ودك تقولين حاجه بس خجلانه

ودك تقوليـن حاجـه بـس خجلانـه

اعـذرك لكـن ماهـو دوم مـعـذوره

اللي بخاطرك ذقت المـر مـن شانـه

ودي تقوليه حتـى توضـح الصـوره

انتي تراك آخـر امالـي مـع انسانـه

والخوف لن كان حظي ما لعـب دوره

بيني وبينـك غـلا حسـاس وميانـه

مطبق الحـب فـي نهجـه ودستـوره

اسمك على اخر مديل وصعب نسيانـه

موظة زمانك بـلا سـاره بـلا نـوره

فيك الحلا من ولي العـرش سبحانـه

اتبـان منـك المفاتـن لـو مستـوره

عليـك مـن فاكهـة لبنـان رمـانـه

وعندك من النطق نغمة صوت شحروره

الريم لك منه طـول العنـق واعيانـه

وجهك وجسمك وخفة دمـك دكتـوره

منتي نحيفـه ولنتـي حيـل مليانـه

ولنتي طويله ولا بالقصـر مشهـوره

للبحر نفسـي معـاد تكـون شفقانـه

ولا عـاد اعنيـلـه الاقــدام وازوره

خلـف ابتسامتـك لؤلـوه ومرجانـه

ضحكة براءة رضيع بروح عصفـوره

فقبالتك كل نـور يـروح فـي شانـه

البـدر منّـك يغـار ويحتقـر نـوره

كل المزاييـن جنبـك مالهـن خانـه

مدام فيك اجمل الاوصـاف محصـوره

شاعرك شعره نتيجة نبـض شريانـه

واخاف من كثر شعره يفقـد شعـوره

طالبك ياللي كتبت الشعر مـن شانـه

لا ترجع النفس وهيه حيـل مكسـوره

خلي مـزون الوصـال يهـل ربانـه

واقول لك من صميم القلـب مشكـوره

ادري بجور الزمـان يعانـد احسانـه

وعندي يقين ان محـدٍ سالـمٍ جـوره

النفس لن كان صارت حيـل ولهانـه

ماهو على كل حـال تكـون مسـروه

وسلامة تطولكم جميع
نقلت لكم

اختيار جميل
يعطيك العافيه ولاهنت

سلمت يمنآك للأنتقآء العذب
لآهنت ,,,

همس الجنوب
على النيه
الشكر لكم لمروركم المشرف

باقهـ نرجس لذووقك الرااقي من شخصك المتألق ...
شكراً لهذا الاسلوب العذب ..والراائع...
دمت بخير

اختيارك راقي
سلمت الايادي
وسلم الشاعر المبدع

ذائقه رائعه امتعتنا بها
سلم اختيارك

تسلم يمناك وذوقك
انتقاء رائع لاعدمناك

تحياتي ...

أبدعت في آنتقاء هذه الرائعة
أنيق دوماً في نثر الجمال
تقدير بلآآ حد

يسلم ذوقك على روعة دا الانتقاء
الله يسعدك ،

دائما بين حروفك اجد روحا تتمزج بما بنا من وجدان
وشعور يخرج لنا بروعه البيان
ولكم تمنيت ان لا تنتهى بى الكلمات
فلا يسعنى غير قول الصمت فى حرم الجمال جمال
فدمت بكل تميز وابداع