:: كل عام وانتم بخير :: | |||||||||
|
التميز خلال 24 ساعة | |||
![]() ![]() |
![]() ![]() |
![]() ![]() |
![]() ![]() |
![]() |
اعلان التقويم الدراسي الجديد
بقلم : جنون الشوق ![]() |
![]() |
![]() |
كلمة الإدارة |
![]() |
![]() |
![]() |
![]() |
#1 | |
شاعـــــر
![]() |
![]() [TABLE1="width:95%;background-color:black;"]
| [/TABLE1]السلام عليكم ورحمة الله وبركاته : أحبتي اعضاء وعضوات بعد حيي حان موعد التكريم تمخض الأبداع وحانت ولادة شيخات الروائع شيخات لم تولد بوصفهاالسابق بل أنتم من جعلها تتربع على عرش الإبداع وتتمختربموقعها الذي سيبقى في قمة صحيفة همسكم نبارك لأصحاب الروآآئع وكل الشكر لمن حبانا بجهده واعطانا من وقته مبروك لنا انتم ومبروك لكم أنتم محبة من رشح قصائدكم ونكاد نجزم بأن من اعطى صوته لقصيده كان دافعه الجمال والتصويروالبوح الراقي قصائد برقيها جسدت لنا رقي أصحابها ,,,, أمتنان عميق لمن صوت وشارك بدافع غيرته على منتدآه .. جمال المسابقه كان حضوركم وضياء القاف كان وجودكم واليكم النتائج احبتي المركز الاول/// قصيدة الشاعر فواز الغسلان / لو رزق الملا ,,,,/وقد حقق 10أصوات مضاف درجات اللجنه 9 أ المجموع نقاط 39 ![]() ولي العرش ماحطك على روس البشـر رادار= وعن عيب العرب عالج شرور النفس وعيوبه وهرجك لاسرى من دون لا قابض ولا شنكـار= تبي تلقى الذي لاجـاه ذكـرك قـال والكوبـه وترى اللي يطلق لسانه بميدان العرب منشـار= مثل ماقال بالعالم عيـال العجـز قالـوا بـه ومن يجعل هروج الناس بأعراض البشر معيار= يشاهد صورة العالم على الشاشـات مقلوبـه هروج الناس ماعادت تخاف الواحـد القهـار= وتصير اكثر روايتهم كـلام ضـاع مندوبـه يقوله ساقط شاهد كرم غيـره وقلبـه غـار= مثل ماغار قلب اللي لها الكفيـن مخضوبـه خسيس ولا يلاقي له بديـوان العبـاد انكـار= ويظن اهل الندى تنهار للـي صـاد عرقوبـه سكوت الناس عن ظلم الحواسد للكرام اقـرار= يشارك بالذنوب وشرهـة العاقـل وعذروبـه ولو كان الحكم يرفع على الوجه الرزيل انـذار= ويلقى الطرد لا عـاد لـرداه وكـرر اسلوبـه لقيت ادغام عفن الناس لايمكن يصير اظهـار= ويشرب بالدلال اللي لغـوده غيـر مربوبـه وتصبح نية الاضمار بهروج الخبيـث اخمـار= يساوي في عيون الناس عنز غيـر محلوبـه واذا يعنيك رجل حـال دونـه بالكـلام غبـار= وتريد الصدق عن حاله قبل دعـواه وهروبـه تشوف اللي عناك امره وعينك بالعرب منظار= وكديش الخيل مايخفى بجانب كـل منجوبـه وتطلق في سماء عينك وتفكيرك ثلاث اقمـار= تراسل موجة افكارك وتسري فـي تلسكوبـه جهاز الرصد في فكرك يراجي صورة المسبار= وفكرك يلقط شفرة وتصبح وسـط حاسوبـه وتقوى الشوت والتهديف بالمرمى بدون آيمار= ومن شافه يقول اهداف عند الصدق ملعوبـه ولا تصبح