((ديوان الشاعرمتعب بن طوالة))

[ALIGN=CENTER][TABLE1="width:95%;background-color:seagreen;"][CELL="filter:;"][ALIGN=center]











الموج المحيط

http://www.b3b7.com/vb/showthread.php?t=99301

[poem=font=",6,white,bold,normal" bkcolor="seagreen" bkimage="" border="solid,4,white" type=1 line=0 align=center use=ex num="0,black""]




حاولت اسلي خاطري مار مزعوج=
اليا بغيت ادلـه رجـع زاد همـي
همٍ على همٍ غشانـي تقـل مـوج=
موج المحيط اللي اليا هـاج دمـي
الوج لوج صغيرن لاج من حـوج=
يتيـم وابكـم مايسولـف واصمـي
قلبي غزاه الحزن فوجٍ وراء فـوج=
غصبٍ تسلل له مع عـروق دمـي
ماسلتن صـف التعاليـل وهـروج=
ولا قصة الـراوي مديـر المعمـي
والله يالولا سجـة الرجـل وادوج=
واشراف مرقابٍ من الطول زمـي
لانوح نوح اللي على الغصن بهبوج=
ورقٍ تجر الصوت من كـل يمـي
ولاقنيب مسلوعٍ مـن عقـب لـوج=
ماطاه من كثـر الهريـف متدمـي
حداه عن جو العرب حس لجلـوج=
وكوسر عواه براس جـالٍ مقمـي
واتل قلب من وراء مهدف العـوج=
تل السواني مـن غزيـر المجمـي
او تل حمرن فوقه الـدل وخـروج=
في دربهن صـم الحوافـر ترمـي
من كثر مابه من ملفـات بـدروج=
همٍ على كـل الاحاسيـس عمـي
اغظي قهر سطوة دهر رحت مفلوج=
طيحت خلا مامن صديـقٍ يسمـي
قبلي شكو منه هل الخيل وسـروج=
كم من عديـمٍ ذوقـه كـل غمـي
دنياك وان هبت باعاصيرها الهوج=
ماله ولـد خـالٍ ولا ولـد عمـي
[/poem]
[/ALIGN][/CELL][/TABLE1][/ALIGN]

[ALIGN=CENTER][TABLE1="width:95%;background-color:seagreen;"][CELL="filter:;"][ALIGN=center]





روضة جنان
http://www.b3b7.com/vb/showthread.php?t=100278



[poem=font=",6,white,bold,normal" bkcolor="seagreen" bkimage="" border="groove,4,white" type=1 line=0 align=center use=ex num="0,black""]

ياحبيب الـروح بالله عسـاك بخيـر قلـي=
انقطاعـك ليـش فجـأه وانـا كـلـي حـنـان
ياحياتي غبت عنَي بعدك شلون مـن لـي=
هانـة العشـره وخلـك بعـد وشلـون هـان
ياحمام الدوح بالله علـى المحبـوب دلـي=
ليت مـن يـدري قطـر ديرتـه ولا عُمـان
ياعيوني عقب غيبة حيبيـب القلـب هلـي=
اذرفي دمعك سحايب غلا واسقي المكان
كلـكـن ياذكريـاتـه بـوسـط القـلـب حـلـي=
وان مضى ثلثين ليلي مـع الفكـر اقتـران
يانجـوم اللـيـل فـيـك المشـاعـر تستـدلـي=
فـي وميضـك نيـة الخيـر تـشـر بالبـنـان
نسنسـت بيـن الحنايـا صبـا طريـاه فلـي=
واستنار النور مـن نـور محبوبـي وبـان
لاكوتنـي شمـس فرقـاه عــودة استظـلـي=
ذكرياته عن سموم الهجر روضة جنـان
[/poem]
[/ALIGN][/CELL][/TABLE1][/ALIGN]

[ALIGN=CENTER][TABLE1="width:95%;background-color:seagreen;"][CELL="filter:;"][ALIGN=center]





