والله انك يالقصايد بنت عز واجوديه
لو كتبتي عن غلاه ولو حكيتي عن غرامه
***
ايه اعرفك يالقصايد عنفوانك مقدريه
لاحكيتي عن حبيبي ترفعي حتى مقامه
***
كم كتبت من القصايد يالليالي السرمديه
وكل ماطارت قصيده تنذبح فيني حمامه
***
الا هذي القصيده غير يالحروف الابجديه
لانها تكتب وتحكي عن خفوقي واحترامه
***
مع طلوع الشمس ماشي في دوار السالميه
وفجأه اناظر يميني شفتها ياهل الملامه
***
شفتها فيني تناظر نظرتك ياهي قويه
بس يكفي في عيونك شي مدري وش علامه
***
قبل ابادرها السلام ردة علي التحيه
قالت سعودي وصدة تعلو شفتها ابتسامه
***
اسمها ليلى ولكن شنهي ليلى العامريه
اية في الارض تمشي قلت يارب السلامه
***
فتنة الرحمن هيه لابدويه ولا حضريه
يعجز التوصيف فيها يعجز الشعر بكلامه
***
بنت عز وبنت جاه وبنت طيب واجوديه
تسكن الخفاق غصب ماهو بكيفه ومرامه
***
لاحكت سبحان رب خالق شفاه البنيه
دره ماحازها البحار في البحر وهيامه
***
وليا سكتت في نفسها شي مدري ايش زيه
كنها صوت المطر لانساب في ارض الثمامه
***
وجهها وجه طفولي فتنه وسط البريه
واه ياهيه جميله كنها البدر بتمامه
***
والعيون السود فيها الخوي ينسى خويه
والقوام اليا تثنى كنها نبت الخزامى
***
سولفتلي عن كثير وبالوفا ياهي وفيه
قالت في عيوني في خفوقي في منامه
***
اطلبتني شي واحد والطلب اصبح وصيه
والوصايا هي امانه نسأل عنها في القيامه
***
لاتخليني امانه يكفي مافيها خطيه
ياسليمان ان كان ودك في خفوقي في غرامه
التاريخ
9:06 31/12/2003
الشاعر سليمان الشعيل العنزي
تصدقون يا جماعه النت يجمعك ويعرفك على اخوة كان الشاعر سليمان من اعز الاصدقاء وكانت هذه القصيدة بالذات كانت اطلبه يرددها لي دائما
والذي جعلني انزلها اليوم الرجال اختفى عني مايقارب السنتين وفي هذه الساعه جتني رسالة منه بالجوال
العرض العادي
