لا أميل كثيرا للمقدمات .. رغم إجادتي لها .. ولكني اقول ..
تقبل الله من الجميع صيامهم وقيامهم وغفر لهم ما تقدم من ذنبهم وما تأخر وجعلنا واياهم من عتقاء النار .. آمين
و
ادارة ومراقبي ومشرفي واعضاء بعد حيي .. اجمل منتدى على الإطلاق
صباحكم / مساؤكم .. معبق برائحة الورد
هذه الأيام تمتزج فيها أحاسيسنا بكل الحب والأخاء .. وتتقارب فيها القلوب ..
وتتجلى فيها معاني الوفاء ..
ويسرني أن أهنئ مؤسس هذا الصرح الغالي ..
الإنسان الذي ملك قلوبنا .. ونبض بأرواحنا .. وسهر من أجلنا .. وتألق بكلمته
وتميز بأسلوبه ..
حتى وصل إلى الهدف المنشود .. في تكوين صرح يضم أسره منفرده بعذوبة روحهم ونقاوة قلبهم ..
كافح وثابر من اجل ان نصل لهذا المستوى ..
كما يسرّنا ان نحتفل سويّا .. بـ .. نجوما تالقت .. وأقلام أبدعت .. وحروف أينعت
بكلمات أبكت .. وعبارات اضحكت .. ومواضيع إرتقت .. وردود تسامت وترفعت
كل عام وإدارتنا ومراقبينا ومشرفينا واعضاؤنا بتميز .. ورقي .. وخير
ألف شكر للايدي الرائعه التي نقشت بإبداع أناملها أجمل الحروف والكلمات
وتميز المنتدى بذوقهم الرفيع ..
وتمنياتي لكم وللمنتدى .. الإستمرار على هذا النهج والتطور الدائم والمزيد من العطاء والتميز
وفقنا الله واياكم لما فيه الخير
أحبتي هنا نودّ من الجميع ان يسرد لنا كل تفاصيل العيد .. أين سيقضيه ؟ وكيف سيقضيه ؟ ومع من سيلتقي .. الخ الخ ..
ولا بأس من سرد ذكرياته في العيد .. الجميل منها والـ .. غير ذلك .. لا سمح الله
وجميع المواقف الحاضره والماضيه .. أمانيه .. طموحاته .. كل شي يدور بخاطره له علاقه بالعيد ..
وسأبدأ بنفسي
عندما كنت صغيرا .. كانت النجمه داري والينابيع بحاري
يوم اني ورع ههههه اذكر كان العيد احلى بكثير من الحين .. اذكر طبعا اني اكون صاحي من الفجر .. وناسي والله انا كنت نايم ولاّ لا ؟ المهم إني مستحيل اضيّع احسن اللحظات فيه .. خاصه بعد الصلاة لا سوّينا الحميسه .. التسبده ههههه خاصه يوم تطورنا صرنا نحط معها بيض !! ويجتمعون عندنا ثلّة من الاقارب ويكون اجتماع حلو حلو لا يعد ولا يحصى !! وش بلاي قعدت اخور ؟
والطرطعان ( الشروخ ) وانواع المسميات وازعاج خلق الله .. وكنت شقي شوي ههههه ياي الولد شقي ! ... مره انا وولد خالتي نصحّي ولد خالتي الكبير مو راضي يقوم .. الناس عيد ووناسه وهو نايم ! ونرمي عليه طرطعانه هههه مع الشباك .. عاد صوتها بالغرفه يصير معه صدىىىى ... يالللللللللللللله بووووووووووووووم
يوم قام تقول مجنون شعره طاير وحالته حاله .. طبعا ما درى انه حنا إلا بعد سنه وسبع اشهر .. انا بجّيت
حنا كنا حاقدين عليه بصراحه .. كنا نحط تايد على البلاط ونتزحلق يا سلااااااااااااااام هههههه والمشكله مصاليخ هههههههههه يوم دخل مره ولقانا ويمسّطنا بالعقال هههه عاد تعال شف كل شي صار احمرررررررررر !!
يوم كبرْت شوي صرت حتى لو كنت سهران ليلة العيد لازم اواصل حتى الظهر ! ما تفوتني لحظات صبح العيد واللي تعتبر اجمل اللحظات على الإطلاق !