لاتطول الغيبه
http://www.b3b7.com/vb/showthread.php?t=100795

[poem=font=",6,white,bold,normal" bkcolor="seagreen" bkimage="" border="double,4," type=1 line=0 align=center use=ex num="0,black""] يامبعدن عني غدى مرقدي غمـت=
كني قريـص اللـي يمـوت بنابـه
الياغفت عين السهر بـك تحلمـت=
يامـن خفوقـي فضلـه واعتنابـه
مغليك ياللي عن هوا غيرها صمت=
اصيا م زهـادٍ بوقـت الصحابـه
بنيت بيتـك بالسراجيـف واقمـت=
وغيرك رحل وا قفى تواما ركابـه
لاتطول الغيبه على شوفتك عمـت=
كما يعوم اللي خوا الكيـف صابـه
على الثمان البيض ومعنقك همـت=
احـس قلبـي والمعاليـق ذابــه
انا بفكري في سما ديرتـك حمـت=
الشـوق قرناسـه هبوبـك دوابـه
القلب عاف البيض غيرك وانا شمت=
مغليك لو تنزف جـروح الاصابـه
تقل فراشك خالـيٍ منـك لانمـت=
ومصباح زملوق ٍ روى من سحابه
مابك كبير الا هكا الردف لاقمـت=
تطـوي عباتـك ردتـه واكترابـه
حطم قلوب الناس وانـا تحطمـت=
اليا رتجف وسط العبـات ورقابـه
مثل عراجين الحياء يو م خطْمـت=
صف تلامع فـي مشـارق خبابـه
المدمجات اللـي عليهـن تردمـت=
حجل الذهب غناء الخطاوي عتابـه
قسميـن مقسـوم ولـو ماتقسمـت=
خصرك سكون كتاب شيـخ قرابـه
طلع النحر يم العواتق ركز سمـت=
يفهـق معنقـك الطويـل انتصابـه
لايا عيون اللي تذير مـن الكمـت=
عـاف المقيـل وذيرتـه الذيابـه
منك الظباء مايجفلٍ وانـي اقسمـت=
ظبـيٍ وجـودك مايثيـر اغترابـه
كانه جعلك الله نصيبي وانا انعمـت=
والكيـف غنالـي لحـون الربابـه
مالوم حالي فيك لـو انـي انلمـت=
ياجامـع كـل الصفـات وحبابـه
صوتـك اليامنـك معايـه تكلمـت=
كل المشاعر حضـرت واستجابـه
ولا شافت عيوني عيونك وسلهمـت=
كن الرموش العكش فرسـان لابـه
واستيسرني في حلاهـن وسلمـت =
وبيت المحبـه نـورت لـك قبابـه [/poem]
[/ALIGN][/CELL][/TABLE1][/ALIGN]

[ALIGN=CENTER][TABLE1="width:95%;background-color:seagreen;"][CELL="filter:;"][ALIGN=center]





كوكب زحل
http://www.b3b7.com/vb/showthread.php?t=101016

[poem=font=",6,white,bold,normal" bkcolor="seagreen" bkimage="" border="double,4,white" type=1 line=0 align=center use=ex num="0,black""] كنـت اتعشـم فـي لقـاه وحـواره=
واقفت وطاعت هجرة الكذب والزيف
واصبحت ميس عقب ضاعت اخباره=
وحزن الفراق يخلف القلـب تغليـف
لارقـــم مـحـمـولٍ ولا دل داره=
فقط اعرف انه على شاطـي السيـف
غرون سبب موت الامـل وانتحـاره=
اللي فراقه فوق عنـق الغـلا سيـف
ام الـذراع اللـي يلعلـع ســواره=
لاحركـت يدهـا هلاهـل زفازيـف
واليـا تخطـت والـردوف استـداره=
ويل العبـات ويـل حمـر النفايـف
كن الزبيـدي جـارةٍ جنـب جـاره=
حدر جديد اللبـس بيـضٍ مواقيـف
حمرن ثمرن تقـل جمـرت زقـاره=
بين اصبعين اللي له الشاوري كيـف
سحـر الجمـال اليوسفـي والاثـاره =
ماتنظـره وتقـول لـولا وياحـيـف
لاهي من العنّـس ولا مـن صغـاره=
خـوخٍ تـدلا بالغصـون المهاديـف
مبعدك ياكوكب زحـل فـي مـداره=
عن واحدن يمشي على الارض ويقيف [/poem]
[/ALIGN][/CELL][/TABLE1][/ALIGN]

