صُورهُــم تـَ تقاطــر شِعــراً .. تفاعلكم مطلبنا ...!

[frame="1 80"]

الشاعر الامير / خالد الفيصل

عوى الذيب ياسـاري ..عـوى ذيبهـا حـذرا
يـرد الظـلام عـواه ..لضلوعـه صياحـي

ترى الليل قمّـاري ..وعقـب القمـر غـدرا
ومن طاولـه مسراه..زهّـب لـه .. سلاحـي

أحد بالخفا .. داري ..وأحـد بالخفـا.. يـذرا
تشيل الدروب خطاه ..والصبـح .. فضّاحـي

طويلات .. وقصاري ..ويمنـى لهـا يسـرى
يخاف القـدم ماطاه..ماقـام .. مـن طاحـي

عن العين .. متواري ..توارى .. ورا غبـرا
يبيه النظـر وأخطـاه .. مـالاح .. لوّاحـي

على نهرنـا الجـاري ..نوايـا تبـي مجـرا
مصبّه ... شكى مبداه .. في بحر .. الأملاحي

شمال؟ ..الهوى عاري ..جنوب؟.. الرمل جمرا
مثل وسم ينثر ماه بصخـر ارض الأسياحـي

اذا ماالصقر طـاري .. عـلا بالهـوى قـدرا
وطنه السما .. وحمـاه مخـلاب .. وجناحـي

هواجيسي .. أشعاري ..ولا للشعـر .. عـذرا
كتبته .. لمن يقرااه .. للصاحب .. الصاحـي

[/frame]

[frame="7 80"]



عيونك آخر آمالي وليلي اطول من اليم
كيف ألقى كلامٍ عذب يوصف دافي احساسي
عشقتك قبل ما اشوفك وشفتك صرت كلي حلم
ابي رمشك يغطيني وابيك اقرب من انفاسي
يهمك تعرفي انك قتلتي في سنيني الهم
قتلني ضحكك وجدك قتلني لينك القاسي
رميت اقداري في دربك وصرتي في عروقي الدم
احبك كثر ماسالت دموع وما نسى ناسي
يجول الحزن في ضلوعي بردت وذاب فيني العظم
و يا كثر الحطب حولي وعندك انكسر فاسي
سألتك بالذي زانك تحبي فيني حتى الظلم
تحبي عيوبي وغدري تحبي المر في كاسي
انا من كثر ما احبك ابيك كثر رمل اليم
وابيك فوق الناس وابي ماينحني راسي




شاعر الاندلس / ناصر القحطاني
[/frame]

شاعر الاندلس / ناصر القحطاني

الشمس غابت وكل ٍ دوّر سراجه
والشوق جمّر محرّ الشوق لاجمّر
دام اتجاهك شمال مودعك حاجه
سلّم على حايل وسلّم على شمّر
قدامك الخافق اللي ينشد علاجه
كنه معلّق على برزان ومسمّر
وانت تعرف يا بعد حيي من تواجه
بيضان الافعال لامن الزمن سمّر
ان ضاقوا أعنف من البحر وامواجه
وان راقو اركد من الخرمان لا عمّر
كم صيت بيت ٍ عتق في الباب مزالجه
وكم شيخ اماره قبل تعيينه مومر
وكم حاتمي ٍ تكفيّ فلّة احجاجه
وش لون للضيف لو عن ساعده شمّر ؟
وان مر تاريخهم متلبس ٍ تاجه
كم عاشق ٍ كيّف وكم حاسد ٍ زمّر
في جو ٍ اغلى على الرجلي الى داجه
من ديرة السادس ومن ديرة معمّر
كنّه الا اهدى له البراق فجاجه
خلت غرير ٍ ضحك ومن الخجل حمّر
توارثو حرثه وتمتير ديباجه
ركابة الجيب من ركابة الضمّر
الودّ لا غرس بدري صعب مخراجه
والله ولا الذّ واحلى منه لا ثمّر
ادخل على اللي تطوف البيت حجاجه
من ناقص ٍ عند مدح الغير يتذمّر
والمدح لو كان في الرديان للصاجه
ويقال عمّر بلد بالعون ما عمّر
والذّم لو زاد في الطيب تولاجه
لا احرق ولا اغرق ولا عمّر ولا دمّر
ماني بمتحسب بشعري على حاجه
الا اني اروح ما غنيت في شمّر