يوم كبرْت مرررره ماااااره ... صرت احيانا اسحب على أوم اللحظات ههههههههههه ويا ويل اللي يصحيني ! يعني صار يعتمد على متى نمت ؟
العيد هذا بقضيه إن شاءالله بالرياض لان فيه زواج بنحضره .. بصراحه كان مفروض نقضيه خارج المملكه انا وعيال خالتي لأني منذو مبطي ما سافرت لكن الاوضاع ما تطمن !
من ذكرياتي بالعيد اذكر صديق لي كنا كاشخين بثياب وكنادر يوم لقيناه بنعايده اثاريه كاشخ ببوت هههههههههههههههه بوت رياضه هههههههههه على الثوب والشماغ // جلسنا يومين نضحك ... ابوه غني ما عليه وعندهم محل رياضه ههههه بس بخيل ! بالعربي قصيمي .. فديت القصمان والله
بصراحه العيد تغير ماعاد هوب مثل اول .. حتى في حايل اذكر كانوا الناس يجيبون عيدهم بالشارع من كل بيت صحن .. ! وكل شوي تاكل من صحن
اذكر اول مره كنت انا واخوي والوالد الله يرحمه .. انا ما كنت اعرف وجالس على صحن واحد ابلع ههههه واشوف الناس تنتقل ؟؟؟ وش السالفه !! كان موقف غريب ومضحك بالنسبه لي .. ولكني عرفت انه تقليد وياليته مستمر .. للاسف اشوف هالعاده بدت تنقرض شوي !
انا جربت العيد في خارج المملكه لكن بصراحه مابوه احسن من رمضان والعيد وانت بهذا بين اهلك ابد ابد لا يهمك .. لكن انا اعلمك عقب العيد افحط وماجاك عندي
ههههههههههههههههههههههههههههههههههههههههههههههـ مواقفك حلوه يا الشقي < بتتسطر
اما عن نفسي احتمال اول ايام العيد بحايل وثاني ايامه بالرياض عند اهلي ان شاء الله < للحين ما بعد قرر الوالد
وبالنسبه للمواقف كثيره والله لا تعد ولا تحصى
بس اذكر العيد قبل العام كنا بالرياض ومن قبل رمضان وانا ادور لي لبس يعجبني ولا لقيت
المهم رحنا للرياض ورحت ادور بأسواقها امي توريني شي وخالتي وخالتي الثانيه وخواتي ولا شي دخل مزاجي < اصلاً كنت زعلانه وقلت الا بحوسهم معي شوي خخخخخخ
عاد وانا اشوف دخل مزاجي فستان وقلت منيب شاريته الحين الين ادوخ بروسهم زي ما زعلوني ويسألوني يا بنت الحلال ما عجبك شي وما زلت معانده لهم قلت لا هههههه جلسنا ندور الين امي قالت طفح الكيل منك واقسمت انها ما تروح معي السوق المره الجايه وانا اقرقر فوق راسها كني مصريه يا يمه بكرا العيد وما عندي لبس وترا اذا ما رحتي معي ما راح اشتري وبالعيد بروح شقة اخوي ولاني حاضرته < نقطة ضعف امي
واجلس امثل عليها شوي لآني توهقت من جد بالاخير قلت لها ترا في فستان كان عاجبني بس ما قلت لكم الا ويجيني هواش محترم سكتني وقالت انا حالفه ما اروح معك روحي مع خالتك و اروح واشتريه والحمد لله شريته وحضرت اطلز عيد مع خوالي
انا عند اخوي ببيتنا في حايل صح ؟ .. المهم الظاهر قلت في استضافتي مدري في مدونتي هههههه انا امشي واقرقر ههههه والله مدري وين قلت ووش هببّت !
المهم قلت اني اظطر اوديهم السوق بالعشر الاواخر .. خاصه بنت اخوي الكبير مثلك يا همس ههههههه ما يعجبها العجب ! او ان حظكم انتي وياها مثل حظي بعض الاحيان لا لقيت الموديل اللي تبي ما تلقي اللون ولا لقيت اللون ما تلقى المقاس !
