ليش ازعجـه بالرسايـل واتصالاتـي ؟

ليش ازعجـه بالرسايـل واتصالاتـي
وانا ادري انه عنيد وراكبـ(ـن) راسه

يعـد فـي شاشـة الجـوال دقاتـي
تسعين دقه عساها تحرّك احساسـه

مـدري نهايـة عـذاب آخر حكاياتـي
وألاّ بداية شعور الذنـب واجراسـه

تـدق بالذاكـره وانفـض حساباتـي
عن طين ظلمه وطغيانه وهوجاسـه

فالعين دمعة قهـر تنطـر خساراتـي
فالصدر طعنة قريبـ(ـن) عزّز امواسه

ياما طرق هاجسـه شبّـاك هقواتـي
ياما كتبت النـدم وابكيـت كراسـه

ياما كتمـت الألـم واخفيـت وناتـي
ياما حرمت الجفن مـن لـذة نعاسـه

أحيان اقول اقهـره واعلـن قراراتـي
وابادلـه بالخيانـه واكتـم انفاسـه !!

واحيان اخفي شعوري تحت ضحكاتـي
ماهو عشانه..عشان الروح حساسه

ان مارحمني وانا في عـز حاجاتـي
بعدين لامـت ظنـه ينفعـه باسـه

ماهو ضروري اوضّح لـه معاناتـي
مادام قلبي هجاه وخاطـري حاسـه

خلّوه يزرع ويحصد شـوك لوعاتـي
خلّوه يحفر قبر ذكـراه فـي فاسـه

على كثـر ماتحريـت الفـرج يآتــي
على كثر مارجيته واعلـن افلاسـه

لو هو يقـدّر مشاويـري ورحلاتـي
ماصار يضرب على فرقاي مرواسه

روعه االختيار
دام اتصالات تزعجه
بلاش منه

مودتي

خوش انتقاء سلم شاعرها
وناقلتها

الله يسعدك عالاختيار الاكثر من رائع

اشكركم على المرور

لاخلا ولا عدم

اختيار بقمة العذوبه
طبتِ ياالغلا

رووووعه
يسلم ذوقك ي الغلا
مووودتي

:
:

مشششكورآ كلك زوء


:
: