الله خلق خلقه على عدة اجناس

الله خلق خلقه على عدة اجناس

قالوا علامك صامت وقلـت يانـاس

كثـر الكـلام يقـل لاجلـه مقامـي

الصمت حكمه والحكي مصدر إفلاس

ولقيت في صمتـي يزيـد احترامـي

الصمت له معنى وله ذوق وإحساس

مركب نجاتك فـي بحـور الظلامـي

ترى الرجل صوره من الراس للساس

ثـم يتبيـن جـوهـره بالكـلامـي

إما نطق في كلمـة ترفـع الـرأس

تضفي على شكله جديـد الاسامـي

وإلايعـود معدنـه معـدن نحـاس

يرميه سهمـه بعـد ماكـان رامـي

لا صار عندك من ثمينات الألمـاس

خله بصدرك ليـن وقـت التمامـي

أخاف يطلعلك مـن النـاس بـلاس

وإلا سفيـه مـا يــرد السـلامـي

الله خلق خلقه علـى عـدة أجنـاس

وكلـن يسوقـه مذهبـه للأمـامـي

والله خلق بالطير قمـري وقرنـاس

ووقت الهدد ما ينغـزي بالحمامـي

لا جال في صدرك من الهم هوجـاس

وعينـك يحاربهـا لذيـذ المنامـي

ونفسك عليله والفكر صار محتـاس

اترك طمان القـاع وارق السنامـي

عليك بالعالـي ليـا هـب نسنـاس

يبري الجروح الخافيـه والعظامـي

وخلك لربعك دايـم الـدوم نبـراس

وخص القريب وخص ولد العمامـي

خلك لهم في داجـي الليـل مقبـاس

ولصاحب أصدق من حقوق الغمامي

ربعك ذراك ليا لحق راسـك البـاس

قدم لهم شربك ولـو كنـت ضامـي

وخلك لثوب الطيـب والعـز لبـاس

واتـرك دروبٍ تنتهـي بالحـرامـي

وفعل الجميل وواجب الضيف نوماس

ومن لا نفع بالضيق نفعـه عدامـي

بيت الكريم أبوابـه بـدون حـراس

وبيت البخيـل يعـد مثـل الهدامـي

كلٍ بهـا الدنيـا نصيبـه بمقيـاس

ياخـذ نصيبـه لوجفـوه الأنـامـي

وسلامتكم

من يعرف شاعرها يخبرنا

اخي خالد
انتقائك جدا رااائع

بعطيك العافيه

يسلم نقلك ويسلم حسك

الصمت حكمه والحكي مصدر إفلاس

ولقيت في صمتـي يزيـد احترامـي

الصمت له معنى وله ذوق وإحساس

مركب نجاتك فـي بحـور الظلامـي

أبيآت جزله رآئعة المعآني
صح لسآآن شآعرهآ
وسلمت لنقلهآ لنآ
طبت ,,

يا ملا العافيه يا
الغاالي على
هالاختيار الراقي

يعطيك العافيه
ياالغالي

وتسلم