[ALIGN=CENTER][TABLE1="width:95%;background-color:seagreen;"][CELL="filter:;"][ALIGN=center]







معزوفة صدق
http://www.b3b7.com/vb/showthread.php?t=101159



[poem=font=",6,white,bold,normal" bkcolor="seagreen" bkimage="" border="inset,4,white" type=1 line=0 align=center use=ex num="0,black""]





قلبي اللي مامشى وسط شريانه حـذا=
غير من دقات قلبي لها تسرع كذيـا
مايسليني هواء ذاك عن عشرة هـذا=
مادخل قلبي مثل مادخل قلبـي هذيـا
لارقدت الليل قلبي على لسانـي هـذا=
صورته بعيوني ثنينهـن ذيـا وذيـا
وسط صدري خنجر البعد طعناته كذا=
تتسع وان طال هجره وتوذيني اذيـا
ايتمايل صوبه الشوق ورد وله شـذا=
تجلس العالم على الارض والغالي بذيا
ليته انه يـو م قفـى لقلبـي ماخـذا=
اتحذا خافقي من هـواء بالـي حذيـا
بس يبقى لاحاسيس لـو يبعـد غـذا=
ولا طرالي يسرع القلب دقاتـه كذيـا
[/poem]
[/ALIGN][/CELL][/TABLE1][/ALIGN]

[ALIGN=CENTER][TABLE1="width:95%;background-color:seagreen;"][CELL="filter:;"][ALIGN=center]





رد ثناء لمبارك الميموني وظيف الله الجبلي

http://www.b3b7.com/vb/showthread.php?t=101200


[poem=font=",6,white,bold,normal" bkcolor="seagreen" bkimage="" border="groove,4,white" type=1 line=0 align=center use=ex num="0,black""]





