وأرفرف لك ..!!
واجـيب الصبح .. و أغرف لك ..
حـكايا النور ..!!
يا أنتي بكل تصبيحه .. يديك تتداعـب الغيمه ..!!
وغداء للـغيم تسريحه ..
تسوي الشمس عطر أدفى ..!!
وأيدينك :
هنا وسط الدفا تغفى ..
و أغني لك :
صباحك ورد ..
صباح العطر واليشموم ..
هنا بكتب حكاية برد ..
وهنا بتمطر كثيــر غـيوم ..!!
وأرفرف لك ..!!
وأكتب وش كثر انتي خـذيتي الليل بيدينه هناك بعيد ..!!
وتركتيني طفل تنهيد ..
تسكن في تفاصيله فجوج البيد ..!!
وأرفرف لك ..!!
عشان تطير هــ العتمه مثل عصفور ..!!
ويتساقط عـليك الريش ..
واول ما يجي بيدك .. تسمينه بـعـش النور ..
ويبداء الطيش ..!!
ونبداء نعيش ..!!
وأرفرف لك ..!!
عشان نعرف ان الحُب ما هو اخـطاء نكتبها ..
ولا لحظه نجي من غـير ما ندري بكل الطيش .. نشطبها ..!!
ولا هو نزوة العشاق ..
ولا حـتى دفا الاشواق ..
هو /
الفوضى اذا نقدر نرتبها ..!!
و أرفرف لك ..!!
يديك جـناح
وشعرك من بنات الريح ..
وأنفاسك تهب الشيح ..!!
يا طفله من شقاوتها ..
وحلاوتها ..
تجي وبين العيون تطيح ..!!
و أرفرف لك ..!!
و أقول الحُب ..
ما هو بكلمة وحشتيني .. و احـبك حيل ..!!
ما هو سهره وحكاية ليل ..
ما هي كذبة هدايانا
ما هو التدليل ..!!
هـو /
الطهر الذي يشبه دفا الترتيل ..!!
وأرفرف لك ..!!
فراشة نور .. توقّع تمسح الدمعه ..
توقّع وين مابه ليل ..!!
تشيل الليل من غـرفه ..
تزيح الحزن عن شرفه ..
تفك الباب :
وتدخـل من وراها شمس مستحيه ..!!
وتعزف لك على بياانو :
مسائك نور ..!!
وأرفرف لك ..!!
و أقول الحُب
ما هو موعـد في نص الليل في مقهى ..
ولا شهوة جـسد فارغ ..
ولا حـتى مسج مشبوه ..
ولا همسه ولا لمسه ..
هي /
اللحظه التي فيها
تناااام وانت متطمن ..!!
وأرفرف لك ..!!
فرش الوان ..
وترسمني وتكتب تحت :
" بشر يصعب على النسيان "
وتعلقني / على قلبك
أنا أكره بارد الجدران ..!!
وأرفرف لك ..!!
وأقول الحُب
ما هو درس وتجي تقراه وتتّعلم ..!!
ما هو غـرس وتجي تقراه وتثّلم ..!!
ماهو حـزن .. وما هو مزن .. وما هو آه
وتمّثل دور متألم ..!!
هو /
أنك وانت كلك صمت ..
ع ـيونك عـنك تتكلم ..!!
و أرفرف لك ..!!
مثل غـيمه تبلل ليل مجدولك ..!!
تجيب الصبح لـ حجولك ..
وتسقى العشب ..
ويزّهر حـولك الرمان ..!!
هنا فُل ..
وهنا ريحان ..
هنا كان وهنا كان وهنا كان ..!!
متى بـ تاتين نتظلل شجرة التين ..؟!
وأرفرف لك ..!!
واقول الحُب ..
ما هو لعبة حكي ووجوه ..
ما هو اغـراق وسط العالم المسفوه ..!!
ولاحتي حـكي يحكوهـ ..
ولا خمه ولا شمه ولا ضمه ..!!
ولا هو اللعب بالمشبوه ..
هي /
اللحظه التي جنب الجبل توقف ..
وتشوفك فوق بـ القمه ..!!
وأرفرف لك ..!!
مثل نجمات وتجمعني يديك اسوار ..
كأن انتي زحـام النور .. والعتمه خـذت مشوار ..!!
وكنت اضرب ورق هذا الحزن اكثر ..
وفيضّتي علي انهاار ..!!
وأرفرف لك ..!!
واقول الحُب ..
ما هو المال ..
