لغز // تطلبوني شى منى وش تبون/حله اللجاوي((خلال بيت الشعر))

اقتباس:

المشاركة الأصلية كتبت بواسطة على النيه

او ممكن يكون
المغزل أو الأوتاد ..

ولاهو المغزل
ولا الاوتاد

اقتباس:

المشاركة الأصلية كتبت بواسطة اللـجـاوي

يامرحبا ياعقاب هالمره ابي اجي حول اللغز

يمكن الله يسلمك(( ألأخله )) الي تربط الرواق بالشق ومفرده خل

وبعض العرب يسمونه مخاط او مخراز,,,,,هاه جيت من القطب والا ابقى بقطبي لمين الله يفرجه,,,,,!!

صح لسانك
ياللجااااوى
هو الخلال طال عمرك
ومتوقع تحله
بيض الله وجهك
وربي توى ارتحت
لاهنت على الحل
ودى ارمع بس ما الغز

اقتباس:

المشاركة الأصلية كتبت بواسطة على النيه

عوده بـ محاوله المخيط ( أداة تشبه الابره) او المطرق
او الصوف ..

سبقك بالحل
اللجاوى ياعلى النيه
هو الخلال

اقتباس:

المشاركة الأصلية كتبت بواسطة معاني الفرقا

ممكن يكون الخرج الصوف ديال الجمل

يامرحبا بمعانى
انحل اللغز الخلال حله
ماعرف اسمه يمكن يختلف عندكم
بس بشرح اللغز
وتعرفينه بزياده

اقتباس:

المشاركة الأصلية كتبت بواسطة عقاب النهار

مع انكم الزمتونى بلغز وطازج ماعاد بحل شى
ههههههههه ومسموح الاتصال بصديق شايب او عجوز
هذا لغز على طلبكم واتوقع من اول رمعه
وواضح اللغز بس يالله من يحله
من اول رمعه



[poem=font=",6,black,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""]
ياويش رجل ٍ جمع بين رجلين=من اول ٍ معروف الى يومك اليوم
اذا لزمته بامرهم يوفي الدين=بامرك قضى وقته على الحكم ملزوم
قليل بالديره تشوفه ترى العين=وعند البدوا موجود ياناس بالكوم
نحيل حال ولا تخالف به اثنين=رخيص في بيعه ولا يرفع السوم
وضحت لغزي هاتوا الحل هالحين=الشرح واضح واصبح اللغز مفهوم
[/poem]

0

تقديرى لكم جميع

توضيح اللغز للجميع

البيت الاول

ياويش رجل ٍ جمع بين رجلين=من اول ٍ معروف الى يومك اليوم

الخلال يجمع بين الرواق وبيت الشعر هو اللى يشبكهم ببعض
ومعروف عند اى محل تبيه منه يعرفه

البيت الثاني

اذا لزمته بامرهم يوفي الدين=بامرك قضى وقته على الحكم ملزوم

اذا شبكته بيدك يكون وافي معك ماوالله يفكهم وبحكمك انت ملزوم
مايتركهم

البيت الثالث

قليل بالديره تشوفه ترى العين=وعند البدوا موجود ياناس بالكوم

المتعارف عليه انه لاهل بيوت الشعر تحديد واهل المدن مالهم فيه لازم

البيت الرابع

نحيل حال ولا تخالف به اثنين=رخيص في بيعه ولا يرفع السوم

هو نحيل بالمره ومشابه للابره بس اطول منها وقيمته مو غالى يباع
بارخص الاثمان

البيت الخامس

وشرايكم باللغز واضح او لا والعذر من الله ثم منكم
لو ماعبرت صح

وتقديرى للجميع واحترامي

على النيه
نبــــي لـــــغزك

صح لسآنك ملاايين
وواضح اللغز ماشاء الله عليك ..
مبدع دووم شاعرنا ..
دمت بهالعطآء الجميل ..
وصح لسآن شاعرنا اللجاوي للحل ماشلء الله عليه..
لاعدمناكم ..
تحيتي

وابشر اليوم بطرح لغزي ان شاء الله ,,

اقتباس:

المشاركة الأصلية كتبت بواسطة على النيه

صح لسآنك ملاايين
وواضح اللغز ماشاء الله عليك ..
مبدع دووم شاعرنا ..
دمت بهالعطآء الجميل ..
وصح لسآن شاعرنا اللجاوي للحل ماشلء الله عليه..
لاعدمناكم ..
تحيتي

وابشر اليوم بطرح لغزي ان شاء الله ,,

صح بدنك على النيه
واهم شى عندى والله انه يكون واضح
ودام عزك بكل خير
ولاعدمنا حظورك
وننتظر لغزك
بشروك بالجنه يارب

تقديرى لك واحترامي

تسلم والله ياعقاب واضح مايبي شرح صح لسانك

ونبي ننتظر لغز على النيه