,,,,,,,,,

الشاعر \ محمد بن ساقان

[frame="7 80"]

الشاعر \ محمد بن ساقان

حبيبي الحزن لا قلّطتك عيوني
رتب كنب ضحكتي في مجلس اهدابي


وتمرك عوج الحنايا وافرش شجوني
أنت المعّزب وضيفك باقي أعصابي


مابعدك الاّ التعب واقصاك من دوني
وما قبلك الاّ ضعون الصبر وركابي


وهذي فراغات عيني من ورى نوني
تغرف من الصمت دمع وتسقي كتابي


والصمت عشعش على شفاهي ومكنوني
قام يتعرّش من الحسره جذع نابي


وجريد وجهي عسيبه يبس ومزوني
جهّت قبل لا تلقّح بكرة ترابي


والشمس ترقى السما وتهل بـ جفوني
قطرة عرق من جبين الوقت تندابي


والمغرب اللي يصب من الغسق لوني
وشلون يمحى الضيا في لوحة غيابي


حبيبي الحزن بسولف على ظنوني
مليت اسولف على غيري وانا مابي


بردٍ تنحنح وحيفه وأرعب غصوني
وأشعلت من منقد العشاق مشهابي


وأكن تبغ والوجع ويكح غليوني
من مابي اللي يضيق بـ كثر يامابي


والصبر مفتاح والضيقات صكوني
من وين بـ القى الفرج لا سكروا بابي


مليت اجي لك من الضيقه على هوني
ومليت اروّح وأنا اتعابي هي اتعابي


قلت اتوكا على اصحابي وهدوني
على رفات الدروب وضيعة احبابي


عرفت بـأن الوجيه أشباه بـ عيوني
أصحاب حزني ولا لـ أحزاني اصحابي


حبيبي الحزن تدري ويش بردوني
شيٍ سترته على ردونك وعرابي


ثيابي أول افصلها على متوني
ومتوني اليوم أفصلها على ثيابي





الشاعر / فهد عافت
[/frame]

[frame="1 80"]

الشاعر / فهد عافت

لو الحزن دمع الله يحرم يباس الموق
على العين لين يغرق الجفن مجهاشه

ولو الوزن شمع اللي من كبودنا محروق
ينير الظلام بنجر الاضلاع مهباشه

على سلم جدانه يموت و جبينه : فوق
لو ان الجدي يرقى على سهيل ما ناشه

وطيب لو ان المسك ما ارخصه عرض السوق
غدا من قواريره ومن طيب غراشه

"طلال الرشيد" اللي تجيه المنايا بوق
على صدق وعد الموت ، الاسباب غشاشه

نصاه الرصاص : ضيوف ! قلطهم :المعلوق
وعشى ضيوفه مهجته !رابط جاشه

يا ربع يهبا ريح الفشق وشكثر معشوق
تقل .. عيب احد من "شمر"يموت بفراشه

وهذا مهو بايات احد يعجز الطاروق
يوفيه قدره لو هو السحر وادهاشه

أمير التواضع و الحيا و الأدب و الذوق
والاخلاق ملفى كل طيب و مطراشه

سرى للنوايف _ راس "شمر"مهو مسبوق
تقل وحده "الساري"والآنام "غباشه

نعم ..مايكبره "اللقب"يكبر المنطوق
بالافعال وعزوم الرجاجيل بطاشه

حثينا على وجه السحاب :التراب حقوق
لو الله عفا منه اكرم الخلق ماحاشه

يا رب اغفر لعبدك "طلال الرشيد" وسوق
له من البرد مايبهج الروح رشراشه

وعسى "ربي الله ونبيي محمد "طوق
يوقي بها عن ظلمة القبر ..واوحاشه

بجاهك وعزك وبجلالك ياربي عوق
عن النار جسم عل "الاستبرق" قماشه

يا رب وعسى صحبته "ابو بكر"و "الفاروق
بقدرتك ياللي ترزق الطير باعشاشه

يا رب وعسى اللي عندك من السعد مفهوق
له بكل عمر ماته ابن ادم .. وعاشه


الشاعر فلاح القرقاح

[/frame]

