خلوها لي وانا اجـي

راحت من يديني كذا وانـا اناظـر فـي يـدي
لا قادر اوصل دربها ولا قـادر اقـوى بعادهـا


حسيت يوم فراقها كن جسدي ما هو جسدي
مثل الشعوب اللي تحس غربة وهـي ببلادهـا


قولولها محتاجهـا والشـوق حادينـي حـدي
تعبت من كثر السهـر البعـد نفسـي بادهـا


ضاع جهدي فدوة لها لو منها ضـاع جهـدي
احط موعد وانتظـر يمكـن تجـي بميعادهـا


هي بس ترجعلي وانا نذرٍ علـي اذبـح فـدي
واني ماعاد انسى ابد تاريـخ عيـد ميلادهـا


ازعلتها وكان السبب تافه مثل وجـه الـردي
انـي نسيـت اذكـر ابـارك للفـرح بعيادهـا


تطور الموقف وانا ماكنت في الموقـف هـدي
كابرت انا ومثلي بعـد هـي كابـرت بعنادهـا


الحق معها واعترف والحـق مـا والله يغـدي
والغلطة ماتحسب على اللي لا غلط ماعادهـا


قولولها يشهد علـي الليـل والجـرح النـدي
ساعة عطتني ظهرها والقلب يصـرخ نادهـا


وان كانها عيت تجي وراحت ورى البعد تعـدي
الله معاها بس تقـول البعـد وشهـو فادهـا


واذا سكتت او دنقت او طالعة صـوب الجـدي
تـراه ودهـا بالرجـوع وعنادهـا ماقادهـا


خلوها لي وانا اجـي احـط يدهـا فـي يـدي
وكان العنـاد براسهـا ابـوس راس عنادهـا

ياروعة الاحساس
ومملكة الابداع في جمال الانتقاء والذائقه
رائعه يارائعه بكل ذوقك وانتقائك
صح قلبك وكلك
ولسان شاعرها

تقديري واحترامي

أبيآت تفوق الجمآل
إحسأآس جميل ..
وهطول أنيق ..
لآهنتِي يآ قمر ,,,

||




طآبـ منقولـــــــــــــكـ

اقتباس: المشاركة الأصلية كتبت بواسطة عقاب النهار    ياروعة الاحساس ومملكة الابداع في جمال الانتقاء والذائقه رائعه يارائعه بكل ذوقك وانتقائك صح قلبك وكلك ولسان شاعرها تقديري واحترامي

لقد استكملت القصيدة مهابه وروعه وجمال
بسبب مرورك العذب والذي يجعل قلبي في سعاده دائمه ,,
لاعدمناك يابعدي
رونق الزيارة باقة ورد شذها عطر المكان

كل الود والتقدير

اقتباس: المشاركة الأصلية كتبت بواسطة على النيه    أبيآت تفوق الجمآل إحسأآس جميل .. وهطول أنيق .. لآهنتِي يآ قمر ,,,

زيارتك تفرحني وردودك تبهجني وحروفك تعنى لي شهادات تقدير يحتويها خافقي

لك مني عظيم الشكر ووافر الأمتنان

همسة (لروعة حضورك طعمه الرائع )

اقتباس: المشاركة الأصلية كتبت بواسطة يآمنيتي    || طآبـ منقولـــــــــــــكـ

وطااابت روحك يابعدي
حياك ربي

قيثارة وهطول ماطر بكل مايحمله من جمال
سلمتِ يالغاليه ع ذووقك العذب
طبتِ بالفرح

اقتباس: المشاركة الأصلية كتبت بواسطة رواء الروح    قيثارة وهطول ماطر بكل مايحمله من جمال سلمتِ يالغاليه ع ذووقك العذب طبتِ بالفرح

يامرحبا ترحيبة كلها لش
تكسيش من راسش الى حد ماطاااش

اختيار ولا أرروووع
لاهنتي

اقتباس: المشاركة الأصلية كتبت بواسطة *(غيوض)*    اختيار ولا أرروووع لاهنتي

هلا بيك وحيااك الله يابعدهم
تشرفت بحضورك