بقاله زمان تعالوا اشتروا

بقاله زمان تعالوا اشتروا




بتكلم اليوم عن حلويات زمان اللي كنا ناكلها ( ككاو / فش فاش / علك / بسكويت ).. زي مانتوا عارفين إن أكثر الحلويات

الموجودة الآن إما جديدة أو قديمة لكن غيروا صناعتها أو طعمها " يعني ماهي بجودة أول " .. الحلويات القديمة بجد كانت
رخيصة ، وفي نفس الوقت طعمها يجنن .. أما حلويات الآن أعوذ بالله أسعار غالية ، وطعم الله بالخير ماعدا الشركات

الكبيرة ، والمشهورة مثل جالكسي ، وطقتها .. هي اللي مهتمة كثير بمنتجاتها .. عموما أنا بحثت لكم عن صور

هالحلويات بعضها إلى الآن مازال موجود لكن جودته مو مثل أول .. وبعضها أنقطع نهائيا .. مع العلم إن بعض الحلويات
المقطوعة عندنا حصلت مواقع " أجنبية " توفرها لك مقابل أسعار معينة .. عموماً يالله نشوف صور لبعض الحلويات
القديمه



سمارتيز ككاو مغطى بطبقة صلبة حالية .. أتذكر كان يجي في علب متنوعة .. العلبة المشهورة هي اللي في الصورة
لكن كان فيه علبة على شكل " شاحنة " ما أدري إذا أحد يذكرها أو لا .. ! عموماً هـ الحلاو بطل

هذا حلاو مصاص أبو صفيره .. .. والأهل في البيت ماغير زعاق علينا يقولون "أزعجتونا "


ككاو أولكر عيدان .. عبارة عن ككاو عليه طبقة من البسكوت الخفيف .. حلو طعمه بس كان فيه نوع ثاني من هـ
البسكوت نفس الشكل بس الكيس يختلف كان لونه " بني " أحسن من هذا بكثير


هذا كان غالي وهو عبارة عن حلاو مثل " البلك " ، ويجي معه لعبة على أشكال شخصيات ديزني تعبي الحلاو في
هاللعبة ، وكل ما ضغطت الزر اللي فيها يطيح لك حلاوة

بسكوت أولكر أبو " سمسم " .. مع الشاهي هبال إلى الآن موجود هالبسكوت بس غيروا شكل الكيسة كانت أول
حمراء بالكامل ، لكن الطعم مازال نفسه

هذا طعمه روعة ، وهو عبارة عن توفي عليه ككاو ثقيل شوي لكن بطل


علكة غريندايزر قديمة مرة كانت تجي في أكياس ملونة .. أحمر / أخضر / أصفر / أزرق .. داخل الكيس فيه علك أصفر
صغير ، ومعه كوبون عبارة عن صورة لاصقة لشخصيات مسلسل غرندايزر ، طبعاً هالعلك اختفى من السوق من زمان

بسكوت من أولكر هش ، والطعم حلو

علكة تشكلتس روعة

عيدان البطاطس .. ألذ عيدان ذقته فيه منه نوعين عادي / حار .. كلها روعة ، والبطاطس مازال موجود في كثير من المحلات ، وبنفس طعمه القديم ،

هذا حلاو شفت صورته ، وتذكرته .. لكن عجزت أذكر الكيس حقه .. كل اللي أقدر أقوله إنه قديم مره ، وطعمه مو ذاك الزود

هذا حلاو أبو ساعة آه يالدنيا .. حلاو مصنوع من خيط مطاط وحوالينه قطع حلاو تشكل ساعة .. كنا نلبسه في اليد ، وكل شوي ناكل منه قطعة

حلاو طابوق .. أشهر من نار على علم .. طعمه روعة وألوانه تفتح النفس .. مازال موجود ومعروف عند الكثير من الناس

طعمه حلو مره ، وقديم جداً .. أنقطع من السوق

ككاو فلوس .. ككاو يجي على شكل دراهم .. روعة والله



علكة باباي .. عبارة عن كيس في داخلة علك شرائح لونة " أخضر " ماخذ شكل " السبانخ اللي ياكلها باباي " .. كنا ناكلها ، ونفكر أنفسنا صرنا أقوياء .. علك قديم مرة ، وأنقطع من السوق

بطاطس مرحبـــا ,, وموجود الحين في البقالات



تنويه (الدين ممنوع)

م/ن
اتمنى ان تنال اعجابكم

برق البروق



ما اجمله من طرح


يرحم زمان اول يا شيخ

دائم التميز والروعه والذوق الرفيع


تحيتي ...

هلا وغلا بندر التميز حضورك
لاعدمت هالطلة
(مادامك اول رد.. نستثني ندين الي نهاية الشهر) بس أنت
منور لاعدمتك

يمي يمي يمي
اممم بصراحه ناويه اتدين كم حاجه هههههه
اول شي ابغى المسدس اللي بالصوره على اليمين << برمي احد في بالي ^_*
وبعدين ابغى حلاوة ابو ساعه << كونت ادمآن عليها
وابغى بطاطس العُلب الحـآر ، وكل انوآع اللوبآن اديني منها
امممم وشو كمآن خلص اذا افتكرت شي ارجعلك عمو
،
عوآآآآفي خيو برق ، بجد لها نكهه دي الاشياء
الله يسعدك فين مآكونت ويوفقك ،

:
:
:
لـِ رَحِيق الذِكرَيَات عِبق تَنتَشِيهِ الرُوح
وِيهمِسُ بـِ القَلب فَقد مِن كَانَت تُزَامِنُهُم هَذِهِ الصُوُر

رَائِع هَذَا الطَرح يَابَرق ويُحيِي شَيء بـِ الأَعمَاق

مَوَدَّتِي لـِ قَلبك

هلابك وتم
أولا المسدس هدية تخلصي من اللي في بالك .... (راعي بقاله شرّي ) هههههه
ثانيا
اذا يكفلك عبدالعزيز مستعد ادينك
تستاهلين
أختي الغاليه
خوذي اللي ماياخذك
مرورك عذب الله يرعاك

هلا وغلا بالمطر .... عبدالعزيز
...(بيني وبينك أخوك اللي هو انا مدمن حلاو طابوق ) ويذكرني بالطفولة
السياره
مليانه
واحب آكلة اذا كنت افكر قمة المتعة
لاحرمني الله تواجدك
ياغالي

تسلم
ويازين حياة البساااطه
يعطيك العااافيه
شكرا لجهووودك

هلابك العنود
ومن قال يسلم
والشكر لحضورك هنا

الله الله وناسة با حلو الاشياء القديمة

تسلم اخوي ما قصرت

من قال يسلم اختي بنت الدويش
الله يرعاك ويسعدك

وش هالزين يالبرق
جعلك تسلم
وعساك على القوة
أنا عاد ماأبي من البقالة إلا هالحلاوة
أحبه وأموت عليه
وكل ماخلص من عندي شريته


وان شاء الله نمر عليها كل حين

^ كنت ومازلت احبه ):

النسمات
مرورك عذب
اما الحلاو هذا حكاية
لحالة
تسلمين الله يرعاك

بالعافيه
يانجود