قرناس راسي ينتـل الفكـر ويتـوق=
كفـخ سمـاء ومشوشتـه النشـامـي
حلق على الجبـلان كسابـة النـوق=
وكسـر بحومـه للمياميـن هـامـي
اللي جمالتهـم علـى روسنـا فـوق=
عصابـة المعـروف فـوق الهوامـي
ماله ثمـن لابالمجالـس ولا السـوق=
ولايوفـيـه رد الثـنـا والكـلامـي
عذراء مراجل ماتبـي كـل معشـوق=
الا مـبـارك والعقـيـد القطـامـي
زرع الشوارب يبني المجـد شاهـوق=
المرجلـه راسـه يفـوق السنـامـي
واليا كتبت القـاف ماضيـع حقـوق=
والحـق مايهفيـه رجـلٍ عصامـي
نعم بظيـف الله علـى كـل منطـوق=
رجـل المهـام اللـي يديرالنظامـي
يفـرق بوامـره المصيبـات ويفـوق=
يستـاهـل التقـديـر الاحتـرامـي
ونعم يتل انعـام الاشنـاب ويسـوق=
يشدن لحمـرن يقتـدن ببـن لامـي
نعـمٍ تـردده الا ذاعـات وحـلـوق=
ويظيـف لتاريـخ صفحـة وسامـي
يزها شنب ميمونـي المجـد ويلـوق=
اللـي سطـر راسـه بليـا لجامـي
مبارك على الجزلات ماهو بمسبـوق=
ياحـي شغمـومٍ ويـاحـي رامــي
دقن يجنب صـادق القـول محلـوق=
الجـدي تقدابـه سـرات الظـلامـي
من لابةٍ مبطي بها الطيـب مخلـوق=
علط الرماح اهل النمـش والحزامـي
مطير يـوم الوقـت قـادم ومفهـوق=
اهل السيوف اللـي تقـص العظامـي
من فوق قب لا تنـازت بهـم عـوق=
اللي تطمّـر مـن قحمهـا العدامـي
قـومٍ تجـرد للوغـا كـل مـدقـوق=
راس المطـوس يزنحونـه شمامـي
مداسهـم يسكـن بـه النسرويـروق=
ولامن شبع فوق الاشاويـس حامـي
كم سربةٍ راحـت كراديـس وفـروق=
من ظربهم قفـن بالاعـداء حوامـي
طياحهم ماهو عـن القفـر مصفـوق=
يرتع قفاقيـفٍ لهـا الخـوف حامـي
الجـود برباعـه مشاجـر وزملـوق=
شهلول من حميـة عليـه المضامـي
اهل الصحون اللي به السمن مبـروق=
وكوم الهرافي مثـل بيـض المعامـي
ودلال غرنوقٍ وقف جنـب غرنـوق=
على سـري الغيـد هـدفٍ حيامـي
وفي جوف محماسٍ من الصلو محروق=
بنـه يديـره شـاهـده والبهـامـي
واليا استوا في عاوي النجـر مدقـوق=
قصيـر سـاق مـدودح الطارزامـي
تطبخ على ظوٍ مـن السمـر برفـوق=
عرقوبهـا يجـذب بخمـس الفهامـي
وساقه قهوجيه عقـب شفـت الـذوق=
طب الخوا وسط ابلج الصيـن دامـي
بمجالـسٍ ماهدفـت كــل نقـنـوق=
الا مشاويـش الاســود العـدامـي
شط االمكارم مبطي الاصـل معمـوق=
مناجـم النخـوه وسـادة كـرامـي
ياعايف الفزعـه لهـا منّهـم شـوق=
اللـي يخزمـون الاعـادي خزامـي
احران واحدهم على الطيـب مفتـوق=
علوى صعاصيع الوغـا والزحامـي
مطران حمران النواظـر لهـم فـوق=
بيضاء ترفرف فوق اجاء والسلامـي
[/poem]
[/ALIGN][/CELL][/TABLE1][/ALIGN]

[ALIGN=CENTER][TABLE1="width:95%;background-color:seagreen;"][CELL="filter:;"][ALIGN=center]




ذبحة معمّر
http://www.b3b7.com/vb/showthread.php?t=101421



[poem=font=",6,white,bold,normal" bkcolor="seagreen" bkimage="" border="groove,4,white" type=1 line=0 align=center use=ex num="0,black""]





ياعيون اللي شهر والجول خمّر=
فعل شيخٍ قـاد فرسـان القبيلـه
اشقرن لاادلا على الخارم يغمّر=
يترس الافاق من ريش الذليلـه
عنق ريـمٍ مستذيـرٍ ويتطمّـر=
قفوه الشرّد وغـزلان الجميلـه
طلع رمانه بصدرالغصن ثمّـر=
ماستر طرح النّبك ثوبٍ وشيلـه
الشفايف حبة خـلاصٍ تحمّـر=
استوت تـوه بقنيـان الطويلـه
وان تبسم بالرهايف وين شمّـر=
قحويانٍ في حجاريف المسيلـه
وان تخطت من نظر زوله تسمّر=
يوم اوصفها كما المهر الاصيله
لوتكلم مقنعـه صـاح وتذمّـر=
يصفقنه ركز الارداف وتشيلـه
كان طبت حفلةٍ حسنـه تأمّـر=
ليلةٍ مهي على الخفـرات ليلـه
يوم ترجح والخواصر حيل ظمّر=
من نظرها قال يامسعـد حليلـه
تلحق المجدول بـذراعٍ مجمّـر=
كن اساورهـا يهلهلـه صليلـه
تذبح العاشق كما ذبحـة معمّـر=
مثلها مع جنس حواء مستحيلـه

[/poem]
[/ALIGN][/CELL][/TABLE1][/ALIGN]