[frame="7 80"]


الشاعر فلاح القرقاح

يا نسيم الليـل سلّـم لـي علـى اللـي مـا نسيتـه
وبـلّـغــه شــوقــي وبـشّــرنــي لـعــلــه مـــــا نـســانــي

واهــنــيّــك يــــــوم تـــاصـــل ديـــرتـــه وتـــمـــرّ بــيــتــه
أمــا انــا شـفـقٍ عـلـى شـوفـه وحـاديـنـي زمـانــي

ما أبغي الا اللي لامن غيـره بغانـي مـا بغيتـه
أشـري اللـي باعنـي لجـلـه وابـيـع الـلـي شـرانـي

فـاطــمٍ قـلـبـي عـلــى حـبــه وحُــــب حــيّــه ومـيَـتــه
كــن مــا غـيـره عـلـى قـيـد الحـيـاة انـسـان ثـانـي

وانء بغيـت الصبـر والسلـوان دونـه مـا قويتـه
صورته في عيوني الثنتين واسمه في لساني

[/frame]

[frame="1 80"]

بذرة غلا..........................بذرة غلا

ابتديتك عـــــلاقه وانتهيتك غـــــــرام
ومن سقيتك قصيدي وانت بذرة غلا

حتى صرت القصيد وصرت كل الكلام
وانا كلــي مشـــاعر واشتياق وولا

لاتسافــــر تـــــــرى يلحقك مني ملام
ولاتطـــــــــول غـيابك جعلني ماخلا

انت ماخــــــــذت قلبي غير بالاحترام
والا قلـــبك تـــــرى تهواه كل الملا

جيت مــثل الغمام ورحت مثل الغمام
وكان خاطـرك سالي خاطري ماسلا

الله اكبر جبرني الشوق جبر العضام
لين دلـو المشــاعر من غلاك امتلا

روح لاتعـــــتذر والحمل فوق السنام
كلمة انســــاك ماهي مثل كلمة هلا

وفي شاعر المليون قال البيت كذا

روح لاتعتذر والحمل فوق السنام
ماإنت اول حبيب عن حبيبه سلا

الشاعر مرزوق الروقي

[/frame]

[frame="7 80"]

الشاعر مرزوق الروقي

حلا الدنيا

ياحلو صبح حجب شمسه ركـام خيالـه
هو صباح النور صدق الله يخلي نـوره
فيـه بـاردة النسايـم لابـدت مختالـه
حركت غصن شدا بأحلى الغنا عصفوره
يا عسى يبطي ضياه ولا يشـد رحالـه
أو يقفـي والديـار المجدبـه ممطـوره
لين من يهوى الجمال يطيـب الله فالـه
وان طراله شعر عز الله يفيض شعـوره
وان نظر فالماء والخضره وروق بالـه
باقي الوجه الحسن ويكمل اجمل صـوره
وجه مملوح يتوق القلب لأجـل وصالـه
الهنا والسعد كله فـي مشاهـد حـوره
وخدرة عيونه وخثـرة نبرتـه وجفالـه
وابتسامة شفتـه ونعاستـه وغـروره
كلها عندي حـلا الدنيـا بكـل اشكالـه
وكلن يوصف حلا دنياه مـن منظـوره
وفي عيوني لابد الفاتـن وهـل هلالـه
وانبلج نوره وفاحت فالـدروب عطـوره
قمت امتع ناظري في روعـة الاطلالـه
والنواظر لو تكذب مـا تـرى معـذوره
ولا تحدثنـا وكلـن زاد ملـح اقـوالـه
قمت اعجل في كلامي لأجـل يبـدا دوره
ولا حكا واخجله شوفي زاد باستعجالـه
وضيع وخالط كلامـه بسمـة مكسـوره
فالخفـوق منزلـه ومجمـل منـزالـه
والله ليبقـى ولا يبـدا نهـار ظهـوره
ويوم شفت الماء والخضره ذكرت وصاله
وقمت اخيله فوق وانظر فالسحاب نذوره


شاعري الاسطوره / عادل حزل
[/frame]

[frame="1 80"]
شاعري الاسطوره / عادل حزل
صراحة يستاهل يطلق عليه الأسطورة
كل قصيدة أكثر روعة من الثانية وأحترت وش أنشر له

الاصبع السادس حمم بركان ثار إستبشري !!!

