ببيت شعر سجل حالتك النفسيه ,,,,,,,,,,,,,,,, الجزء الثاني

لا تذبحيـنـي بالخجل..والرتـابـه
....................... وانتي معالم إنس..واستأنسِك جـن
يا مِفقِده شيـخ المعانـي ..صوابـه
........................ماحن لك قلبٍ ؟؟ ولا خاطرك حن
بيني وبينـك ..والمسافـه ..تشابـه
.................... لاجيت اقول انتِن.. اقول انتي.. وهِن

من قيض دنياي جيت أدوّر ظلالك
وأرتاح من عقب ماأشقتني مسافاتي
هالك وضامي مشاعر والبدن هالك
يايبس ريق الخفوق .. وقل حيلاتي
واللي جعلني بلا تفكير أسعى لك
أني لأحسدك على صبرك بغيباتي

همسة غلا جتني على غيرميعاد
عشقت همسات الغلا من غلاها


مع كل همسه تخفي الحب بعنـاد
وعنــــادها زود علــــيه حــــــلاها


اثــر الزعل لاجاك من واحــــد جــاد
انه يذوقك العســـــل من شفاها



على الزعل قلبي من العـام معتـاد
حتى دخلت فكري وشفرعلاهــا

حيّ الصباح اللي يجيبك على البال
يا غايب ٍ ما غاب طيفك و طاريك
..
لوك تشوف الحال و يهمّك الحال
في ذمّتي ما عاد تقفي و انا ابيك

لا مرّت الكورنيش و الجام مفتوح
تقول : و النسناس ينثر شعرهاا
..
بارد هوى الدوحه دوى علّة الروح
فديت : جرهد بيدها مع بحرهاا

في غيابك
تدري شـ أكّثر شي يذبحني ؟!
أني كل ما ألمس صدري المملي [ حنين ]
أكتشف انك اناني !!
لاني اسمع صوتك المجنون يصرخ بي :
( شيل ايدك .. لا ! .. هذا مكاني )

هـــــــاتي يدينك وابعدي كل ضيقه
............... ماهو ضــــــــروري حزننا نعترف له

يا اوفى من عتاب الصديق لـ صديقه
............... واصدق من دموع ٍ كست خد طفله

و تتمرجح عيون الليل من غيمه الى غيمه ..
.. .. .. .. و لا جاب السهر لآنفاس صدري سوا التنهيد .

خذتني هالمسافات الطويله ... بلا شيمه
.. .. .. .. انّوم هالحنين وتصحيه العصافير بـ التغريد .

سنه ..و عيوني تخايل بالسما ..... ديمه
.. .. .. .. لعل الوصل يسقي جادب الاشواق بي و يعيد .

زمان الغيم و جنون الصبا و شوي ترنيمه
.. .. .. .. و بعض ذكريات الحي و لحظات اللقا و العيد .

ياهيه ارجع وطّلع المجروح من ضيمه
.. .. .. .. كفايه مالحق قلبي من دموع واسى و تنكيد .

قيثاره
ذائقة فريده يالغاليه
اسعد الله صباحك بالخير

أشتَاقْ إليكَ كثيراً ..
وَ ألعنْ ساعَاتْ السَفرْ ألفاً .. ترحلُ البهجَه عنِّيْ معكَ
وأبقَىْ وَ جدائلْ التفكيرْ منسدلة علَىْ كتفِيْ .. وَ فقدُكَ يقتلَ النبضَ بِيْ ..

قهوتي أصبحت هرمه كـ الأنا
و لم يتبقى من ذكراها سواكم و بعض دمع وتمرد
لا جديد
هذا ماتعلمته لأردده في كل صباح شكرا بحجم العمق
على بقائي في طرف الذاكره

حاولت أن أبعد وأتناسالماكان **لقيت في بعدي تزاد شجوني
حسيت من بعده بلوعه وحرمان **ولا لقيت الي يشافي الطعوني
قلبي من أسبابه غدى اليوم شفقان **وبعده بدى همي يجر اللحوني

بقلمي

مانتى سهله
يانسمات
شاعره
صح لسانك وابعد الله عنك وعنا وعن كل مسلم الهم

الهم قصه تحتوي مــــــــــر الازمان
---------- شي ٍ قريته منه تبكي عــــــيوني

احد ٍ بكي واحد ٍ شقي واحد ٍ انهان
---------- واحد ٍ قضي عمره يسد الديوني

دنياك هذي بين رابح وخسرااااان
--------- والرابح اللى مات ماهو مغبوني

بقلمي

صح بدنك
وين أنا ووين الشعر
ماأجي نقطة في بحركم يالشعار
بس محاولات من الوجدان تخرج أحيانا فادونها
الله يسمع منك ويبعد الهم والحزن عن المسلمين جميعا

خذني بقايا روح وانثرني اجروح **تعال استحل القلب ثم اغلق اسواره

حنين يربطني بهذآ ..}..المكآن ..{..