[ALIGN=CENTER][TABLE1="width:95%;background-color:seagreen;"][CELL="filter:;"][ALIGN=center]
جملة حزن
http://www.b3b7.com/vb/showthread.php?t=101756




[poem=font=",6,white,bold,normal" bkcolor="seagreen" bkimage="" border="groove,4,white" type=1 line=0 align=center use=ex num="0,black""]





ساعة مضى ثلثين ليلـي وجفنـي غـط=
بدى هاجسي يرسل على القلب تنكيده
كما الشوك احسه بالنواظر يبطـه بـط=
تركيـه دقـات الهواجيـس وتزيـده
وانا من ليال العام مرتحـت يـومٍٍ قـط=
تجمع خلايـا الذاكـره هـم وتعيـده
جعل فوق خدي قاسي الوقت مثل الشط=
كما نهر دجله يجـرح القـاع ويفيـده
لاجيت ابا انسى داخلي صار شيل وحط=
تحبل لحظـي سـود الايـام وتصيـده
من عيوني الثنتين سطـرٍ بـدون نقـط=
جملة حزن تقـراه الاطفـال ووتجيـده
على وجنتيني يرسم الوجد شكل وخط=
كما يرسم الوسمي على الارض تجعيـده
[/poem]
[/ALIGN][/CELL][/TABLE1][/ALIGN]

[ALIGN=CENTER][TABLE1="width:95%;background-color:seagreen;"][CELL="filter:;"][ALIGN=center]



وش دخلك
http://www.b3b7.com/vb/showthread.php?t=104366



[poem=font=",6,white,bold,normal" bkcolor="seagreen" bkimage="" border="groove,4,white" type=1 line=0 align=center use=ex num="0,black""] الشماته بكف الجود عرف البخيـل=
اعقبي ياالشحاح الحاقـده ماانذلـك
ياقصير قصير لو تسـب الطويـل=
الاوادم بكيفـه وانـت وش دخلـك
ما تبي منك يالعوشز ضلال ومقيل=
تعّرفك بالقوايـل ماتضلـل هلـك
ليه يومك على اشراف الحمايل تعيل=
ارفع الراس للعالـي وجـد نخلـك
ماترجـوك ياكـفٍ تشـح بقليـل=
تكنزين الفلوس وصاحبـك ماملـك
لو ملكتي كنوز الانس منتي دليـل=
الشوارب تنكّف عن دفيـن جعلـك
راحت الغلس فيك الفلس ينجب مثيل=
اكثري ياالأشقا مـن هـداد فحلـك
اتومي مثل ربدى والمواجيب حيـل=
المخابي وراس الشح ربق صخلـك
تنفق الجود كف الجود صبحٍ وليـل=
وانتي ابقي على حالك وفي معزلك
الذبابه مذارعهـا مضـره تشيـل=
والشفاء يانحل جردان في منحلـك [/poem]

[/ALIGN][/CELL][/TABLE1][/ALIGN]

[ALIGN=CENTER][TABLE1="width:95%;background-color:seagreen;"][CELL="filter:;"][ALIGN=center]





ابو شامه

http://www.b3b7.com/vb/showthread.php?t=105038



[poem=font=",6,white,bold,normal" bkcolor="seagreen" bkimage="" border="groove,4,white" type=1 line=0 align=center use=ex num="0,black""] قلبي مضيف (ن) لك فناجيل ودلال=
لك ينبني بيت البـدو و الكرامـه



يبنى لك الخفاق وعروقـه حبـال=
حد ر الحنايا نار شوقي علا مـه



دقات قلبي لهفتـن دقـت الحـال=
نجر بدوين صاح طيب و شهامـه



لك الوفاء ينساق فنجـال فنجـال=
خادم غلاك يقدمـه مـن غرامـه


لو زدت هجرك زاد حبك و لا زال=
ابقى رهيـن محبتـك واحترامـه



ياللي على راس الحلا تاج وعقال=
اخفيت في ليل العفاف الـو سامـه



لو العذارى زينهن غصب يحتـال=
ماننفتن في غيركـم يابـو شامـه [/poem]
[/ALIGN][/CELL][/TABLE1][/ALIGN]

