ودآعآ لمزيلآت العرق !! الحل النهآئي هنآ

عآرفين فتره الصيف .. والحر وأجوآئنآ الجميله ..
لو يطفى المكيف خمس دقايق وش نصير .. الله يرحمنا برحمته بس ..
طبعآ .. مع الاجواء الجميله يزيد التعرق واحيانا يكون مع العرق اشياء مش كويسه خآلص ..
فمن هالمنطلق راح اتلكلم عن العرق والحل النهآئي لرآئحته من تجربتي الشخصيه ..
وبمآ ان العرق ورائحته أمر يعاني منه الجنسين إنآثآ وذكورآ >> كيف التعصب بس قدمتنا على الرقاله
وخآصه اننا مسلمين فالنظآفه والريحه الزينه حث عليهآ ديننآ وحاجه تميزنآ عن البقيه

>> وش رايكم بالمقدمه

بسم الله ..

ماهو العرق ؟!
العرق هو السائل الذي يخرج من الجلد بواسطة الغدد العرقية، وله وظائف عديدة منها :
إخراج بعض الفضلات من الجسم.
تنظيم درجة حرارة الجسم.

أسباب زيادة التعرق
1- زيادة في(فرط) انتاج الغدة الدرقية أو أمراض الغدد الصماء
2- عند علاج سرطان البروستاتا أو الأمراض السرطانية الأخرى ستكون عرضة
لزيادة التعرق.
3- القلق أوالحالة النفسية السيئة أو العصبية أو الضغط النفسي العاطفي أوالشعور بعدم الامان.
4- الإجهاد الزائد.
5- درجة الحرارة العالية الخارجية.
6- أسباب غير معروفة.

أمآكن التعرق في الجسم
1- تعرق الوجه: يبدأ التعرق من الجبهة نزولا إلى باقي الوجه.
2- تعرق باطن اليدين(راحة اليدين): وهي أكثر الحالات انتشارآ حيث يشعر المريض ان يديه رطبتان وأحيانا باردتان
ويشعر المصاب بحرج شديد
ويضطر أحيانا إلى عدم مصافحة الآخرين أوحتى الابتعاد كليا عن الاتصال مع الآخرين.
3- تعرق الإبطين: أيضا هذه الحالة تسبب حرجا كبيرا لأنها تترك علامات رطبة (مبللة)
وهالة بيضاء ملحية على ملابس المريض.
4- عرق الرجلين(أخمص القدمين):وهي أقل انتشارا من غيرها، ويتركز عادة في الجذع أو الفخذين أو أخمص القدمين.

رائحة العرق
كثير من الناس يشكو من رائحه العرق (الابط) فضلآ من انها تسبب حرج كبير ..
مزيلات العرق الموجده في الاسواق حاليا تعتبر حلآَ لا يدوم سوى ساعات قليله ..
وبعضها قد يسبب حساسيه في الجلد واسوداد في المنطقه .. وظهور بعض الحبوب ..
ممآ يجعل العله تتضاعف بدلآ من حلهآ ..


>> شرايكم فيني وانا تحدث الفصحى خخخخ


طيب ألحين رآح استعرض لكم تجربتي الشخصيه مع مزيلآت العرق لين لقيت الحل او المزيل النهائي اللي ما تستخدمه
الا مره بعد كل شور
وما يكلفك ولا 25 ريال او اقل بعد ويطول عندك شهور بس تحملوني حبه حبه وبالاخير نذكر المزيل الذهبي
======



اذكرته لنا دكتوره جت لنا ايام المدرسه >> سقى الله تلك اللايام .. وما طولت فيه ..
لأن بصراحه ريحته ما طقتهآ + ما يطول ولا يكمل 24 خصوصا اني كنت وقتها امشي ورياضه
وبعض زميلاتي صار يطلع لهم حبوب ..


الليمون ..
اهو زين بس برضوا ما تطول نتيجته .. تظطر انك تستعمله اكثر من مره في اليوم .. واشوف ناس نافع معهم ب
وهي انك تفرك الليمونه في منطقه الابط .. بس الاكيد اللي بيبذل مجهود مثل رياضه او غيرها ماراح تنفعه ..



وبكل صرآحه مهب بعيد عن ربعه بس ارحم منهم بقليل..
=====
طيب والحل !! ..
بالنهاآيه لقيت مزيل يدوم ويدوم ويدوم لأطول وقت يعني اضمن لكم انكم راح تودعون ريحه العرق للابد ومزيلآت العرق ..
السالفه ما تحتاج كلآفه ابد .. يمكن متواجده في اغلب البيوت ..
فيه طريقتين فيه للناس العجازه وخصوصا الرجال اللي يبي بس يقطع الريحه وبس بدون حركات مثلنا ..
والطريقه الثانيه تصلح للي يحب الروائحه الزينه يعني لما تعرق تفوح عليك ريحه المسك ...

الطريقة الأولى :

أ‌-شبه بيضآ من أي عطار تطحن ليييين تكون مثل البودره بس قبل تكسرها بيد النجر
بعدين تطحنها واحيانا تلقونها مطحونه وجاهزه عند العطار + بودره جونسون

هذي يد النجر علشان تكون واضحه اخاف يكون لها اسم آخر عند بعض المناطق
ب‌-شبه لحآلهآ تطحنها وتفرك .. ةبكل صراحه ما جربتها
(طبعآ بعد ما تخلص متروش تبلل اصبعك وتاخذ من الشبه عقبين تفرك فيها منطقه الابط فيه ناس يسبب لهم حساسيه وسواد
اقولهم شوي شوي بالفرك
ونشف المنطقه زين هو الافضل انه يكون فيه شويه مويه ولكن بكل الحالتين يضبط )

الطريقه الثآنيه : (وهذي طريقتي )
شبه مطحونه + مكعبات مسك تبشر (افضل شي القرشي) وتخلط كلها مع بعض حتى يتجانسون ..
وفيه ناس يستخدمون تراب المسك >> ما جربته للامانه


ملآحظه في كل الطريقتين : تكون كميه الشبه اكبر بقليل ..

اللي يستفيد يدعيلي ان ربي يرضى علي ويسعدني ويسعد احبابي والمسلمين عآمه

انتهى وي رب الموضوع يكون مفيد واستفاد منه الجميع ..

ورمضآن ان شاء الله يجمعنا

اختي عانت من مزيلات العرق طلع به حبه كبيره
نسيت وش يقاله بس طلعت كبيره وراحت للمستشفى
وشقه الدكتور وطلعه صراحه اسبوع واختي حالته حاله لانه عمليه بس انه صغيره
وقاله ان سببه هو المزيلات وحذره من استعمالهن
لكن الشبه ماله مثيل وبالعكس تبيض اكسره قبل وبعدين اطحنه
واحط معه بودره من اجمل وكل مااصحى من النوم احط منه
رووووعه عن تجربه

وبالفعل الشبه افضل شي
مشكوره للطرح ياغاليه ..

يعطيك العافيه على موضوع رائع

انا ماجربته بس ماما تستخدمه تقول حلوه

تقبلي مروري

يعطيك ربي العافيه يا الغلا على طرحك

كل الشكر لك ..