كما طير اليا شاهـد ظلالـه طـار= خصوصاً لاظهر شيب الزمـان ودار دالوبـه كلام الصدق ماياصل مع العالم ثلاث اعشـار= ومنكوس الكلام اليوم تسع اضعاف مسحوبـه واذا صد الرفاقه وانت ماتدري وش اللي صار= فلا تبحث عن اسباب القطيعه ويش ماجوبـه ولا تطلب من العايف يقدم في جفـاه اعـذار= وعسى رب الملا يسعد مساه ويسمح دروبـه طبوع الناس مخلوطه بصوت الذكر والقيثـار= وكلن حسب مقياس البراغي شـال سكروبـه مدام العود ماتظهر لحونه قبل خمـس اوتـار= مع اني مانقلت العود في عمـري ولا نوبـه وحكم الخلق واقداره بلـوح الواحـد الغفـار= ورحمة خالق الدنيا بـدرب العبـد منصوبـه ولا تحكم على المخلوق في جنه ولا في نـار= ترى العقال في دار الشقـى ماتامـن عقوبـه ولو رزق الملا بكفوف راع البنـز والفكسـار= لقيت اكثر هل الطولات قبل الصرف مشطوبـه لأن اهل الندى والصدق ماله بالعـرب مقـدار= وتلقى عيشته عند الكـلاب السـود مكبوبـه واذا حاولت دفع الظلم ماتلقـى وراك انصـار= بجنب اللي الياشاهد هل الفزعه دفـق كوبـه وشفت ارزاق خمسمايه توزع في ثلاث انفـار= وحاجات اليتامى من كبار الكـرش منهوبـه علف خيله ثلاث شهور يصرف كاش بالدولار= ويكفي قيمة اعلاف الفقـارى قبـل مشذوبـه يصير الغيث له طبلون بالنسبه وفيه اسعـار= وقبل الدفع ماتقطر عليك المـزن لـو نوبـه اذا مـا تـم تصديـره لقـوم تدفـع المليـار= وناس قالت المخزون ضـاع وقـل منسوبـه مدام ان الجهل يقصر لك الكيلو ثـلاث امتـار= وداء الجهل مايمحاه مستـر جـون وحبوبـه وزيجة شرع رب العرش تغنينا عن المسيـار= وعن فتوى الذي يرجي هدايا الشيخ وجيوبـه مدام الزوج والزوجه وشيخ القـوم حكمتيـار= تعرف ان الطلاق السبت لو ماهـي بمكتوبـه على المسيار والمقناص والزاير مـع الـزوار= وكل اربع وخمس شهور بنت القوم مركوبـه وانا رجواي في رازق كسير النـاب والمنقـار= يزيل امراض من يربط حبال الحقـد وخبوبـه من اللي ترسل الغارات فيها شعوذه واسحـار= نسوا وقفة هل التوحيد يوم حصـار بعقوبـه وانا جاني رفيق كان عندي من حمـام الـدار= وشفت اهل الردى والهرج بالقالات عاثوا بـه وينقل صوبنا بوك حصيلـة محتـواه اشعـار= وتنسب لي من اللي يعرفون القاف وغيوبـه كلام ساقـط مافيـه لنفـوس النـدى معبـار= ونسخة عملته داخل بنوك الشعـر مضروبـه وانا شاعر ولي بصمه ولي منهج ولي مقـدار= يهيض بخافق ينظم بحور الشعـر مصبوبـه على نهج الجدود اللي بوقت الشيخ ابن بقـار= قبل يطلع قصيد اللـي يهيـم بـزول دبدوبـه بوقت كان مايسمع قصيـد العفـن والثرثـار= ولا صارت بحور الشعـر والقيفـان مثقوبـه ولا داج القصيد بسوق راع القرش والدينـار= وقبل اعراض داء الكذب واستفحال ميكروبـه قصيدي مادخل في بيعة التاجر ولا السمسـار= ولا هو سلعة تصبح وسط السـوق مجلوبـه اذا هاضت