[ALIGN=CENTER][TABLE1="width:95%;background-color:seagreen;"][CELL="filter:;"][ALIGN=center]


معشوقتي
http://www.b3b7.com/vb/showthread.php?t=105786


[poem=font=",6,white,bold,normal" bkcolor="seagreen" bkimage="" border="groove,4,white" type=1 line=0 align=center use=ex num="0,black""]


شوقي حدر عوج المحاني رزيمـه=
رعاد هملول السحايب اليـا هـاج
بعيونـي الثنتيـن غيمـه وغيمـه=
اللي قزحها طبعاً حجاج وحجـاج
عليـك ياللـي ماتقـلـد حليـمـه=
ولا زينها زين اصطناعي ومكياج
امن الحيـاء كنـه تخّتْـل يتيمـه=
ولفاقداتـه مذهبـه طـب وعـلاج
منسوعهـا كنـه شليـل الحشيمـه=
قدام شـق مسوبـعٍ تقـل مـدراج
موتٍ محقق وان تخطـت جريمـه=
ملبوسها الضافي تقل يـدرج ادراج
لاياعيون اللـي تنهـض عديمـه=
لارفرفت ترقى صطر تقل ميـراج
تذوب بالبسمـه شفاهـا السليمـه=
ويسترسل اللولو سنـاء دره ازواج
تعلقت بـه مـن جمالـه حريمـه=
كن العواتق بارقٍ والنحـر عـاج
روس الاصابع يوم لبسـه تقيمـه=
جمّار حمْبـاز المسايـل بلـولاج
لو ابعـدت تبقـى بقلبـي مقيمـه=
هي صاحبة قصة غرامي والاخراج

[/poem]
[/ALIGN][/CELL][/TABLE1][/ALIGN]

[ALIGN=CENTER][TABLE1="width:95%;background-color:seagreen;"][CELL="filter:;"][ALIGN=center]






حزن وافراح
http://www.b3b7.com/vb/showthread.php?t=105903

[poem=font=",6,white,bold,normal" bkcolor="seagreen" bkimage="" border="groove,4,white" type=1 line=0 align=center use=ex num="0,black""]




افرح وانا المحزون لاقالو افـراح=
وانسى الهموم وتنتشي بي سعـاده
ام الجديل اللي على اردافها طـاح=
شلال لاكنـه فـرق فـي سـواده
ياعيـن شيهـانٍ يوايـق بلـولاح=
ماشافة عيونه على طـول صـاده
ارموشها شلف الضياغم والارماح=
حكام حايـل يـوم وقـت القيـاده
غصن النبك يرجح بخوخه تمرجاح=
يسقيـه نبعٍٍمـن منابـع بــلاده
توت المضايا فوق درن اليا ضاح=
لوماتبـسـم ماتبـيـن زيـــاده
اللي خدوده كنها ضـي مصبـاح=
لا والنحـر للعاشقيـن الابــاده
غبت هواها عذبـت كـل سبـاح=
من عام وسطه للعنـاء والقـراده
تنتـل معاليـق الحنايـا والارواح=
مثل المليك اللـي يهـز اعتمـاده
له منحرن فيه اطلق العطر لافـاح=
ريحه عذاب العاشقيـن وهجـاده
ياشبه وضحى دللت عند مصـلاح=
تزهى غنـاء برشامهـا والقـلاده
اليا مشت قامت تمـدرى التمـواح=
الموت شكـل ارجافتـه وانعقـاده
حجله على المدمج هلاهيل وصياح=
جول المعاعي في قرايـر حمـاده
شوقي عليها بين مسرى ومـرواح=
حمراء غرامـه ماينـزل شـداده

[/poem]
[/ALIGN][/CELL][/TABLE1][/ALIGN]

[ALIGN=CENTER][TABLE1="width:95%;background-color:seagreen;"][CELL="filter:;"][ALIGN=center]