ولا لعبه مع الاطفال ..
ولا كذب وطلب سلفه .. وطرد ريال ..
ولا هو وش كثر تاخذ
من بنّيه ..!!
هي /
اللحظه التي فيها الا من رحت قالت عـنك
" تفارقنا وهو رجال "
وأرفرف لك ..!!
مثل موجه .. وتجمعني يديك البحر ..!!
عـيونك مد ..
سواليفك تجي رطبه
أجمع كل حـكي منك ولا اقوى على شطبه ..!!
ويبداء الموج :
يكتب لك بمااي البحر
عـيونك سحر ..!!
وأرفرف لك ..!!
واقول الحُب ..
ما هو عـشق وقصايد حُب ..!!
وأكذوبه / ولا شحاذه
ولا هذا المطر كله ورذراذهـ
ولا بوسه ولا حوسه ولا ألفين محبوبه ..!!
هـي /
اللحظه التي فيها يشوف ان النساء ذنب
وهي بعيونه " التوبه "
وأرفرف لك ..!!
مثل عـصفور ..
بيدينك صارت اعشاشه ..
يجي يرمي التعب عـندك .. ويغفى يناام ..
ومع الاياام ..
بدا يجمع عليك الزهر ..!!
ويصّفر ..
كثير الشيطنه حـولك كثير من الشغب والطيش ..!!
ويطّفر ..
ونتفتي جناحينه
وطاااح الريش .. وبقى يرفرف ..
وكفوفك عـناوينه ..
وأرفرف لك ..!!
وأقول الحُب ..
ما هو الغفله ..
ولا حتى رجل يضحك على طفله ..!!
ولا موقف يجي في يوم تأسف له ..!!
ولا منظر تأفف له ..
هو /
اللحظه التي فيها تجي تنتف جناحينك
على غفله ..!!
والا من مرّ في بالك تحس انك
ترفرف لهـ !!!
وأرفرف لك ..!!
كما النعناع ..
وهو اخـضر وبأغصانه ..!!
اذا ما قلتي ولهااانه ..
وأصب الشااي
كأنك قلتي : نعساانه ..
ويعزف : نااي
يدفا الليل بعد ما قلتي : برداانه ..!!
وأرفرف لك ..!!
واقول الحُب ..
ما هو وش ابي عنك .. وما هو وش تبي عني ..!!
ما هو ليل اوهامك ..
وكذب وزيف وا حلامك ..!!
هـو /
اللحظه التي فيها الا من جيت قدامك وتبي تبكي ..!!
أحـس بدمعتك مني ..!!
وأرفرف لك ..!!
مثل بسمه ..
بـ شفاه اطفال ..!!
مثل نسمه ..
بـ حزن يا مال ..!!
نعم يا أجمل صباحاتي ..
نعم يا أرحب مساحاتي ..
وكيف الحال ..؟!
وأرفرف لك ..!!
وأقول الحب
ما هو ورده ونقدمها ..!!
ولا لحظه ونعدمها ..!!
ولا حتى مباني بيوت نبنيها ونهدمها ..
ولا التغرير ولا التبرير ..
هـو /
اللحظه التي فيها تحس انك
قدرت تطير !!
وأرفرف لك ..!!
مثل اوراق
وتكتبني كثير اشتاق
انا أصدق من العشاق ..!!
وأنا احـب الحكي منك
ويزعلني :
حـديث فراق ..!!
وأرفرف لك ..!!
وأقول الحُب ..
ما هو صفّة حكي واحساس وما هو سيره ما بين النااس ..!!
وما هو حكي بحبيبه عند اصحابك ..!!
وماهو جلسه بجنب النهر ..
واهداء لحبيبه زهر
هـو /
اللحظه التي فيها تحس ان الحبيبه
طُـــــهــــر !!
وارفرف لك ..!!
مثل نورس حـزين وما لقى مينا ..!!
وأغني لك :
" يا ناسينا "
وأرفرف لك ..!!
واقول الحُب ..
ما هو كثر اتصالاتك ..
ولا هو شوق بغيابك
ولا بكلمة " فديتك " أو " فديتيني "
ولا بقولة " يا بعد الناس "
ولاحتى بـ همساتك وضحكاتك
هو /
اللحظه التي فيها
تحسك كل حـالاتك ..!!
و أرفرف لك ..!!
مثل زهر ..
يتنامى لحظة قدومك ..!!
مثل طهر ..
يتبلل بس بغيومك ..!!
مثل نهر ..