المهم انها تبهذلني واللي يزود الطين بله انها كثيرة الترجيع ههههههه يا كثر ما ترجع وتغير ولازم اروح معها عشان اقنع راعي المحل بالتي هي احسن اول شي هههههه
أنآ من عشآق هالمدينه و يكفي انها مسقط رآسي
و لو م رحت لهآ كل سنه آسوي لأهلي أزمه ههههههههههه
جود + الرس = حب للأبد هع > اقضبي البآب بس خخخ
^
م كأنك اعديتني بالقرق الواجد هع
خلنا نجي للمهم
تذكرت موقف أليم قداً قداً
هذآ مره من المرآير كنآ بالديره عند عمآمي وقت عيد الآضحى
قبل حوالي تسع سنوآت .. كنآ انا و اختي بالصاله و فجأه دخلت اختي
بالغرفه اللي نايمين فيها امي و اخواني تخيل وش شآفت !
شآفت حية تمشي ع واحد من اخواني
و ع طول اغمى عليهآ > ي حياتي عليها موب متعوده ع هالكآئنات الغريبه خخخ
و الله بالموت صحيناها و يوم صحت جلست تبكي م هدت الا لمآ شآفت اخوي بخير و طيب
و الله موقف م ينسى و ظل بالذآكره
وبث قضينآ
و تسآني بعد تذكرت موقف ثاني جيتك > ي ليل النشبه هع
أنآ من عشآق هالمدينه و يكفي انها مسقط رآسي
و لو م رحت لهآ كل سنه آسوي لأهلي أزمه ههههههههههه
جود + الرس = حب للأبد هع > اقضبي البآب بس خخخ
^
م كأنك اعديتني بالقرق الواجد هع
خلنا نجي للمهم
تذكرت موقف أليم قداً قداً
هذآ مره من المرآير كنآ بالديره عند عمآمي وقت عيد الآضحى
قبل حوالي تسع سنوآت .. كنآ انا و اختي بالصاله و فجأه دخلت اختي
بالغرفه اللي نايمين فيها امي و اخواني تخيل وش شآفت !
شآفت حية تمشي ع واحد من اخواني
و ع طول اغمى عليهآ > ي حياتي عليها موب متعوده ع هالكآئنات الغريبه خخخ
و الله بالموت صحيناها و يوم صحت جلست تبكي م هدت الا لمآ شآفت اخوي بخير و طيب
و الله موقف م ينسى و ظل بالذآكره
وبث قضينآ
و تسآني بعد تذكرت موقف ثاني جيتك > ي ليل النشبه هع
[/table1]
والله الشرف لنا بزيارة الرس يالنشميه
هههههههه حلوه المعادله هههههههه الله يرج شياطينك فاطس ههههه
<<---- لا فقّ كشْرتوه ما يسكّره إلا بعمليه
مره من المراير ولا المرامير ؟؟ اقول جود الظاهر انك من جماعة الربع
اثاري القرّاقين واجد هههههههه
طيب خل نجي للمهم .. تعالي بهذا يا وخيتي
وشو هالمكان اللي انتم بوه ؟ بالبيت جتكم الحيه ؟ والله غريبه .. يمكن بحيّ جديد !
بعدين بعذره اختك اغمي عليها .. لعنبو بليستس انا منحاش من الغاط للزلفي عشان شفت تسلب هههههههههههههه
الله على العيد قبل
كنت قبل ما انام اعلق فستاني عند راسي واحط الله يعزكم نعولي
وداخلهن الشرابات وبجنبهن الشنطه طبعا فاضيه عشان الصبح اعبيه
حلاو البقره اللي احمر واصفر وابوي شاري لي طرطعان ابو عصفور
والبكله والطوق كلهن مجهزتهن
وقبل ما انام احط الخضاب (الحناء) وتربطهن لي امي بالغدفه ماهي الطرحه
الغدفه حقت العجز والله كأني ملاكم
وطبعا انام عند امي عشان لاقامت تسوي الفطور اقوم كله خوف لايفوت علي
العيد لان حلاته الصبح
عاد لاقمت على طول غسلت يديني الا متجعدات من الخضاب
بس ريحته تهبل لبست ملابسي وطرت عاد عند ابوي وعمامي
ومعي الشنطه عشان العيديه وادور عليهم واجمع عيدياتي وبعده
نطلع للشارع حنا يالبنات عشان نشوف الطرطعان والصواريخ
عاد العيال مجتعين ومعهم الطرطعان والصواريخ وحركاتهم بالصورايخ
يكسرون عصاه عشان يلحقنا طبعا هذا نذخ عندهم فضخوا قلوبنا
والقوي منهم يمسك الصاروخ بيده عشان ينذخ قدام البنات عاد بعضهم
تحترق يده واللي ثوبه ينشق والحاله حاله
عاد اخوي الصغير يسمعنا العيد العيد ويوم جاء الصبح يسال امي
يمه وينه العيد ماشفته يحسبه رجال
رجعتنا ياخالد لايام قبل اللحين العيد الاجتماع اول عيد عندنا
وبعده على باقي الاقارب
وشو هالمكان اللي انتم بوه ؟ بالبيت جتكم الحيه ؟ والله غريبه .. يمكن بحيّ جديد !
