السلام عليكم وعلي أيضا ...
وعلى القُراء الكرام
وعلى الشاطفين لـ موضوعي ومارين عليها مرور الكرام
وعلى المفهين والمفهيات...
والمعيدين والمعيدات..
والمقيمين والمقيمات.. (تقييم الموضوع)
والمهجولين والمهجولات في أيام الأعياد والعيديات
ومن هنا ومن هناك وهيهات هيهات
أما بعد
وقبل كل شيء حتى لا أنسى كل عام وأنتم بخير
هل تصدقون أنني الآن في حائل ...
رجاءا ً
مابي اسمع رجاوي مابي أسمع حلوف عشان العشاء أو الذبايح
كل معزب يذبح ذبيحة إلا أنت تذبح ذبايح
أوا أسفي على القصيدة فقد تلاعبت بها
هذه بعض حركات أيام العيد حدثت معي ..
في أيام العيد تكون حياتي غير عادية فكماهي العادة يكون بيتنا "حريمي"
3 أيام بلياليهن على بكرته ومن أوله إلى آخره
فيجتمعون آل يُبه وآل يمه
وبحكم وجود نساء يكون البيت
(ممنوع دخول الرقاله) <===اطلع أنت وكشختك
ولا يحق لأي رجل كان من كان أبيض أو أسود خشن أو ناعم
صاحي وإلا مجنون دخول البيت إلا "يبه"
قسم أحس إن ابوي قوي ...
فحقيقة يكون البيت نسائي بحت إلى درجة أن البيت يتم تغطيته بعباءة
ويبقى الرجال خارج الفله ويجتمعون في إحدى المزارع أو استراحة و"تخب"
أو ذلك الفتى يصرف نفسه مع أصحابه ...
بعد بضعة أيام وبحكم الإجازة التي أتمتع بها كانت الفكرة كـ العادة وهي
السفر بالسيارة لزيارة بعض المعارف في بعض المناطق
وكانت العادة في الرحلة هي كالتالي
الرياض --->سدير --->تبوك مع طريق الجوف الجديد
والعودة تكون
تبوك --->المدينة المنورة ---> القصيم --->الرياض
حينما قررت السفر وقرب الرحيل وخاطري منك ماطاب
شلعنا وبعنف إلى الشمال
وبينما واصلت المسير والزحف إلى الشمال وفور دخولي منطقة القصيم
اتصل بي شخص عليه سوالف وناسه وفهيت قليلا ً معه وكانت الخطة
أن "أعبي" بنزين من القصيم ولكن مع قليلا من التفهية نسيت وسجيت
وكملت المشوار ...
وإذا بـ عيناي الجميلتان تلمحان "الطبلون" وإذا "لمبة" البنزين "مولعة"
يا نهار مش فايت ...
متى ولعت ؟
كم باقي على أول محطة قريبة؟
المهم بدأت أسير وكلي آمال وطموح أن المح لو قطعة بنزين
وفجأة أختلف لوني وضاعت خطوتي وألمح تلك اللوحة
(فيد 5كم) ويوجد محطة بنزين
يا الله وناسة
المهم وادخل تلك القرية
تصدقون تذكرت عضو هنا اسمه حول كلمة (فيد) ههههه يعني يشبها
المهم وأصلي العصر عاد قلت لازم اصور هذه القرية
وقد رفعتها على عجالة من أمري بدون أي تعديل
وبعد أن أخذت جولة في الـ فيد غادرتها وأنا مرتاح
صحيح أنني كنت سـ أتوهق ولكن فكني الله والحمد لله
فقلت بما أنني في رحلة هجولة لم َ لا أمر مدينة حائل وأراها عن قرب
خاصة انني مسجل في منتداهم
وقد هجولت بها اليوم ولفت انتباهي حديقة الأمير .... بن عبد المحسن
والله نسيت الأسم مقابل هذه الحديقة جبال عليها أنوار والله إنه منظر
خوقاقي لكن أعرف أن التصوير الليلي لن يكون واضح لذلك لم أفكر أن اصور،،
الجو هنا جدا رائع خاصة بـ الليل ولم أجد ساهر في حائل ربما لم يدخل حائل بعد
لكن أبي افهم أنتم يا أهل حايل ليش تحبون تسرعون بالسيارات ؟؟؟
ليش الواحد إذا "بغى" يلف يمين أو يسار ما يستخدم الإشارات؟؟؟
قسم يا فيه واحد راكب جيب من فئة باب واحد طاير وراي ويكبس بالنور...
أتوقع يمشي مليون أو مليونين...
وبحكم ذهابي سابقا ً إلى تبوك مع طريق المدينة المنورة كنت أمر على
محطة المشعان إذا كنت تعبان أريح فيها وبما أنني لا أدل في حائل
قلت يا ولد طريق تعرفه خير من طريق تجهله استاجر بالمشعان وريح وهجول
على كيفك
ودخلت ثم مع طريق المدينة المنورة متوجها إلى المشعان حصلت فورد
صادم بالدوار (الله يستر)
مادري ماذا حل به لكن الله يستر عليه ...
بس تصدقون رغم كرهي لـ الضيف الثقيل ساهر إلا إني اتمنى يكون بحايل
حياك الله اخي منصور اول شي منور المنتدى ثاني شي منور حائل الي اتمنى اني ازورها بيوم من الايام
رحله سعيده وترجع لأهلك بالسلامه
ننتظر باقي الرحله
احترامي
رسمتك بسمهيا هلا بك بما إنك تتمنين تذهبين لحايل كان قلت ِ أمر عليك ههههه و الله حايل حليوه خاصة الجو بالليل احتمال اسافر الاثنين لـ تبوك إن شاء الله تسلمين
أهلا وسهلا أخي .... صرخة بس فال الله ولا فالك الله يبعد ساهر عنا وش هالامنيه اللي تجيب النحس
من غير ساهر صاكنا الفقر و وو متأخرين عن الدوام كيف وساهر موجود والله ماوصل دوامي إلا بنهاية الدوام ...
وونوررت حايل بهجولتك فيها ...
ياهنيكم ي الرجال حدركم هالسيارات وتسافرون زي ماتبون
الله يهديك ي بو متعب نبي نسوق بس بالديره ي خي بس نروح السوق مانبي سفر > قنوعات ترى
الموهيم
تتهنى فهالسفره
والمشعان سكنت به ^_^ يوم من الأيام
وصادق هالطريق بالذااااات يوقف قلبك > وفيه لفه تخوف أكرهههههه بصراحه
وياما مريت من عند جثث يارب رحمتك بس
ووومر رفحا بطريقك يقولوا في هجرة طيور
غدي تصيد لك صقر وتصير ملياردير ولاتنساني من المقسوم ^_^
انتبه ع نفسك
وركعتين ودعاء السفر لاتنساها
الله يحفظك ويردك لأهلك سالم
والديره ماعرفتها بصراحه
امكن الودي
>> من زمان عن حائل لي سنتين ماطبيتها
وصادق بالليل حائل جوها غيييييييير
وصباحك فرح
التوقيع
جعلنيَ مَا اندم..على شَي تِركتهَ
والله يجعلهاا مَع اﻻيـام خيرهَ
وجعلنيَ ﻻتِبت عن شي وخسرتهَ
يرزق الله /خاطريَ فَي شَي غيره