{{ ديوان الشاعر \ سعيّد العمودي }}

[ALIGN=CENTER][TABLE1="width:95%;background-color:black;"][CELL="filter:;"][ALIGN=center]


الشبيّحه

http://www.b3b7.com/vb/showthread.php?t=100352

[poem=font=",6,gray,bold,normal" bkcolor="black" bkimage="" border="none,4," type=1 line=0 align=center use=ex num="0,black""]
الشمال اللي اليا اجنبت نسنـس ريحـه=
وين اودي ضيقة الصدر عـن نسناسـه
مابقى يـادرب الاوهـام فينـي طيحـه=
استمع من صوت الاحساس خذ من راسه
نرصـد اخبـار العصابـات والشبيّحـه=
لعنبو من قال الاجـرام فـرض سياسـه
ينقل الاعـلام للنـاس عـن تصريحـه=
شي مايكتب من الزيـف فـي كراسـه
نهج مايحتاج له صبـر فـي تصحيحـه=
اقتلـو قديّـس الاجـرام فـي قـدّاسـه
يوم بغـداد العريقـة شكـت لااريحـه=
والكنايس علق الكذب صـوت اجراسـه
الآسد اضحى بصوتـه ونيـن وصيحـه=
وارتفع صـوت المـآذن علـى خناسـه
العميل مناصـر الكفـر فـي توضيحـه=
والخيانـه والجبـاروت منبـع ساسـه
يدعي بالحـق والحـق فـي ترجيحـه=
اقتـل المسلـم بلاذنـب واكسربـاسـه
اسجنه واعبث ونـادي علـى تشريحـه=
وده يفصّـل شعوبـه علـى مقيـاسـه
انتهى صبـر المظاليـم مـن تجريحـه=
واحترق بـن المـروات فـي محماسـه
وضع من يرضى بلاشك فـي تصديحـه=
مثل من حط الهقـاوي بطبخـة فاسـه
كم بقـى للعـز نظـره وكـم تلويحـه=
وكم بقى للذل لحظـه تضيـق انفاسـه
الربيـع يعطـر الكـون ورد وشيـحـه=
ومن تعود يمشي الحـق يرفـع راسـه [/poem]
[/ALIGN][/CELL][/TABLE1][/ALIGN]

[ALIGN=CENTER][TABLE1="width:95%;background-color:black;"][CELL="filter:;"][ALIGN=center]

ضـــــــيـــــاع الـــبــــوصـــلـــه
http://www.b3b7.com/vb/showthread.php?t=104209


[poem=font=",6,gray,bold,normal" bkcolor="black" bkimage="" border="inset,4,white" type=1 line=0 align=center use=ex num="0,black""] الايام تتسارع والاحـلام وضعـه زفـت=
ولافيه داعي نسـرج حصـان طـرّواده
نقول انفتحنا لكن الواقعـه وش شفـت=
مقاطع لابـن زيـدون فـي حـب ولّادة
وانا لو بدالي نايف العلـم يمـه نفـت=
ابرفع طموحي واكسـر الـذل وشـداده
اقول الصراحه موجعه واضحه ماخفـت=
كلامي وبلغ به هـلا الزيـف واسيـاده
سبرت الطريق وشفت بالعين لكن عفـت=
فساد الذمم حـدد مـع ابليـس ميعـاده
نردد نقول ابليس ملعـون لكـن طفـت=
شريكك سمح لك واعلن الفسـق ببـلاده
كتبنا على وضحا النقاللغشيـم اجحفـت=
وقلبت النوايـا الصادقـه قيـد وقـلاده
عشقنـا ثقافتنـا وهمنـا ولا ثقّـفـت=
تنازلت عن نهـج القـدا قبـل تقتـاده
تطور بعكس احلامنـا وانـت ماعرّفـت=
وش الجهل غير انك تجاهلـت وزيـاده
توقفت عند اصـرار الاحـرار ماوقفّـت=
قبل تقصي اللي يعطي الصدق لاحفـاده
على الصدق نمضي وصفّوهم كما وصّفت=
مـرادي واقولـه لكـن الشـك بمـراده
تكلفـت ياصـوت المهانـه ولاكلّـفـت=
وانا الحق في ظلماتهـم يقـدح زنـاده
نبي خط واضح نرسمه وانـت لوكففـت=
دموع الخطايا صـرت موتـه وميـلاده
نقوله على سمع المـلا ياولـد خرّفـت=
مسيـرك تعثـر واحـذر النـار وقـاده
حلفت بضياع البوصله وانـت ماحلّفـت=
واشوف السوالف تطرب ابليـس واولاده
واذا مرت ايامـك سريعـه ولا انصفـت=
تبي تاخذ العبره مـن حصـان طّـرواده [/poem]

