أش قصدك -- يوم أصحيك مع الأاذان ما تقوم وتماطل وتكمل نومتك -- وبعدين تجمع صلواتك وعادي
ويوم تجيني تاخذني من بيت أهلي أتأخر عليك 10 دقايق -- تاكلني وأنا بعدني ماتكلمت ووضحت سبب تأخري
أش قصدك بهذه الحركة !!!!!
-------------------------------------------------------
أش قصدك وم صار زواج أختك بمدينة ثانية سفرتنا كلنا نواجب الخلق -- ويوم نقولك بنتنا صغيرة والسفر صعب عليها يمكن تمرض روح وحدك وسلملي عليهم -- تنتفخ خدودك ويحمر خشمك
وتقولي أشبك يا حرمة تبغين تزعلين علي أهلي-- وتحرجني وتقول لو كانوا أهلك أنتي كان رحتي ركض
-- لدرجة أني أسحب كلامي وأقول كنت امزح أصلا نحب السفر
ويوم عزمونا أهلي على زواج أخوي بنفس المنطقة --قمت تعذر بشغلك -- والمدارس -- وأن أهلي حبايب ويقدرون المسافات
ولو كنت مصممة أروح وحدي
و أوصل سلامك معي !!!!!!!
-------------------------------------------------------
أش قصدك يوم نكون خارج المنزل --وأنت تنبهني حول نظراتي -- وأنه لازم تكون قدامي --
وأنه لازم أنتبه أدحرج عيوني بخلق الله عشان ماياخذون فكره سيئة عني
وبعدها أشوفك مسوي بعيونك مسح جيولوجي للمكان كله سواء كنا بمستشفى أو سوق أو مطار !!!!!!!!
-----------------------------------------------------
أش قصدك -- يوم أكتبلك طلبات البيت كل شهر -- تاخذ الورقة وتحذف مقادير الحلى وكل مكوناته --
وتقول المونه غاليه يالله نجيب سكر ورز وزيت
وتضيف قائلا ما جابلي الفقر الا طبخاتك
ثم تدخل البيت علينا وقت العصر وتقول -- الله يازين ريحة القهوة
يا بخت جارنا زوجته مسويه حلى وقهوة !!!!!
----------------------------------------------------
أش قصدك يوم تقول ]يازين الزوجة تعتني بنفسها
وتسوي تقشير لبشرتها -- وتجدد من نفسها
ويوم أكتبلك طلبات من الصيدلية (كريمات سكراب -- ومرطبات -- وليفة مغربية)
تتبسم بوجهي وتقول تروشي بخيشة البصل -- ترى يمدحونها تقشر البشرة أحسن من الليفة المغربية !!!!!!
ههههههههههههههههـ
يَ حبي لنا حنا يَ الحريم دايم مهضوم حقنا
اما الرجال ما في امل يتسنعون نهائي دايم يجيك الرجال دفش و رجه < بتتصفق
يسعدك ربي يَ الغلا
ودي ..