السلام عليكم ورحمة الله وبركاته
أعزائي مشرفين واعضاء بعد حيي
أسعد الله أوقاتكم بالخير والمسرات
اليكم سالفه من المورث الشعبي سبق وان سمعته من كبار السن وسمعته بشريط للراوي الأستاذ عبدالرحمن المرشدي
هذه السالفه جرت على الشيخ جديع بن قبلان من شيوخ عنزه كان شيخ عشيرته وله ابناء عم تقاووا انفسهم وبغوا على جديع واخذوا الشيخه منه بالقوه وهو وقته ماله ولد او سند يعاونه عليهم وكان له صديق شمري يقال له النفيشي يزوره كل سنه ويجيب له هدايا وجديع يعطيه من العطايا اللي ياخذه من الدوله العثمانيه هكالوقت لأن بين كل شيخ عشيره والدوله اتفاقيات ومصالح متبادله المهم شاف الشمري صديقه منغث ومنزاح عن الشيخه سأله وعلمه بالعلم كله
قال النفيشي ياجديع ابي اشور عليك شور وليتك تطيع قال سم هات ما عندك قال شوري انك تزوج من منسب يرفع ما يطمن لعل الله يرزقك بولد يكون لك عون بعد الله وان طعت عندي لك منسب
قال جديع منهو قال النفيشي هذا امير الجبل محمد بن علي (السمن العرابي ) له اخت يقال له الخنساء وتراه اليا طلبته منه يبي يقول ما عندي حريم للزواج لأنه يحسب انك من اللي يدورون الجمال والزين المهم بعد كم يوم زان لجديع شور صديقه وعزم انه يسير على امير الجبل وفعلا وصل عنده واكرمه الأمير وخطب جديع من ابن علي ورد عليه وقال ياجديع ما تصلح لك قال جديع ياطويل العمر انا ما ابي من الحريم الا هي المهم وافق وتزوج جديع الخنساء وجابت له ولد وسماه فاضل وكبر الولد ويوم صار عمره حول 15 سنه وعرف العلم سير على خاله السمن العرابي هو وامه واهداه خاله سيف ويوم رجع قال لأمه ليه خالي اهدا لي سيف قالت يبيك تسترجع الشيخه لابوك من عيال عمه
ويوم جو مناديب الدوله لشيخ العشيره وقاموا يوزعون الليرات كان فاضل ولد جديع بمجلس الشيخ وقال الحذيه ياشيخ قال حذية المعنى مقمع وقم يافاضل وسل السيف واول ما ضرب يد اللي يوزع الليرات والتفت على الشيخ وقص راسه وهو بمكانه وكمل على الباقين وراح لأبوه وجابه لبيت الشيخ وقال من اليوم انت الشيخ
بعدها قال جديع هذه الأبيات
عافيه يافرخن خلـف قيمة غذاه = يانقوة الوكري من الخاسـراتي
دمحتله يـــامـــا تمكنت بقصــاه = وجلا صدى قلبي عن الفـايتاتي
الـــعذر يالاجواد عشرن دمحناه = وخمس نخفيــهن وهـــن بيناتي
الاولـة مــقرونة اخـتي تقـــشاه = نسف هدبها فــوق جيب العباتي
والثانـية ولد قصـيري تعــــشاه = وخلا حريمه بالــعرب صايحاتي
والثالـثه كبدي من القش ا سقـاه = واودع بيبان الـــضماير مواتي
والرابــعة مني جــوادي تــقفاه = واهداه على الحكام هرجن ثباتي
والخامــسه زمــلي بسيفه تولاه = وعذره يقول اليوم هذي سواتي
منقوووول
العرض العادي
