صُورهُــم تـَ تقاطــر شِعــراً .. تفاعلكم مطلبنا ...!

[frame="7 80"]


النشمي / سعود الحافي




اهــــواك يـاسـيــد الغـنـاديـرأهـواك
قلـبـي تـولــع فـــي مـحـبـة كـيـانـك


يازيـن أنـا قلبـي مــن الـنـاس بــداك
قلـبـي أسـيـر فـــي مـــودة حـنـانـك


ماكنت أعرف الحب لوعات وإرباك
إلابـعـد مــا شـفــت بـسـمـة ثـمـانـك


أنسـاك لا .لا يمكـن القـلـب ينـسـاك
ينـسـاك كـيـف وبالمواثـيـق صـانــك


تفداك روحـي يامنـى الـروح تفـداك
وأرخص حياتـي يـا حياتـي عشانـك


ما غاب عنـي لـو للحظـات طريـاك
عايـش معـي بأحـلام وأنـت بمكانـك


يـا شـوق عينـي تفـرح بـيـوم لقـيـاك
وأشاهـدك وأكــون فــارس زمـانـك




الشاعر / خالد العتيبي
[/frame]

[ALIGN=CENTER][TABLETEXT="width:100%;background-color:black;"][CELL="filter:;"][ALIGN=center]

عوآفي على دا المتصفح الجميل
والممتع جداً ، تسلم شاعرنا ،

خالد العتيبي


اسـتـبـدل الـدنـيـا بضـحـكـة حجـاجـيـن
وابهـم عـن الـلـي كـنـت ابـيـه ويبيـنـي
واميـن مـن جـودك ومــن جــودك امـيـن
يالله عـســى الـجـنـه جـــزا والـديـنــي
،


فهد المساعد

[/ALIGN][/CELL][/TABLETEXT][/ALIGN]

(( الله اقوى ))




الله أقوى غدا شوفك سراب
كيف أبا أروي حنيني .. بالظما
يا ممنى حياتي .. بالسحاب
وين غيث المحبه .. ما هما
اجدبت بالحشا أرض العذاب
واشتكت من تجافيك السما
كيف ترضى عليّ .. طول الغياب
وانت حبك جرى مجرى الدما
يا حبيبي ذوى قلبي وذاب
من عذابه وبيح ما كما
وعل عينٍ .. رضت فيك العتاب
تشتكي بعد نوره م العمَى



((البدر .....
،،،،
بندر السآكت ومسآحه متفرده
لروحك حدائق الود

[frame="7 80"]

