مدري بكى حلم ؟ .. مدري ليلةٍ غبْرة

[align=center][table1="width:95%;background-color:black;"][cell="filter:;"][align=center]

السلام عليكم ورحمة الله وبركاته
:
:

مدري بكى حلم ؟ .. مدري ليلةٍ غبْرة
نسيوني أحباب ولاّ ضاعت أخباري ؟

هي إتدبّر ؟ .. أو أقفَت مابها دِبرة
ليت الليالي تقدّر غربة الساري

مدري من اللّي من الثاني نفذ صبره
لا يازمن .. من هو البايع من الشاري ؟

لا الوجه وجهك ولا النبرة هي النبرة
مدري.. ولكن طرا لك يازمن طاري

ماني بجاهل على الشدّات .. تختبره
تشتدّ ياوقت .. وإصراري هو إصراري

بالقلب ما تعرف العبرة من العبرة
وبناظري غيمةٍ ما تمطر أسراري

خلّيت الأحزان بأقصى القلب منثبرة
ياكثر كذبي على نفسي وأنا داري

قم ياقصيدٍ يعزّي لا إنتثر حِبره
إليا حداني زماني تفزع أشعاري

وإن بار فِيَّه رفيقٍ كنت معتبره
أغلى من الروح .. ما نّزلت مقداري

والله لو ردّ هاك الحبّ من قبره
مارِدّ له .. لين تبرد غلّتي .. ثاري

ماكلّ شقٍّ .. مداه السلك والإبرة
وماكلّ عينٍ .. تجامل جرحي العاري

إمّا يقولون .. طاح الضلع .. من كبره
ولاّ يقولون .. ماهو للوطى ضاري

كلٍّ تكلم وكلٍّ خابرٍ خبره
وبكره .. يبين الصحيح .. إن سهّل الباري

البارحة ضقت .. وأثر البارحة غبرة
مدري بكى حلم ؟ ولاّ ضاعت أخباري ؟

لامست احساسي

ودي لكم

[/align][/cell][/table1][/align]

انتقاء من جد رووووووووووووووعه ياقلبي انتي
تسلمين ياعسووووله

صح الله السان الشاعر
والشكر موصول لك غيوض لذائقتك

أنتقآء روعه
سلم ذوقك يَ غلآ
ودي ..

انتقاء يسمو عالياً
طبتِ وطاب اختيارك
ودي

كنتي هنا مبدعة وحق السماء باختيارك

لك مني اعذب التحاااياا

غيوض

انتقآء جميل جداً
وذآئقه عذبه...
طبتِ ,,

لاحرمت من إشراقتكم الرائعه

ذائقه مميزه هيا ذائثقتك غيوض
واصلي حضورك المميز
تسلم اياديك
وعساكِ ع القوه ي رب

منور بطلتك
لاخلا ولاعدم