لآ م هوب بحي جديد , الرس لبآهآ م به هالكآئنآت المتوحشه
لآ ي طويل العمر كنآ وقتهآ عند عمامي بـ قريه من قرى القصيم
عآد مثلك عآرف القرى و آيش يوجد فيهآ > م تروح الا وهي تآفله العآفيه و مرعوبه هع
آلمهم خلني اقولك موقف ثآني > م انعطى وجه خخخخخ
هذآ يوم كآن عمري حول الـ 9 سنوآت
كآن صبح ثآلث العيد كآشخه بآلفستآن و مبسوطه و هيكآ
نآدتن خآلتي و قآلت لي روحي قولي لوآحد من العيآل
يروح يجيب لنآ آغراض من البقآله و كآنت هالبقآله قريب من بيتهم
المهم و اروح اٌقولهم و محد عطآن وجه وارجع لخالتي و اقول له
قآلت معليش تروحين انتي قلت طيب المهم و اروح لحالي واجيب الاغراض
و يوم جيت بطلع إلآ بوه عامل رآكب سيكله و ويأشر لي يبين آجيه
و انا آخق العآفيه عرفت ان وراه بلآ و حطيت رجلي و م تشوف الا غبرتي
والعامل ورآي يلحقن بس الحمدلله ان البيت قريب و الا تسآن م شفتن الحين
اسولف معك خخخخخخخخخ
قسم بالله دخلت البيت و انا مره مرعوبه و خربت كشختي ورحت اتهآوش مع العيآل
الله على العيد قبل
كنت قبل ما انام اعلق فستاني عند راسي واحط الله يعزكم نعولي
وداخلهن الشرابات وبجنبهن الشنطه طبعا فاضيه عشان الصبح اعبيه
حلاو البقره اللي احمر واصفر وابوي شاري لي طرطعان ابو عصفور
والبكله والطوق كلهن مجهزتهن
وقبل ما انام احط الخضاب (الحناء) وتربطهن لي امي بالغدفه ماهي الطرحه
الغدفه حقت العجز والله كأني ملاكم
وطبعا انام عند امي عشان لاقامت تسوي الفطور اقوم كله خوف لايفوت علي
العيد لان حلاته الصبح
عاد لاقمت على طول غسلت يديني الا متجعدات من الخضاب
بس ريحته تهبل لبست ملابسي وطرت عاد عند ابوي وعمامي
ومعي الشنطه عشان العيديه وادور عليهم واجمع عيدياتي وبعده
نطلع للشارع حنا يالبنات عشان نشوف الطرطعان والصواريخ
عاد العيال مجتعين ومعهم الطرطعان والصواريخ وحركاتهم بالصورايخ
يكسرون عصاه عشان يلحقنا طبعا هذا نذخ عندهم فضخوا قلوبنا
والقوي منهم يمسك الصاروخ بيده عشان ينذخ قدام البنات عاد بعضهم
تحترق يده واللي ثوبه ينشق والحاله حاله
عاد اخوي الصغير يسمعنا العيد العيد ويوم جاء الصبح يسال امي
يمه وينه العيد ماشفته يحسبه رجال
رجعتنا ياخالد لايام قبل اللحين العيد الاجتماع اول عيد عندنا
وبعده على باقي الاقارب
ياربي بس ياناس يا زين السوالف
والشراب لازم داخل النعول
كنتس ملاكم ههههههههههههههه ويطيح كسر كسر لا يبس هههههه
ايه يستعرضون العيال .. وسم الله يا عيالنا من الصغر وهم يخططون
هههههههههههههههههه يحتري العيد يحسبه محمد العيد يعني هههههههههههههههههه يا حليله
ذكرتيني بسالفه ههههههه إنا لله وإنا إليه راجعون يا خالد يا خالد وش رايك تنطم شوي