فهد المساعد

من عز نومي صحيت وشفت في عينـي
دمع تهادى علـى جفنـي وأنـا غافـي

ستـرت دمعـي بكمـي قبـل يغرينـي
وأخذت هذا الجسد مـن باقـي لحافـي

وسريـت تايـه ورا خطـوات رجلينـي
لا الوجه وجهي ولا أوصافي هي أوصافي

أمشـي وأقـول لطريقـي لا توديـنـي
لعيون ناس تبي تـدري عـن الخافـي

أمانتـك .. خلهـا مـا بينـك وبيـنـي
خابرك يالـدرب خـوة عمـر وسنافـي

مـا ودي النـاس تـدري وش يبكينـي
كرامة النفـس ورث أبـوي وأسلافـي

أمشي وأحس الخناجـر فـي شرايينـي
والبرد يمشي وراي وينهـش اطرافـي

وحيـد واللـيـل بـردونـه يغطيـنـي
تقـول كـن البلـد روح بهـا السافـي

إلين ما أوحيـت لـي صـوت ينادينـي
صوت أعرفه مثل ما أجهل وش خلافـي

قمـت أتلفـت وانــادي لا تخليـنـي
ما غيره .. الصوت هذا صوتـه الدافـي

ولمحت زولك من أقصى الدرب لافينـي
مدري وش اقول لكن حـي هـا اللافـي

تعال.. شف غيبتك كيـف أثـرت فينـي
تعال.. شفني وأنا أغرق عقب مجدافـي

تعال.. خذنـي ورحبـي مـن عناوينـي
تعبت أعدي على جمـرك وأنـا حافـي

تعال.. واقطف بصوتـك زهـرة سنينـي
كـل المواعيـد عقبـك شمعهـا طافـي

تعـال.. وازرع خصـل شعـرك بكفينـي
بضمهـا ليـن أحـس بليلـك الظافـي

تعال.. وشفيـك خايـف؟ أنـت ناسينـي؟
قطعت صوتـي عليـك وطـال ميقافـي

حتى بديت أشعـر أن الحـب معمينـي
وان أنت حلم عثى فينـي وأنـا غافـي

لكن أمانـة تـرى اللـي فـي كافينـي
إن رحت منك كذا مـا رحـت متعافـي

بصـدق الحلـم وأحـذر لا تصحيـنـي
في خاطـري كلمتيـن إن قلتهـا كافـي

أمانة الله عليك إن غبـت عـن عينـي
لا يكون قلبك مثل قلـب الزمـن جافـي

مع كـل دمعـة تذكـر رعشـة يدينـي
ومع كل ضحكـة تذكـر قلبـي الوافـي





البدر / بدر بن عبدالمحسن

[/frame]

ما بقى لي قـلب يشفع لك خطيّه
ذوبـته اجروح صدّك والخطايا


صاحبي بالله … لا تعـتب عليه
العَـتـب ما عاد تاسَعه الحنايا


كلّ جرحٍٍ فات لي منك هديّه
وش بلاك اتخاف من ردّ الهدايا


الله أكبر … كيف مالك مقـدريّه
وكل ما تحمله من هـمّي بقايا


لا تمنّيني … سَرَاب المهـمهـيّه
الـقـرَاح اليوم … ما يروي ظمايا


وان غَدى للحب في قلبك شظيه
وش يقـول اللي غدى قلبه شظايا




الامير : بدر بن عبدالمحســـــن"




الرااائع سعد بن هندي

الرااائع سعد بن هندي

والله ان قـربــك .. رغـــم قـربــك .. سـمــا
وأنـت الاقـرب مــن شهيـقـي والزفـيـر.. !

الـمــســافــه بــيــنـــي وبــيــنـــك .. كــــمــــا
المـسـافـه مـــن غــنــي .. الــيــا فـقـيــر..

كــنـــي الـــلـــي بـــيـــن جـــوعـــه والــظــمــا
مامن الامرين خير .. وقال : خير .. !

واشهـد ان الوقـت بـي صــاب .. اذ رمــا
مـاخـذا مـنــي .. ســـوا الـشــي الكـثـيـر..

مـاخــذا غـيــرك .. مـــن ايـامــي .. ومـــا
هـمـل الا جــرح .. فـــي عـمــري كـبـيـر..

والله ان لامـــــــــــاك يـــــاعــــــف الـــلــــمــــا
تـشـبـه الاحـــلام .. فـعـيــون الـضـريــر..

الـزمـان اصـقـه .. وحـبـي لــك .. عـمـا
منت الاول بالهوى .. أنت الاخيـر ..!؟






محمد جارالله السهلي

[ALIGN=CENTER][TABLETEXT="width:80%;background-color:black;border:7px solid darkred;"][CELL="filter:;"][ALIGN=center]




محمد جارالله السهلي

لا يطـوّل سكوتـك ولا يطـوّل سكـاتـي
تـرى الـدعـاوي بسيـطـه لا تكبّـرهـا

خلـك علـى خبـري وظنـي وهقـواتـي
خابرنـي الضيـق والضيقـات خابـرهـا

وسّـع لـي البـال يـا سيّـد طموحـاتـي
ولا تغيّـر النظـره اللـي كنـت تنظرهـا

تقول : حـب البشـر طـوّق مساراتـي ؟
ابـك انـت حبـك مساراتـي يسيّرهـا !!

ان غبـت عانـت عيونـي مـن معاناتـي
وذكـرك يصبّرنـي وطيـفـك يصبّـرهـا

لا يـا بعـد شهرتـي واعظـم نجاحاتـي
وكل القصايد مـن ابسطهـا ليـا اشهرهـا

ولا يـا بعـد مـن يـدوّر لانكسـاراتـي
شعّار سبب وجـودي ضيـق خاطرهـا !!

انت اجمـل اللـي تسجـل فـي سجلاتـي
ان جيت : وين البشر ؟ وان رحت : مكثرها
يـا اوّل وآخـر قصيـدي وآروّع ابيـاتـي
محـدٍ يحـب القصايـد كثـر شاعرهـا !!

