أقسّم خفوقي

10-31-2013, 03:15 AM

البسمة اللي على شفاهي لاهبّ الهبوب
عجزت لا القى لها تفسير واضح وإسم

حاولت ابـ الهى مابين الصادقه .. واللعوب
وحاولت اقسّم خفوقي بس ما ينقسم

من يوم ما كنت ضمن العاشقين مْحسوب
اليوم لا قلب يتحمّل ولامن جسم

ياهيه ماعاد صدري للمفارق رحوب
خذها من لسان من مات بغيابك قسم

لو إني بخير ماضاقت جميع الدروب
مادام موضوع فرقاك أنقضى وانحسم

ولو ذنب ذكراك ما ثقّل عليّ الذنوب
ماكنت لمّا تضيق يضيّق فيّ النسم

عجزت لا امحي وصوفك عن خيالي واتوب
وغلاك موسوم مابين الحنايا وسم

عيوني الشوق خلاّها شوي وتذوب
معّ إن صورتك مرسومة فـ بالي رسم

انا لو تضيق بي دنياي من كل صوب
اتذكرك واذكر إنك تبتسم وأبتسم

صحيح جاملت واجد بسّ ماني كذوب
النيّه أنسى وصوفك بسّ مالله قسم

10-31-2013, 03:38 AM

برق البرووووق
اسم يجعل الروووح تتشوق الى جديده وقلمه
فما بالك اذا كانت القصيده او الخاطره من ذائقته التي هيمنت على جميع مرتادي المنتدى
لك احترامي وتقديري

10-31-2013, 03:49 AM

تسلم روحك يالعنود
وانتي من اجمل من ينير متصفحي بذوقك
الله يسعد قلبك وحياتك ويرعاك

10-31-2013, 06:54 AM

انتقاء مميز وجميل على دا الصباح
يسلم ذوقك شاعرنا على هيك ذائقه
الله يسعدك دوم خيو ،

10-31-2013, 02:04 PM

وآحه شعريه نآطقه بالجمآل
وهذآ ما آعتدنآ منك شآعرنآ
ذآئقه أنيقه تصل لحدود السمآء ,,,

10-31-2013, 04:56 PM

:
:

كلماتك فى غاية الجمال والاناقة
خرجت من صلب الابداع ل ترى النور
تشق عبير الحروف وتتنرح بعنان السماء
قلم فذ لا يجارى بكلمات الشكر
كن بخير لك الود يطال يمينك احتراماً
ودي ووردي

:
: