إنهم في كل مكان (السلنتح)

السلام عليكم
ها نحن نعود إليكم بعد حالة من الركود
حدث معي في الأيام الخالية موضوع لم يكن مرتب له أي ترتيب
إنما كان على (عماها) فجأة وبدون مقدمات

وقبل طرح هذا الموضوع الذي هو في رأيي وجهة نظر شخصية
كـ موضوع يتعلق بالمرأة السعودية سابقا ً ولكنه جاء هذه المرة لـ الجنس الخشن
فحينما أتكلم عن أمور حدثت واستنبط منها ما حدث معي وما وجدته
فإنما تكون كمن يقول (الشر يعم والخير يخص)
يعني تكون هي الأكثرية

كنت جالس في استراحة وكـ العادة السيئة كل واحد حاط خشته في جواله

والله إني اكره هالحركة هذي تحصل بالمجلس رجال واحد يسولف والباقين ما تسمع الا
طق طق طق طق و اللي مستانس واللي مكشر واللي وجهه مادري وش يبي

المهم من الفضاوة واحد من الشباب عليه افكار عفويه
قالي اشرايك نتحدى ؟
قلت وش نتحدى فيه ؟
قال اقبل وبس
قلت يا الله موافق
قال تدخل اي نوع من انواع التشات طبعا بالجوال
أي برنامج تشات غير (الواتساب)
وما تكلم مع احد وهم اللي يجونك
ولا تحط اسم بنت ولا صورة بنت ولا أي صورة اغرائية
بجد في البداية حسيت إني بخسر التحدي
فتحت برنامج الهوزهير
وسجلت فيه وكتبت اسمي
بردوق صندقان
وكتبت تحته بالمربع
صندوق برتقان ههههههه
اتحداكم لو فهمتوها من انفسكم

طبعا انا توقعت بعض الاشياء لكن فيه اشياء كبيرة حدثت
كل شوي ناط لي واحد اللي يقول
مساء الورد
واللي يقول هاي
واللي يقول ههههههههه روعة من روعاتك
بالله اللي كاتب روعة من روعاتك هو يعرفني ؟؟؟
واحد يقول تراني جاد ودفيع ؟؟؟؟
المصيبة العظمى انهم يحسبوني بنت وانا كاتب بالبروفايل ولد
والمشكلة ان بعضهم يكلمني وعداد الكيلوهات بيننا فوق المئات
واحد كاتب نزف الجروح ويرسل رسايل ضحك ونكت وخرابيط !!!
اذا اسمه نزف الجروح ويسوي كذا أجل لو اسمه
(فلة) وش بيسوي ؟؟؟

بصراحة ومع الأسف ما توقعت الشباب السعودي للدرجة هذي رايح فيها
اللي اعرفه إن اللي يبي الغزل تكون بالأماكن التجارية المتنزهات
يطلع برااااا
أمور كثيرة
على اسوأ تقدير شخص يتعرف على بنت عن طريق النت في أي مكان
تشات أو منتدى أو موقع أي شي ثم اذا عرفته البنت وعرفها بعد وقت طويل تكون بينهم علاقة
لكن بالصورة اللي انا شفتها قسم شي مسيئ جدا
يعني هل الواحد مثلا اذا دخل على بنت في برنامج محادثه بتشبك على طول ؟؟؟
لو البنت تبي تشبك ما تشبك بالطريقة هذي اساسا
او هل هي فعلا بنت ؟؟؟
اساسا حتى المنتديات شباب يدخلون باسماء بنات
واحد يقول انا شاعر وجالس يرسل من بيوت الشعر
يا إنه يقول كلام يدوخ وكلمات شعرية رهيبة
(بغيت أخق)
لو صبر شوي قطيت له الرقم هههههههههههه
المهم
السؤال
هل فعلا نحن كذا يا الشعب السعودي ؟؟ سلنتح ؟؟؟
هل الشعب السعودي وصل لهذه الدرجة من التخلف؟
اتمنى ممن يشارك أن يعطينا رأيه بكل صراحة
ولا يكتفي بـ بضع كلمات مثل شكرا ويسلموا

ودمتم بخير

اهلن بك بعد عودتك اخي الفاضل

موضوعك كان بالبدايه يتكلم عن الفضاوه والتشبيك
وبنهايه ذهبت الى ماورا النكات من اشخاص قد تكون حقيقيه وقد تكون مزوره


لكن بقولك شي واحد هذا مو تخلف هذي ظاهره بكل الدول العربيه والغير عربيه
من الالاف السنين موجوده الغزل

لكن مانقول الا وش ورانا لاوظايف ولا راس مال شي اكيد الواحد يبي يشغل وقت فراغه
لكن كلن بطريقته


تحياتي .....

مستحيله

هلا والله

ما كانت بدايتي اتكلم عن الفضاوة كنت اتكلم عن بداية الحدث وكيف صار

بالنسبة للغزل يا مستحيله صحيح ظاهرة موجودة منذ زمن لكن انا اتكلم عن الطريقة وهل كل واحد يشوف بنت يقط وجهه ؟؟

أساسا بعض البنات تكون معجبه وإذا غازلها اللي هي معجبه فيه تثقل عليه !!!!

فما بالك في واحد توه شايف بنت في التشات ويجيها بكل انواع الكلام ؟؟؟ (جاد ودفيع)

يعني هل الشاب إذا شاف بنت على طول ركض وراها ؟

صح فضاوة عند البعض ويبي يشغلها لكن بطريقة أفضل من كذا حتى لو كان هدفه الغزل يغازل بطريقة فنيه مو بالشكل المريع اللي شفته

اسعدني مرورك وحوارك كـ عادتك

والله صرنا في اخر الزمان واصبح المغازل بالطرق الحديثه يعمي مثل مايقولون لكل وقت شي بما ان احنا في زمن التطور حتى الاشياء المحرمه طريقتها تختلف مع التطور مع ان البنات تعرف ان الشباب يكذبون والعكس بس الفراغ ومايسوي وسهوله عمل المحرم هو مأدى الى ذلك****


وشكرا
تحياتي الغيرانه

هلا فيك اخوي موضوعك رائع

وارد على كلامك نعم وصلوا للتسلتح اصلا الشات كله كذب بكذب

ولا يدخله الا مهايطين ومن الفراغ والملل شكلهم انهبلوا دليلك نكاتهم وطريقة كلامهم تحس انهم فعلا مراهقين

الله يهدي شباب المسلمين ويشغلهم بطاعته وشئ ينفعهم

صرخه قلم
الله يعافيك على طراحك الرائع تحياتي لك

طبعا الشات للداشرين والداشرات
ومصايب تصير فيه
كثيره وكبيره
اللهم احمي انفسنا منه ومن رواده

كل التقدير

احب اصبح عليك ب البداية اخوي (صرخه قلم )
موضوعك هادف ورائع
صراحه واقولها للاسف وصلو شبابنا لهالمستوى الدنيئ
وانا اقول لك اسباب الوصل لهالمرحله البطاله وغياب الاهل
صراحه توصلهم لها المستوى السيئ
واللي يدخل شات صراحه ما اشره عليه لانه من جد غبي الشات كله كذب في كذب
يعني مافيه اي هدف يحققه
بعكس المنتدى فيه شي يحققه مواضيع طرح هادف