مـا فـاق حبـي لـك الا حبـي لـذاتـي
يعنـي احبـك محبّـه مــا اتصـوّرهـا

يا اصدق من النشـوه اللـي فـي بداياتـي
لا قلت لي كـم بيـت .. وقالـوا انشرهـا

واغلى مـن الدمعـه اللـي كـل صدماتـي
تطلـب يدييهـا !! واحجّرهـا ولا انثرهـا

وآحـن منـي علـيّ ان شفـت زلاّتــي
القـاك بررتهـا لـو صـعـب ابـررهـا

واطهـر حكايـة محبّـه فـي حكايـاتـي
مـن قبـل لا عيشهـا حسّيتـك اطهرهـا

لا تلومنـي لا بديـت آخــاف وآحـاتـي
كـل حاجـةٍ غاليـه مـا ودّي اخسـرهـا

ولا تضـايـق لـيـا كـثّـرت جيّـاتـي
ضيّعـت فيـك السنيـن وجيـت ادوّرهـا

تـعـال رتبـنـي ورتــب حسابـاتـي
او تدري شلـون ؟! رتبنـي و بعثرهـا !!

مو مشكلـه لـو تصيـر اطـوّل مسافاتـي
المشكلـه لابـديـت احـسّـك اقصـرهـا

اكبـر عيوبـي : بديتـك مـن نهايـاتـي
واكبر عيوبك : لقيـت اوّلـك بآخرهـا !!

يـا مكتشـف عالمـي واقـدم حضاراتـي
حـرام كسـر الخواطـر بيـد جابرهـا ؟!

مـدام تقـدر علـى اللـي فـوق قدراتـي
لا تذخـر الفزعـه اللـي قلـت ذاخـرهـا

رجعنـي لوقتـي او رجعـلـي اوقـاتـي
عاميـن تنطرنـي .. وعاميـن ناطـرهـا

وتقـبـل الــود والشـكـر وتحـيـاتـي
يـا ساكـن الـروح والـروح ومشاعرهـا

وروّق وركّـز وحـاول تفـهـم الآتــي:
فكـره تـأكـد قلـيـل الـلـي يفكـرهـا

لـو ان غيـري معـاك يسـوي سـواتـي
قلت : انت نعمه وهـو عاجـز يقدّرهـا !!

**

[/ALIGN][/CELL][/TABLETEXT][/ALIGN]

ضيدان ابن قضعان

[frame="7 80"]

ضيدان ابن قضعان

ياوجودي كل ماهب نسناس الشمال

وجد من حدّه زمانه على اللي ما يبيه

وياوجودي كل مااغفيت ثم مال الظلال
لاغفت عيني ولاذقت شيٍ مشتهيه

وجد من قفّى وهو في رجا كلمة تعال
والتفت من عقب مااقفى ولحدن لدّ فيه

وياعذابي لادنا الليل من روس الجبال
وانتهى يومٍ من العمر ماعاد ارتجيه

نايف صقر

[/frame]

[ALIGN=CENTER][TABLETEXT="width:80%;background-color:black;border:7px groove teal;"][CELL="filter:;"][ALIGN=center]

نايف صقر

قصيدة سرابه

القلب كل ارباعه خلي وعروق
يقرا به الظامي قصيدة سرابه
للريح في رمل التباريح محروق
وتلعب خماسين الوله في ترابه
ومع القلم هات ابيض الطرس ياصفوق
راعي الهوى ماجابنا.. الوقت جابه
لو من حل حكاية الشهد مخلوق
ماكرم الله العسل في كتابه
لو للسحايب ياطويل الهدب سوق
شريت لك برقٍ رهيف وسحابه
هتانها ياصاحبي لو هطل فوق
اخضرت اطراف السما من عتابه
شاعر عيونك لاكتب فيك طاروق
تختال اسارير الزهر في ثيابه
والفرقا ماتنبت بختري ورقروق
ولاتشرح الصدر الحزين الربابه
وكان انكرت صوتي وتوديهي النوق
باموت من قل الوفا والصبابه
باسباب ما اعاني من الوجد والشوق
إن غبت .. اجروحك بقلبي تشابه

مهنا العتيبي

[/ALIGN][/CELL][/TABLETEXT][/ALIGN]

[ALIGN=CENTER][TABLETEXT="width:100%;background-color:black;"][CELL="filter:;"][ALIGN=center]