تماثيلي تقول انـه هميـل امطـار= تقول انه عقود الماس فوق نهـود رعبوبـه يغوص الفكر بأمواج المحيط الهايـج الهـدار= لما تظهر بشاشات الحشى والجاش مكتوبـه واذا صبت الهدف قلته بديوان الكـرام جهـار= ومن يعنيه هذا الامر تاصل نسختـه صوبـه وليش اجحد نياشين رميتـه طايـع مختـار= لو ان الشتم كلمـات لنـا ماهيـب مرغوبـه ويوم انفي اخبر ذنوبنا اللـي بالحيـاة كثـار= واظن النفس ماتحتاج فوق اخطـاه وذنوبـه لو ان ذنوبنا صارت بميـزان العمـل قنطـار= تزيله رحمة ماهي عـن العاصيـن محجوبـه ترى اللي يفتح الرادو ويسمع نشرة الاخبـار= بها اللي يجعل العاقل يشوف الشرق منكوبـه معمر ثم صالح ثـم جيـش الطاغيـه بشـار= يبيد الشعب والجولان عند الخصـم مصلوبـه وشهيد السبع والستين في قبـره بليـا ثـار= وقيادات العرب كله على العربـان محسوبـه دعاية عصر ابوخالد زعيـم القـادة الاحـرار= فخوخه في دروب العلم والخيـرات منصوبـه وحرياتهـم صـارت لهايـب ذل واستعمـار= على كاهل شعوب في حجيم الهـون مغلوبـه غدت مع سربة العدوان باللعبه بـدون ستـار= وخلت جيشها للجار واهـل الـدار وشعوبـه صحيح اقبال دنيانا بنظـرات الفهيـم ادبـار= ولو تكشف حقايقها تصيـح وتعلـن التوبـه ولا ترسي مراكبنا الضعيفه لا وطاه اعصـار= ولا كل البشر تضمـن مطاعـن راس كلوبـه ولكن الاكيد ان الليالـي لـو تطـول قصـار= وتبقى النفس لابواب الامل والعيش مجذوبـه واشاور من ركب صهوة جواده داخل المضمار= وسار الدرب بالتجريب والشده ماهـو دوبـه يجيب الشور مايشبه قصيد الشاعر المحضـار= مدام النار ماحطت وسـوم الوقـت بجنوبـه وانا لولاي اخبر ان البشر ملفاه خمس اشبـار= واخبر الروح ترحل من شقى دنياه مغصوبـه واخبر امثالنا كانـت تقـول ان الزمـن دوار= ونفس الناس ترحل ماخذت بالعمـر مطلوبـه اعرف شلون اسدد دين ديانـي ثمـان امـرار= سداد ماتوافيـه الملامـة لـو شلـق ثوبـه ولكني رفعت النفس عن درب الـردى والعـار= وثقل العقل والطيبه حـلا عمـرك ومكسوبـه وباقي جثته لو داج بأسـواق الخلايـق بـار= مـدام ان البواقـي بـالاوادم غيـر محبوبـه وقاله بندر ابن سرور ذاك الشاعـر البيطـار= ومع بندر فناجيـل اكثـر الشعـار مشروبـه المركز الثاني // قصيدة الشاعره على النيه / الحب مثل,,,,,,, / وقد حققت 6أصوات مضاف درجات اللجنه 7 بمجموع نقاط 25 ![]() الحـب مثـل البحـر مـا كـلـن ايعـومـه = به موت وفيه الحيـاه وصعبـه أمواجـه الموت بامواجه اليـا جـات مسمومـه = تذبـح خفوقـك وقلبـك يصعـب اعـلاجـه ويـدور فيـك الزمـن وتـكـره احلـومـه = يضيـق كـل الفضـا تصغـر لـك افجاجـه وتموت الاحلام وتصبح حيل معدومه = وتضـيـع كــل الأمـانـي تـهـدم ابـراجـه وامـا حياتـه ليـا مـن خليـت اهمومـه = دايـم تعيـش ابسعـاده ساطـع اسـراجـه اوصفه كنـه