السلام عليكم ورحمة الله وبركاته
اولا احب ان اقول ان اي قصيده اضعها في هذا المنتدى هى تعبر عن نفسي ولا اقصد بها احدا بعينه
----------------------------------------
الزيـن يوم اختـار .. ونشّن عليه ..
خذني بيدي ثم ضمني وحلق وطار ..
وانا ورب البـيـت جـيـتته هدية ..
واصبحت ملكه وصار ياناس ما صار ..
***
وثارو البشر واهتزت اقلوب البرية ..
هـذا خـفـق قـلـبـه وذا جا له العار ..
واللي نسى نفسه وضـيـع خويه ..
وهذاك هون في الهوى صار غدار ..
***
أصحاب لكن فكرهم في الأسية ..
ماهو بصاحب من يبي يهدم الدار ..
دايـم ورانا اقـلـوبهم مو نقية ..
يتحينوا قتل الهوى يلعبوا الزار ..
***
أمّا أنا (( لا )) .. ضحكتي بالثنية ..
أرش انا اعطوري .. واوزع ازهار ..
واقول ذا مسكين .. وهذي صبية ..
وعسى عسى الغيار ماتلحقه نار ..
***
مالومهم اللي حصل مو شوية ..
الشعب ضايع والملك صار تذكار ..
اللي حصل في القلب ضربه قوية ..
في اقـلـوبهم للـيـوم يدق مسـمار ..
***
بقول شي : الحب قـوة خـفـية ..
قولوا لهم : الحب في قلبي اعصار ..
ماراح له .. واليوم .. وكل البقية ..
دنياي له والكون لو دار ما دار ..
***
إعذرني ياقلبي وتعذرني هيّه ..
خالفت انا صمتي انا صرت جبار ..
لكن إذا عادوا فعندي الهدية ..
إنـذار أنـا ارسلت للغدر إنذار ..
********