فرش اليتامى

طفلة .. على صدري ... ترش الأماني
......... لـ عروقي اللي نامت العام ... يبّاس

هبّت...مثل ريح المطر ..ل المحاني
........ صبّت صباحات الهوى...واستحى الياس

جتني .. سؤال ... وغيمتين و أغاني
........ سالت على شفاهي .. مثل نكهة الباس

قلت ... وتعثّر فـ السوالف .. لساني
....... لا بعثر اللهفة ... ولا رتّب إحساس :

بارد... مثل فِرش اليتامى .. زماني
........اللي بقى قلب ... وقصيدة .. وقرطاس

ماعاد يغري الموج .. .رمل المواني
.........لو مر من ضفة طواريك ... نسناس

ما كِن فـ الدنيـا ... نخيل ومباني
....... تمد لي من شُرفة الصمت ... كرّاس

اسقي من احلامي الطريّة ... مكاني
.........عسى عناقيد المسا .... تِنبت نعاس

تصحّرت رجواي ... وازهر حناني
....... حطي على رمث التعب ... ضحكتك فاس

هذا أنا .. ياس . ويباس.. وأماني
........ ضمّي يديني .... لين تخضرّ الأنفاس

انتي بياض الروح لون التهاني
.......... يختار فجر العيد ... وعيونك لباس

جيتي |.. وصار اليوم أسعد.. زماني
......جيتي | وكنّه مابقى ل الزمن .......ناس !



ودي للجميع

صح لسانك شاعرنا

الله يعطيك العافيه على روعه هالابيات

تقديري لك

يالجمال النص والأحسآس
لوحه تجبرك ع إعآدة القرآءه مرآت
ذائقه شعريه بآذخه
سلمت وسلمت ذآئقتك العذبه ,,,

رووووعة وخالقي


سلمت أخي

وطابت أيامكـ بكل خير

:
:

هطول عذب شُكرا وأكثر
لآعدمنآك

:
:

يسلمك ربي على دا الانتقاء المميز خيو
الله يسعدك شاعرنا دوم ،