعلك ممن صام رمضان ايماناً واحتساباً

السلآم عليكم ورحمة الله وبركآته


مآعرف شو اللي صآير هني
عشآن جيه بجلس بأخر الزآوية وبتآبع

حوسة مشآعر ... هههههه وش عندكِ مالقيتي إلا كوفي عنآن ض1 ..!!
ضآقت الوسيعة هههههههه على الآقل قايله كوندليز رايس على الأقل املح منه هههه
تكرمينَ عنهمُ والله ......... النظام لا تغير تغير طبيعة الشخص وصار محيوس صدزه

..

كويس كويس دام الحلقة بالصميم وصلتُ أجل ض1 .. سكتم بكتم مسلسل واقعي اعتبره
يجسد لنا الحياة الإجتماعية في السعٌودية .. وهذا سر تميزه وتفوقه وإن شاء الله يستمر في هذه
القضايا وحل تلك المشاكل من خلال طرحهم .
وجميل المحافظة على الأذكار والله يجزآك خير على هالدعاء ,!

موفقة

/

شيخ المافيا ... موضوع رهيييييييييييب توي أطب عليه

وما ادري هل مسموح للتماسيح المشاركه .. عموما أبدرعم واللي عند الله عنده ! بعد اذنكم طبعا



ابشطح بكم شطحه الله يكفينا شرها ..




كانوا العلمانيين بتونس وغيرها يسخرون من المحجبات بقولهم ( انها مو حلوه وتحاول تخبي شينها بالحجاب يعني )

حسبي الله عليهم !

ولكن ترى مو بعيده ان بعضهن هذا قصدها .. ! خاصه الشعر اذا كان معكرش ( غير ناعم ) يمكن يخرب الشكل وتغطيه بالحجاب !!

وطبعا في الخارج مقياس الجمال عندهم اهم شي اللون ابيض شديد البياض والعيون خضرا // خلاص جميله // ههههه بغض النظر عن الاوصاف ومقاييس الجمال الطبيعيه المعروفه !

عاد انا البياض الزايد اللي تبان منه العروق ويععععع ما احبه .. خاصه عاد لا صارت العيون خضر تصير ضاطور ٍ قاعد


الله يعافيهم ولا يبلانا .. وبسم الله على بنياتنا وربي كلهن ملح وقبله


عاد تذكرت .. الخطيب اللي يقول لخطيبته ( شايفه القمر شو بعيد يا روحي ؟ ) قالت ( إيه ) قال ( طراق واحد وانتي هناك )


هي ارتخت وانبسطت على بالها بيقول أدّ الأَمَر بحبّك ههههه ياهو رومانسي بعد ! يسمع باللطافه الأخ



لا تعالوا شوفوا الشطحه الأقوى !

الممثله المصريه عفاف شعيب تقول انا ضد النظام المصري السابق لأني محجبه ! على أساس ان الحكم القادم هو إسلامي .. وعلى اساس انها متمسكه 100% بتعاليم الإسلام .. ألا يا ويح قلبي


اقول خلني اقول لكم هالسالفه بس !


يا جماعه مره رحت انا واخوي الكبير وولد خالتي للهند ( بومباي ) كان عمري 18 سنه .. بصراحه انا كنت رايح عشان اضحك واخوي كان رايح شغل .. عماله وكذا ..

المهم على اساس ساكنين بهوتيل 4 نجوم فئة a ... شيراتون سي روك .. عالبحر وشغل عدل خخخخخ

باول يوم كنا طالعين للسفاره وحنا راجعين للهوتيل .. خشيت السويت والقى غراب ههههههههههه

قسم بالله موقع على الكنبه ويحاول ينقز في سلة الفواكه اللي حاطينها الهاوس كيبنق .. وينقر الملعون ما خاف مني

بس اول مره اشوف غراب .. تصدقون يا حليله صغنطوط بس اكبر ما فيه منقاره .. تقول منقار مركبين عليه طير

انا كالعاده طبعا خفت لانه شي غريب !!

الملعون ما أظهر اي احترام لوجودي :p ما طار ولا شي واشيل المخده يوم خاف طار ويطلع ذاك الصوت

يا سااااااتر ,, وينعق ذيك النعقه هههههه وااااااااااااق مثل صوت القطار بمصر !! لها صدى

واتصل فيهم العن والديهم شلون يخلون الشباك مفتوح اثاري الهاوس كيبنق فاتحين الشباك ينظفون القزاز من برى

ايه .. وناسينه مفتوح // تخيلوا اغرب شي شفته .. بالشوارع اذا مرت بقره يوقفون الناس كلهم والسيارات كنه موكب أميري ههههههه لين تعدّي بكل سلام .. قسم بالله احترام غير طبيعي لها .. وياويل اللي يهشها او يحاول يحركها بسرعه // يخلونها على مزاجها ..

هذا اللي اتذكره من ذيك الرحله // الغراب والبقره




لا يفوتني ان أنوه عن تشبع معظم المشاهدين من الشخصيات المكرره في ( طاش ) ! وبإعتقادي ان ( سكتم بكتم ) قد تفوق على طاش من ناحية المواضيع
الهامه والحساسه والحيويه والتي تعتبر جزء لا يتجزأ من واقعنا اليومي الذي نعيشه ..

فمثلا حقلة العزاء في ( طاش ) ! لا أرى داعي ابدا ان يتم التركيز على مضايقة المعزين لأهل المتوفي .. وكان الأحرى بهم التركيز على الأقل على ان المعزين
يحولون المكان إلى تسليه وضحك وماباقي إلا يلعبون بلوت في مجالس العزاء .. بدل من ان تكون مجالس يتّعظ منها الناس وتدار بها الأحاديث والقصص
والعبر المناسبه !

اقول ذلك رغم اننا جميعا نفضل طاش ! وكأننا أدمنا على القصبي والسدحان .. ولكن نتمنى لو يضيفون شخصيات جديده فالكاركترات ماليه الدنيا ليش مصممين
على ابو حسين وسعيدان وانت ماشي ! مع الإبقاء على فؤاد هههههه كلش ولا فؤاد لا يهمشونه !



بالنسبه للي ما يجيهم نوم اقول .. هل تصدقون ان اليابانيين والكوريين لا ينامون يوميا إلا 4 ساعات فقط .. كلام حقيقي وليس مبالغه .. ومع ذلك مثل ما نشوف صحتهم عال العال ومن اذكى شعوب العالم إن لم يكونوا الاذكى على الإطلاق ..

ولكن اتساءل هل يا ترى اجسامهم الصغيره لها دور بحيث انها تكتفي بعدد ساعات قليله لترتاح ؟؟

الله واعلم !


ولا أطال النوم عمرا .. ولا قصر في الأعمار طول السهر // الست ام كلسوم




اللهم اجعلنا إلى جمال آياتك ناظرين .. ولروائع قدرتك مبصرين .. وإلى جنابك الرحيم متجهين ..
واجعلنا على نهج النبي المصطفى عليه افضل الصلاة وازكى التسليم



اخوكم .. خالد

انفاس الرحيل

اهلاَ وسهلاَ وحيآك الله .. وش دعوه أوووما تخرط لا لا مصدقينكِ
الخلل لا بد منه , والجنَ مابه جنَ هناآ يمكن الإتصال او شيء ..!!
عموماَ الله يوفقك إن شاء الله ويسهل لك دربكِ .. موفقة

/