سمـا ساطعتـن انجومـه = هـذا هـو الحـب نـوره صـون منهـاجـه ياكثـر ياكـثـر مانـقـرا عــن اعلـومـه = قصص جميله وكلـن يضحـك احجاجـه يـا لوحـة الـحـب بـالاقـدار محكـومـه = نفرح اليـا زان ونصبـر لابـدا اعجاجـه ياقلـب عـود بـعـد مابـانـت ارسـومـه = مـالـك ومــال الشـقـا ودروب منعـاجـه ارتـاح خـل العنـا لا تلـبـس اهـدومـه = الحب متعب ومزعـج مـا ابـي ازعاجـه الحـب مـثـل البـحـر ماكـلـن ايعـومـه = به موت وفيه الحيـاه وصعبـه أمواجـه المركز الثالث // قصيدة الشاعر عياده الجهيلي / قالت من أنت ,,,,,,,/ وقد حقق 5 أصوات مضاف درجات اللجنه 9 بمجموع نقاط 24 ![]() قالـت مــن انــت..؟ وقـلـت انــا الـحـزن كـلـه= حزن القهر والشوق .. والجرح .. والصمت الحـزن ضيـف .. وصـرت انـا فـي محلـه .!= لامن جلس .. اجلس .. ولامـن وقـف قمـت احـيــا عــلــى الـمـاضــي .. والاشــــواق ذلــــه= عــــن قــســوة الـحـاضــر .. وانــــا ماتـكـلـمـت ارجـــــــع وخــطــواتـــي شــــكــت مــاتـــدلـــه .!= واضـيـع فــي درب(ن) .. بشـوفـه تألـمـت .! واقفـي وصــدري .. سـيـف الاحــزان .. سـلـه= يــذبـــح بـــــه الــهــقــوه .. وانــا مـاتـنــدمــت وارجــع عـلـى الـذكـرى .. مـعـي كــل عـلـه .!= تفـطـر عـلـي .. وانــا عـلــى شـانـهـا صُـمــت غــيــري يــنــام .. وحــلـــم لـيــلــه .. يـضــلــه= وانــا بحلـمـي .. يـمـضـي الـلـيـل مـانـمـت .! مــلـيــت .. يــاحـــقــد الــسـنـين الــمــغـلـه= وشلـون..؟ مـن جـورك .. انـا ماتعلـمـت .! ............................. الجوائز :_ الجائزه الاولى \ بطاقة شحن 500 ريال + وسام شيخة القصيد + 500نقطه والجآئزه الثانيه \ بطاقة شحن 300 ريال + وسام المركز الثاني + 450 نقطه والجآئزه الثالثه \ بطاقة شحن 200 ريال + وسام المركز الثالث + 400 نقطه بالأضافه إلى تثبيت القصآئد الفائزه .. الف مبروك وآطيب التحايا ,,,,,,,, |
|
![]() |
#2 |
![]() ![]() |
"
الف مبروك للشاعرــــ فواز الغسلان ــــــــــ على النيه ــــــــــــــ عياده الجهيلي قصائدكم رائعه وإضافه راقيه لمنتدى بعدحيي سلمتم جميعاً الساري ــــــــــــــــ اللجاوي ـــــــ فهد الزعيزع جهد جبار ورائع بقيت على الدوام بعدالله ذخراً لـــ آآآل بعد حيي |
|
![]() |
#3 |
مراقبة الاقسام العامه ![]() ![]() ![]() ![]() ![]() ![]() ![]() |
![]() فواز الغسلان على النيه عياده الجهيلي كنتم جميعا اكثر من رائعين ![]() الساري اللجاوي فهد الزعيزع الف شكر على جهودكم الرائعه في انتظار مسابقات ومنافسات جديدة ومميزه في هذا الصرح الرائع لكم ارق تحية نجلاء |
![]() ![]() |
![]() |
#6 |
b3b7
![]() ![]() ![]() ![]() ![]() |
مبروك للفائزين .. ولاشك انهم شعراء يستحقون الفوز