[/ALIGN][/CELL][/TABLE1][/ALIGN]

[ALIGN=CENTER][TABLE1="width:95%;background-color:black;"][CELL="filter:;"][ALIGN=center]


ملّت النفس يامشكاي زيف الوجيه
http://www.b3b7.com/vb/showthread.php?t=106134



[poem=font=",6,gray,bold,normal" bkcolor="black" bkimage="" border="ridge,4,silver" type=1 line=0 align=center use=ex num="0,black""]







ايه جهز لناالموتـر فـدآك السفيـه=
وانت راع المخوه لازهمتـك خـوي
فوق شاص لياضاق المدى ننتخيـه=
مسندك يشبه ذويبـان يـوم يعـوي
دق سلفـه تسمـع نغمتـه يالنبيـه=
يطرب اللي يوصل النايفـه مهتـوي
ان نطحتـه تقـول الله واكبرعليـه=
وان قفيتـه ترددحيـل ربـي قـوي
ان بدا بالتغطرس قمت تلعن ذويـه=
صممه واحـدٍ مجنـون ماهوسـوي
ينتخي لك شجاعه كل ماقلـت هيـه=
والمراديـم لهـا بالجوبـرق ودوي
عل دهم السحايب كـل وادي تجيـه=
والصحاري برحمة خالقـه ترتـوي
ملت النفس يامشكاي زيف الوجيـه=
والمدينـه بميسمهاكوتنـي كــوي
ودناياعضـيـدي والسفرمشتهـيـه=
يكفي اني من الضيقه سنه منطـوي
ابعدالشوح والدرب الـردي مانبيـه=
مايشيـل الثقايـل غيرزنـد بـدوي
محزمك والثمينه لاشـرت تشتريـه=
يوم غيره طريقه بالـردى ملتـوي
اطوي الارض واللي فات لاتحتريـه=
والوي ذراع ظرفك بالعزيمـه لـوي
لوتهـب الهبايـب خيلهـا نمتطيـه=
ومايهمـك كتـاب احذرومايحتـوي
مالناغيـرربٍ بالـوزى نرتجـيـه=
وكلّـه دام قلبـك هـاويٍ منتـوي
وقول يانفـس بسـك والعناودعيـه=
واطوي اللّي مضى لك ياعنيده طوي
شاعرٍ عاف هادنيـا وغسـل يديـه=
والمعاناة ناره يشتـوي بـه شـوي
ودآم شعري مزخرف بالذهب والجنيه=
لين يضوي طريقي بالجزايل ضـوي
واترك دروب حـظٍ عاقـدٍ حاجبيـه=
مابكت له مداين ماضحـك للقـروي
وانت ياراع الوقفات رايـك وجيـه=
مابقى للمخوه غيـر مثلـك خـوي
[/poem]
[/ALIGN][/CELL][/TABLE1][/ALIGN]

[ALIGN=CENTER][TABLE1="width:95%;background-color:black;"][CELL="filter:;"][ALIGN=center]



مــا نـــســـيـــتـــك
http://www.b3b7.com/vb/showthread.php?t=107999

[poem=font=",6,gray,bold,normal" bkcolor="black" bkimage="" border="groove,4,white" type=1 line=0 align=center use=ex num="0,black""]




1 من يسد بغيبتـك ياهـي مريـره=
ان تفقـدت الزوايـا مالقيـتـك
2 ما خبر نفسي تعاتبنـي كسيـره=
لين في ليلي تعنيّـت وسريتـك
3 صرت انام الحزن وعيوني سهيره=
رغم هـذا بالمتاهـات احتريتـك
4 موحشه دنياي واحلامـي فقيـره=
والله اني في غيابـك مانسيتـك
5 كل لحظه تفتح الاوهـام سيـره=
في خيالي شلت خفاقـي وجيتـك
6 انتهت دنيـاي وايامـي قصيـره=
ليه ماتسمع حنينـي لا دعيتـك
7 مندفع قبل الامل يلقـى مصيـره=
بعت عمري للمواجع واشتريتـك
8 ان بكيت اقـول ياعينـي كبيـره=
وان ذكرتك قلت ياكلـي فديتـك
9 والغلا مجنـون وذنوبـه كثيـره=
احتواني موطنه ليـن احتويتـك
10 ليش اعبر والعنـا عبّـر اثيـره=
تتعب الابيـات وانـا ماحكيتـك
11 لكـن الايـام ماتخلـف مسيـره=
كم طريقٍ ضلني ليـن اهتديتـك
12 والنهايه موجعـه مـره مريـره=
والحقيقه ضقت لكـن مابكيتـك
[/poem]
[/ALIGN][/CELL][/TABLE1][/ALIGN]