ياغلاتي
http://www.b3b7.com/vb/showthread.php?t=106287



[poem=font=",6,white,bold,normal" bkcolor="seagreen" bkimage="" border="groove,4,white" type=1 line=0 align=center use=ex num="0,black""]



ويل حالي لامشيتي مثـل درج القطـا=
والعبـات يشيلهـا شايـلٍٍ ويحطـهـا
ياوجودي كل مازاد هجـرك والبطـى=
ماجـداي الا رجـوم الفجـاج انطهـا
ياغلاتي صح قولـك ولـو انـه خطـا=
كلمت احبـك بـدم الخفـوق اخطهـا
ترتعد يالمرتعد عند خطـوات الخطـى=
واذهابـي كـل ماشلتـهـا وتقطـهـا
درةٍ ماهـي بتنبـاع سـوم ولا عطـى=
عن عيون الحسد تكفى عيونك غطهـا
حزني اللي في غيابك بحسراته وطـى=
داس قلبـي والسراجيـف قـام يبطهـا
سيف بعدك يااكحل العين باعماقي سطى=
والامانـي والاحاسيـس دق وعطهـا
[/poem]
[/ALIGN][/CELL][/TABLE1][/ALIGN]

[ALIGN=CENTER][TABLE1="width:95%;background-color:seagreen;"][CELL="filter:;"][ALIGN=center]














تغيرت
http://www.b3b7.com/vb/showthread.php?t=107645


[poem=font=",6,white,bold,normal" bkcolor="seagreen" bkimage="" border="groove,4,white" type=2 line=0 align=center use=ex num="0,black""]




تغيرت يوم انك وصلت الكويـت وعفـت=
كـأن الحبايـب والسمَرمنـت خابـرهـا

أضفت انك افضل من هويته وانا مانضفت=
تفلـت لـك اشواقـي محبـه وزابرهـا

ترى وش كثرماشفت غيرك بعد ماشفـت=
تصـادح لـك افـواه الغلامـن منابرهـا

انامن وفاي اقدم النصـح لـك وانصفـت=
عصي الهقاوي كالـرؤى يـو م أعبرهـا

ولااخذت نصحي يااتلع الجيد حتى انكفـت=
تسـوق الحسايـف والشماتـه تكابرهـا


عليك اللفو ذيك الدعايـه وانـا مااللفـت=
لأني سلـوك اهـل المكـارم واكابرهـا

حبيبي احسك في كمان الحنيـن اعزفـت=
بكى الشوق بدموع القلـم مـن محابرهـا

أذا جيت اقاوم لهفتي من حـلاك ضعفـت=
قـوي العزايـم كـل مافيـك ثابـرهـا

ابي اوصف غلاك انه تكون وطن ماعرفت=
لقيته كويت مـن الغـلا وانـت جابرهـا
[/poem]
[/ALIGN][/CELL][/TABLE1][/ALIGN]

[ALIGN=CENTER][TABLE1="width:95%;background-color:seagreen;"][CELL="filter:;"][ALIGN=center]










جذور الغردقه
http://www.b3b7.com/vb/showthread.php?t=107668

[poem=font=",6,white,bold,normal" bkcolor="seagreen" bkimage="" border="ridge,2,white" type=1 line=0 align=center use=ex num="0,black""]



تبـاً لأمتـةٍ لـم تَعِـد أمْـتـةٌ=
أضاعة المجدُ عند الغربُ خِدامـا
جذور غردقـةٍ وأفنـان مِتمَـرةٌ=
تأسلمت ما اسلمت من سامَ واخاما
حيفاءُ سيظـل المجـدُ مغتـربٌ=
نرثي العراقُ أم نبكي على الشاما
متى تِنجِبـي أمـة أللهُ مُعتصِـمٌ=
و تِنجِبي خالـدٌ فينـاء ومقدامـا
بالحقُ لا يخشى سواء الأحدْ أحدٌ=
و يعتق بـهِ أللهُ عبيـداً لأوبامـا
[/poem]
[/ALIGN][/CELL][/TABLE1][/ALIGN]