مسابقة استمتعنا بها جميعا ولا انسى ان اقول الف شكر اللجاوي على دعمه اللامحدود للشعر والشعراء وتحريكه للساحه الشعريه . بمثل هذه المسابقه وللشاعر فهد الزعيزع والشاعره على النيه ماقصرتو على جهودكم المميزه ماننحرم منكم الجميع |
|
![]() |
#7 | |
عضو
![]() |
![]() الف مبروك للفائزين بالمراكز الثلاثة الاولى .. ويستااهلون كل خير ويستحقون التميز شعراء ولهم أبداعهم الجميل وبيض الله وجيهم وحض أوفر للبقيه و الشكر موصول للجنة المنظمه الــ ساااري اللجاوي فهد الزعيزع ولكم مني أزكى تحيه .. ![]() |
|
![]()
|
![]() |
#9 |
مشرفة ![]() ![]() ![]() ![]() ![]() ![]() |
الله يبارك للجميع
وللفائزين خاصة والشكر للجاوي على جهوده المخلصة والتي تكللت بهذا العمل الناجح بكل مضامينه ولمن تساعد معه شكراً لكم جميعاً |
|
![]() |
#10 |
شــاعرهـ_اداريه ![]() ![]() ![]() ![]() ![]() |
مسآآء الخيير أولاً \ الله يبآرك بكم جميعاً .. ومبآرك لي وجودي بين هذه الكوكبه من الشعراء ثانياً \ الف مبروووك للشاعر \ فواز الغسلان __ والشاعر \ عيآده الجهيلي ثآلثاً \ شكراً بعدد الأحرف والكلمآت لكل من صوت لي ولمن شجعني .. حقاً كلمآت الشكر تقف عآجزه هنآ .. ووآفر من الشكر والتقدير لمن ساهم وشآرك وصوت بهذه المسآبقه الرآئعه .. وتقدير للجنة المسابقه \ الــساري _ فهد الزعيزع لجهدها الواضح والراقي .. اللجآوي شكراً بحجم الكون لجهدك وعطآءك الرآئع ,,,, |
![]() ![]() |
![]() |
#11 |
مراقبه عامه ![]() ![]() ![]() ![]() ![]() ![]() ![]() ![]() |
آلف آلف مبرووك شعرائنا الكرام
فواز الغسلان _ على النيه _ عياده الجهيلي تستاهلوا كل خير والله ربي يسعدكم .. والشكر من الاعماق موصول لكل من قام على هاذه المسابقه المميزه والرائعه بروعة شعرائنا وكتاباتهم الحيلوآ .. |
![]() ![]() |
![]() |
#13 |
![]() ![]() ![]() ![]() ![]() ![]() ![]() ![]() |
.
. . ألف مبروك فواز الغسلان - على النيه - عيادة الجهيلي قصائد جزلة وتستحق التكريم والتميز من غير قصور بالبقية والتكريم والتميَّز أقل ماتستحقونه x x كل الشكر لكم على المشاركة الطيبة والشكر موصول لجميع من سعى بإنجاح هذه المُسابقة |
![]() |
![]() |
#14 |
![]() ![]() ![]() ![]() ![]() ![]() ![]() |
ألف مبرووووك للفائزين..فواز الغسلان - على النيه - عيادة الجهيلي وكل من شارك فائز.. قصائد مبهرة أسلوباً و مفرده ومعنى قصائد يتمايل القارئ لها طرباً وقبائل شكر لكل من كان له الفضل في نجاح هذه المسابقة |
![]() , , , غنيةٌ باللهِ عنْ العالمينْ
|
![]() |
الذين يشاهدون محتوى الموضوع الآن : 1 ( الأعضاء 0 والزوار 1) | |
![]() |
|
, , , , , , , , , , , , , , , , , , , , , , , , , , , , , , , , , , , , , , , , , , |
|
|