رد: الغلآ قصه عجيبه .. تبتدي بضحكه عيون

الغلا قصه عجيبة تبتدي بضحكه عيون
............ قصة فارسها مشاعر نابضة بأغلى غرام




نصها كلمه احبك ياحبيبي للجنون
.............. تنطلق من قلب عامر بالمحبه والسلام




هذي قصه غرامي يوم جيتك ياحنون
............. مابقى شي بكياني غير حبك باحتدام




جيت تضحك لك شفاهي بابتسامات الجفون
....... جيت لك والقلب غارق في عبارات الكلام




ماتصنعت المشاعر لاجل ابرهن من اكون
........ كان همي اني اوصل ساحلك يااغلى مرام




ابتسم ساعه اشوفك وانسى ايام الشجون
........ واتخذ لاجلك مساحه في مواعيد الزحام




لاتلاقينا وشفتك قاسي الغربه يهون
.... والفرح يسري بدمي ويخترق صلب العظام




وان تفارقنا دقيقه مالت اوراق الغصون
.......... والدقيقه في عيوني شفتها الفين عام




الغياب ياهو غيابك صبلي كاس المنون
......... اشربه ظلم وتجني وأرتويبة بإنصدام




الغلا ما هو حكاية تعتبر ضمن الفنون
....... الغلا عشته بقلبك يا قمر وسط الظلام




لو درا بصادق غرامي الغدر حرم يخون
...... ولو يعيشه كل مذنب إلتزم بعد الحرام




والبلابل لو تحسه زادت أنغام اللحون
... وبه تغنت وأهتفت به وغارت أسراب الحمام




والبحر لو قاس حبي صارت أمواجه سكون
...... وقال أنا قطرة وجف وأبهر أحلام الأنام




حتى قيس اللي تصدر قايمة أهل الجنون
. واللي أهل العشق أخذوا من (أساطيرة) وسام




ماوصل عشقه بليلى مرحلة ضم الحضون
........... ولا تحدى في غلاها لذة أنفاس المنام




وعنتر وعبله غلاهم باهت ماله أي لون
........ بعد ماشخصت قلبي حبهم فيه أنفصام




كل حب غير حبي مثل همال المزون
يستمر وقت السحاااب .. وينتهي بعد الغماااااام




وكل شعر غير شعري مايفي باللي يبون
.......... تكتب حروفه أحبك ونيته بالأنتقام




اتحدى واتحدى واتحدى من يكون؟؟؟
........ ان قلب غير قلبي حبه صادق بالتمام




وان كلامي ماعجبهم يفعلون مايشتهون
......... يمكن لاشافوا ولاي عندهم ينشا اهتمام




الغلا قصه وصارت بيني وبينك جنون
........ حكتها بشعور قلبي قبل مايبدى الكلام




الغلا واقع اعيشه معك مايرضى الظنون؟؟
.......... واقع اجمل من خيال واقع نبراس الوئام




بطلبك قبل انتهي كانك لاحساسي تصون
........... ان لحظات التواصل نغتنمها اغتنام




مانبي الايام تمشي والمشاعر يلهثون
........... والخطاوي الهاويه في سراديب الخصام




والامانه في النهايه ياحكي حب العيون ؟؟
........ لافهمت حروف شعري ضمها بعد الختام

أنتقآء عذب
سلمت ذآئقتك الجميله عزيزتي ,,,

يابعد راسي
انتقااااء جميل وذوووق
سلمتي غلاي

انتقاء جميل وذائقه اجمل
يسلمك ربي على دا الانتقاء حبابه
الله يسعدك ولا يحرمنا منك ياقمر ،

أختيار راائع يابحه سلمتي

يسسلمو ع المرور ي الغوآآآلــي
لاهنتوتقبلو ودي واحترامي

تسلم يدك
اختي بحة الشوق
مساحات هنا لاتنتهي من نبضك
تعبير الحب والفراق والبعد وتسال الغايب
نص باذخ بالابداع
إنتقاء في قمة الروووعة
لم ارى حرفا يتلحفه البياض ويتنفسه الخلود كحرفك
رائــعــه بـــروعـــة حــضــورك

اقتباس: المشاركة الأصلية كتبت بواسطة ذوق الحنان    تسلم يدك اختي بحة الشوق مساحات هنا لاتنتهي من نبضك تعبير الحب والفراق والبعد وتسال الغايب نص باذخ بالابداع إنتقاء في قمة الروووعة لم ارى حرفا يتلحفه البياض ويتنفسه الخلود كحرفك رائــعــه بـــروعـــة حــضــورك

تسلمين على المرور ي غلاي
لاخلا ولاعدم