لاتناظرني بعين الشوق وعيوني حزينة ...!ّ

{مدخل ~

للحنين
عيون .. تغرق بالنظر
ما تجفّ ولاْ تسجّ ولاْ تنام
تلمَح احبابي/ وتشعلني سهَر
وان غفيت
تعيش حلمي .. للصباح.

لاتناظرني بعين الشوق وعيوني حزينة
خلنا نعشق سوى ولا نعيش الاغتراب


كلما جتني عيونك حطمت روحي السجينة
غربت فيني كلامي وابتدى صوت العذاب


لاتناظرني كفاني نظرتك مثل السفينة
ماقوت تاصل بحوري واغرقت وسط الضباب


الحزن غطا حياتي والوله يفقد حنينه
من بعد فرقا الحبايب انطوى ذاك الكتاب


لاتناظرني وناظر دمعة العين الحزينة
لاتلفت في وصوفي للاسف صارت شهاب


الحبيب اللي احبة فارق اطياف المدينة
وارتحل عني ولون دنيتي لون الغراب


لاتناظرني طلبتك مابقى فيني سكينة
ماابي المح عيونك وافتكر طيف الذهاب


خلني ابكي خفوقي وانصف احزاني الدفينة
وانبث قبور المحبة لو بقت تحت التراب


لاتناظرني وقلبي انفجرعالي بطينة
للاسف اني لغمتة بالعشق تحت السحاب


كنت احسب ان المحبه كالذهب واصرخ ثمينه
ماتقدر بالممالك والذهب واعلى نصاب


لاتناظرني طلبتك انتهت نفسي الحزينة
للاسف قلبي تفتت بالنظر منك وطاب

ماابي اكسب غرامك واخلط الصافي بطينة
خلني باخر عيونك خايف (ن) رمشي يصاب


كم تجرعت المآسي والعشق نارة مشينة
تحرق اللي ماتجاهل لفحها لحظه عذاب


لاتناظرني وغادر والزمن مثلي يدينه
لو يناظر في عيونك والنظر سهمه شهاب

موالي الحْزن لا تشرَه على اهدابي
ـــــــــــــــــــــــــ ما فيه وجه ٍ فقدته فيك ما جاني


البارحة والمكان يضجّ بآحبابي
ـــــــــــــــــــــــــــــ كنّ المواقف على دمعي تحداني


طلّت سماهم عليّ وطارت اسرابي
ـــــــــــــــــــــــــــ واحترت لأيّ الغيوم ترفّ جنحاني


رتـّبتهم بالحنين/ وقلت الاولى بي
ــــــــــــــــــــــــــــ ابوصله .. لين مرّوا ما بهم ثاني


تساقطوا من غياب ٍ يسقي عتابي
ـــــــــــــــــــــــــــــ واورقْت شرهة محبّة لجل خلاني


يا ليلة الحلم / حلمك ويش سوّا بي ؟
ــــــــــــــــــــــــــــــ ما يدري انه ذبحني يوم ناداني


لـمّ الحبايب وصحّى كل ما امسى بي
ـــــــــــــــــــــــــــ لـمّ الحبايب وانا اللي كنت وحداني


صرت اقطف قلوبهم وآقول لترابي
ـــــــــــــــــــــــــــ ما قلت لك لا تندّم .. غصنهم حاني


شفهم سروا بالعروق/ وراقت اعصابي
ـــــــــــــــــــــ واعتقت ذاك النفس من سطوة احزاني


مبطي وانا ارضي خفوقي لو على حسابي
ــــــــــــــــــــــــــــــ وش عاد لو قال هالمره علشاني


طاح الحطب والورق طار/ وبقى كتابي
ـــــــــــــــــــــــــــــ باقي بجوفه غلاي وباقي احساني


ماني بخيل المحبّة.. لكن احبابي
ـــــــــــــــــــــــــــــ خلوا لي الحلم لين الصبح صحاني


صبح ٍ خَنق فرحتي.. واستهون غيابي
ــــــــــــــــــــــ واهدى الضياع لدروبي واشعل اشجاني


واليوم مابي مساي يمرّ من بابي
ــــــــــــــــــــــــــــــ آخاف انام ويجون بـ حلم من ثاني

{مخرج ~

كم مضى .. والغيم
ينبـي بالمطـر
والعروق تجفّ/ خوفي لا تموت
وكم لهذا الغضن/ لجله مانكسر
بس إلى هـ اليوم
ما مرّه حمـااام

الله عليك
نص رائع كروعتك
تسلم اياديك
لامست احساسي
يعطيك الف عافيه

جميله للغايه
اشكرك على النقل
يعطيك الصحه

قلبي

*(غيوض)*
حـروفكـ مختلفـة عن سآئـر الحروف والذوق
يمتزج الاحساس بالحروف
ويتكون ابدااع
لا يووووصف
يسلم قلمكـ المميز الي تذوق الابداع
وإحســــــــــآسك الرائع
كتبت كلمات جميله
ذاات معاني راقيه
سلمـت لنـآ تلكـ الأنـآمل
التي ترجمـت الإبـدآع حـرفآ
دمت وداام جماال حرفكـ
دمتي بسعاده

يعطيك العافيه على اختيارك العذب
صح قلبك ولسان شاعرها
تقديرى

:
:


ابيات في مُنتهى الذووووق
تسلم ايديك


:
:

انتقاء يسمو عذوبه
سلمتِ يالغلا

للحنين
عيون .. تغرق بالنظر
ما تجفّ ولاْ تسجّ ولاْ تنام
تلمَح احبابي/ وتشعلني سهَر
وان غفيت
تعيش حلمي .. للصباح.

مدخل جميل بحق
وانتقآء آكثر من رائع
سلمتِ ,,

يسلمكم ربي
وما أنحرم من طلتكم الجميله .