مهنا العتيبي ،

واهـــــــنيك في حياتك بلهنايا يالورقا
واهنيك تلعبين السامـــــري مســــــروره
واهــنيك مانكوا قلبك بنــــار الفرقــــــا
ولا حنا الهجران حالك حنية الباكــــوره



سعد علوش ،
[/ALIGN][/CELL][/TABLETEXT][/ALIGN]

[ALIGN=CENTER][TABLETEXT="width:80%;background-color:black;border:7px ridge purple;"][CELL="filter:;"][ALIGN=center]


سعد علوش ،

وصآرت ساعتك أربع .. وأنا ماجيت
تصدًق ساعتك .. ولاَ تصدَقني ؟!

على اللهفه نجي ولآً على التوقيت ؟!
ترى هذآ السؤال اللي مؤرقني .!!

أحبك وآتجمع لك غرآم وصيت
وأشوف انَك معَ نفسي تفرَقني

وأشوفك في زوايا البيت راعي بيت .!
وقصَر خطوتي من شآن تسبقني .!

ولابي اظلمك لكن مدري وش حسيت
وانا أحساسي بعمره مايوهقني .!

اذا ناوي على البعد وعلى التشتيت
ابيك تقول لي ولا .. تعلَقني

إذأ حبَيت حس بحس من حبيت
مدام انًي حلالك .. ليه تسرقني ؟!

عسى ربًي يبيحك كان ماحسَيت
انا غرقان .. وتفكًر تغرَقني .!

لـ الأنيق سعد علوش

[/ALIGN][/CELL][/TABLETEXT][/ALIGN]

الشاعر وصاحب المحاورة الرائع
فلاح القرقاح

[frame="7 80"]


فلاح القرقاح

من نشا عوده على المعصيه عاقة صباه
وشبع جوع وثقل حمله وكلة منكبيه
ولا تجي غايتك مثل السبيل لمن بغاه
اتحذف ثوبك على النار وتقول احتميه
ولا تخاوي من تغلبه على العرف العياه
ترى الأحمق ما يدلك على الشور الوجيه
ولا تجالس من يذم المقفي في قفاه
حتى لو ان كل عذروب قاله فيه فيه
ودلو خلان الرخا لا تجود في رشاه
من كلته النار منهم توقى والديه
ولا يذلل ضيف مجلسك لو يرفع عصاه
ولا تردى في نسيبك ولا ترخص ذويه
وحتى سابع جار لو جار لا تسهج حماه
عقب اللي ما ينومس قصيره ويحميه
واحتمل زلة رفيقك ولا تبحث خفاه
سية تدفع بحسنه وذخرن تقتنيه
زبدة الموضوع من مبتداه المنتهاه
من أول بيت القصيده إلى آخر ما يليه
الكفو عثرة السانه تقلل من غلاه
والردي يخطي ويبطي لا منه ولا عليه
والثقه كنزن ركونه تنومس من بناه
والحكي لو نزه الدنس ما دنس نزيه




الشاعر / سالم سيار
[/frame]

[frame="9 80"]


الشاعر / سالم سيار

الليل هم وحزمـة جـروح وأوراق

وأنا اتناثـر بـآخـر الليـل وأبقـى

ما غير اولّع كل تناهيـد الأشـواق

واللي بقى من الشوق دمعات حرقـى

ما أقول ضاق الصدر لكن إذا ضاق

تتكسر ظلوعي على الروح واشقـى

وحدي وعيوني تمتلي وجيه وفراق

كان البكا فرقى ورى دمـوع فرقـى

يا طيب تاخذني على الناس بعنـاق

والحين أنـا ويـاك ياطيـب نبقـى

معقول ما مرّوا على بحر الاحـداق

ولا شافوا دموعي من الشوق غرقى

هذا انا من الليل واقـف ومشتـاق

وهذي كفوفي من الوله دوم عرقـى

من ليل واشراقٍ الى ليل واشـراق

وارجع اعيد حكايـة الليـل وارقـى

وارقى انتظر بالليل نجمي اذا فـاق

واصاحبه حتى السما تصيـر زرقـا

وابقى وحيد ولا معي غير الأوراق

اكتب جروحي بآخـر الليـل وابقـى

الشاعر

عبدالله ابن عون

[/frame]