لا والله اول تقولها لنا جدتي .. تقول هكالمره الخبيله جاب له رجله مقاضي رمضان وش كثرهن .. يوم جاء يطق عليها الشحاذ قالت .. والله ما عندي إلا حقات رمضان .. قال انا رمضان ههههههه والله وتعطيه المقاضي كلهن ههههههههه
اعجبتني مواقف البنات اللي بالدور الثاني فوق هنا هههههههههههههه < يقصد الردود
جتني رساله امس ع الجوال يقول
الولد بالعيد
شماع بـ 80 ريال
نعول (وانتم بكرامه) 70 ريال
وثوب مكوي (3) ريال
المجموع 153 ريال
البنت
فستان 600 ريال
مكياج 350 ريال
جزمات 140 ريال
شنطه 200 ريال
إلخ ..
والمجموع 1290 ريال
والشباب اهلين كيف الحال واحلى عيد ووناسه
والبنات شوفي فلانه يع مو حلو لبسها
هههههههههههههههههههههههههههههههههه
ناس محششه
لي رجعه أليمه خالد وعندي لك مواقفن تجوز لك ( شرط )
أحبك ياقميل ..
واحجز لي مكان دسم بعبر فيه احس براسي شين ثقيل غدا مثل راس بابا فرحان
هههههههههههه يا اللهي قد تابعته انت ؟
خخخخخخخخخخ < لق لق لق
مين ؟ عناوين بشحمو ولحمو .. يا مرحبا يا مرحبا نورك غطا عالكهربا
ميه مسا .. عالعيون المدعمسا هههههه
عناوين بداخلي مصري خله نايم لا تصحيه يا رجال والله ان يصبح الصبح وانااقرق هههههههههههههههههههههههه
يا هلا بالشيخ عناوين ..
ايه هذولي بنياتنا بالدور الثاني الله يستر عليهن ويحرسهن واللي ما تزوجت يرزقه الله بالمعرس المدرّس وعندوه فيلا باسموه ومقدم على شغاله بعد ..
ما تشوفهن ماشاءالله ينزلن يقولن رايهن ويطلعن كلهن ملح وقبله والله //
وهذي البنيه اللي اسمه جود ماهنا حليله تقول انه كل سنه تجي من بيروت للرس !
ولقوا داب صغيّر يمشي على اخوها الله يحفظه ويخليهم لبعض //
عناوين كنك شايبن اصقه وانا اشرح لك اللي يصير
اييييه الله يريد بنا خير يا وليدي .. وش تقول انت ؟
والله يا ملك التصميم انا اقوللك .. بعض العيال يبي شماغ بسام اصلي بـ 150
وكنادر الله يكرمك اصليات من 200 وانت رايح .. وثوب من الفاخره بـ 200
ايه ههههههه وش بكم على البنيات يحّول .. على الاقل ماهن مثل العيال اللي كل يوم فاضخين قلوب امهم وابوهم يطلعون من يوم يقومون منالنوم ولا تدري وش يعملون .. ويقعدون يفرون بهالسيارات وكل شوي صادم وكل شوي متخانق .. ويبي قسط الاستراحه .. ويبي ويبي .. همن لا جت الاجازه عاد يبي يسافر .. مهو سهل ههههههه
لكن البنيات يا قلبي قلبهن بهالبيت كلهن حنان وشايلات المسئوليه .. يستاهلن يا عناوين لو تلبسهن بعشرة الاف .. يكفي انهن مريحات اهلهن نفسيا
وانا بموت فيك انتا يا حلو انتا يا حلو بابا فرحان والله ما من معرفه يعني سطحيه ههههههههه انا مدمن توم وجيري ,, وعدنان ولينا ومن هالسوالف هههههههههههه