ويمّرك ياخذ علومك ..!!
يصلي الظهر
ويدعي تنجلي همومك ..!!
وأرفرف لك ..!!
واقول الحُب ..
ما هو حطة كحل سايل .. ولا هو خصر متمايل ..
ولا مشية غنج واغراء .. ولا ايماء ..!!
ولا هو ثرثره وتمييع ..!!
ولا التدليع
ولا تشري عشان تبيع ..!!
ولا اهواء
هو /
اللحظه التي فيها تشابه حاجتك
للـ ماء ..!!
وأرفرف لك ..!!
مثل لوحـه على الجدران ..
وأهرب لك
كذا اسود بدون الوان ..!!
وأجي قطعه من الشيفون
تتمرد على الفستان ..!!
وتكتب ضحكة القهوه ..
قبل لا يبرد الفنجان ..!!
وأرفرف لك ..!!
واقول الحُب ..
ما هو كثر العتب واللوم ..
ولا حـتى حديث غـيوم ..!!
ولا خـوفك ولا الربكه ولا هواشك ..!!
ولا هو اسئلة غيرك
عـلامك حيل ذبلانه ..؟!
وش اللي بك ..؟!
هو /
اللحظه التي فيها
تحسّك / لك ..!!
وأرفرف لك ..!!
مثل نجمه .. تضوي العتمه في ليلك ..
تغني لك
اغـاني الضي
يا بنت الغيم ..!!
يا أدفا من دخل قلبي ..
وتغطى وناام ..!!
وسولف لي عن الاحلام ..
وبدد كل ما حولي من الاوهاام ..!!
وغـنى لي بدفا صوته :
حبيبي نام ..
حبيبي نام ..
حبيبي نام ..
وأرفرف لك ..!!
واقول الحُب ..
ما هو غيم وسماء زرقا وسوالف ورد ..!!
ولا حتى الدفا بالبرد ..
ولا هو بلبسك الفاخـر ..
ولا حتى ثياابي الجرد ..
ولا حتى سؤالي عـنك وش اخبارك ..؟!
وحـزن الماي
بـ امطارك ..
ولا هو لحظه سودا بيااض الحزن تتشبب ..!!
هي /
اللحظه التي فيها تغيب اشياء كثيره عـنك ..!!
وابقى وحـدي الحاضر ..!!
و أقول الحُب .. ما هو بكلمة وحشتيني .. و احـبك حيل ..!! ما هو سهره وحكاية ليل .. ما هي كذبة هدايانا ما هو التدليل ..!! هـو / الطهر الذي يشبه دفا الترتيل ..!!
الحب ليس بكلمة اوبسهرليل الحب اسمى بل فوق كل التعابير
لله درك ذائقه اروت عشقي للكلمه ولحد الارتواء
كم انتِ راقيه ورائعه بهكذا انتقاء يحمل ذائقة مترفة
انتقاء يستحق ان يرصع بالماسآت الخمس وب اجمل عبارات تقييم
وفوق ذلك لكِ من كل بستان ورده ومن كل زجاجة عطر نسمه
شكرا ولحد الرضى يانقاء
ودي
التوقيع
"تعجبني الأرواح الراقية
التي تحترم ذاتها وتحترم الغير
تتحدث بعمق وتطلب بأدب
تمزح بذوق
تعتذر بصدق
وترحل بهدوء".
تبارك الرحمن يَ وتم
من رحم الجمآل أتت ذائقتك
رونق الحرف هنا فاض جماله
وإستقينا منه حتى إرتوينا
أنتِ رائعه ي نبض وإحساسكِ لا يشبه إحساس
ل روحكِ جوريه أدّسها بين خصلات شعرك
ول نبضكِ الحب والتقدير
تبارك الرحمن يَ وتم
من رحم الجمآل أتت ذائقتك
رونق الحرف هنا فاض جماله
وإستقينا منه حتى إرتوينا
أنتِ رائعه ي نبض وإحساسكِ لا يشبه إحساس
ل روحكِ جوريه أدّسها بين خصلات شعرك
ول نبضكِ الحب والتقدير
وقسم القسمات الذوق انتي منبعو
يسلملي قلبك وكلك ياعيوني على دا الحضور
الغالي كثير على قلبي ، ربي يسعدك ولا يحرمني
منك ومن طلتك الحيلوآ ياغلاهم ،
الحب هو اللحظه التي فيها الا من رحت قالت عـنك" تفارقنا وهو رجال"
العرض العادي