يا مزعلة كل النسا صار اصبعي السادس حمم !!!

تأججت نار الحشا واول ضحيه خنصري !!!
مع بنصري وسبابتي والوسطى ذابوا والقلم !!!
بالكف الايمن ... شمرت إبهامي" اقصد خنجري !!!
تنقش على جدار الزمن توقيعها تبصم بصم !!!
ثارت براكين الطنا ثارت جنوووووون الشمري !!!
قصيدتي عنوانها من ينطح السيل العرم !!!؟؟؟
شمس المعارف في يدي وانسان جني عبقري !!!
من عبقر الوادي حضر ما ينتظر حبة خشم !!!
حل القصاص من ابرهه هو يحسب إن عودك طري !!!
واصحاب فيله كلهم عابد وثن ... عابد صنم !!!
ثارت ابابيل اقبلت ترميهم بنار حجري !!!
سجيل خلت قاعهم مثل الهشيم المنصرم !!!
يا مزعلة كل النسا جاك المدد مانحتري !!!
يوم انتخيتي فابشري مازال حي المعتصم !!!
يامزعلة كل النسا كان اللئيم المفتري !!!
اوقد شرار المعركه حنا لها ما ننهزم !!!
يامزعلة كل النسا حالف يمين الا انبري !!!
للحق ادافع ما انثني وحدي انا لوهم امم !!!
يامزعلة كل النسا المتهم اصبح بري !!!
هذي شريعة غابهم صار البريء المتهم !!!
يامزعلة كل النسا دويتها من منبري !!!
شموخك أدمى كبودهم يالشامخه مثل الهرم !!!
يامزعلة كل النسا كنتي ربيع البحتري !!!
بعيونهم مع طلتك كل القصايد تبتسم !!!
يا مزعلة كل النسا تدرين و ادري ...إستري !!!
ياكم ... وكم هم نفسهم ياكم ... وكم ... ياكم و كم !!!
يامزعلة كل النسا من لا يطول السكري !!!
يقول حامض ياعنب ويغص في حلقه عظم !!!
يامزعلة كل النسا تبختري ... تبختري !!!
مادام راسك بالسما ما ياصلك حاقد قزم !!!

عبدالعزيز أل سعود
الملقب بالسامر
[/frame]

[frame="7 80"]



عبدالعزيز أل سعود
الملقب بالسامر


وشلون أمِّلْ بالوصل وأرجي بخيل
والبخل في شرع الهوى راس ماله


نور القمر غطّى على الجدي وسهيل
هذا وتو اليوم عاشر هلاله



إن اكتمل في صورته جاني الويل
من زاعمه بالزين قرَّرْ هباله



شفته وشفت عيون سودٍ مظاليل
وهامت عيوني في بهاه ودلاله



لا واعذابي من هموم المقابيل
إمّا تحقق في حياتي وصاله



ومالي عليه اليوم قوّه ولا حيل
لاشك ابعلن بالوفاء والغلاله



أنا حياتي كلها للمواصيل
رهنتها لو كان عسرٍ مناله



متى تجيني صادقات المراسيل
من راس وإلاّ ردها في رساله




الشاعر الامير / خالد بن سعود الكبير
[/frame]

[frame="1 80"]


الشاعر الامير / خالد بن سعود الكبير


هلا بالخاطر اللي لى خطر يرتاح معه البال
هلا باللي إلى جاني يروق لجيته بالي




جفولٍ لى حضرني وانحرج من زحمة الأزوال
أقوم لخاطره من مجلسي واروح بلحالي




أشبه جيته مثل الحبيب اللي فراقه طال
نطحني وابتسم عقب الزعل في مدهل خالي




إلي رد السلام وقال وشلونك وكيف الحال
حسبت أن السعادة كلها ما خلقت إلا لي




أرحبه تراحيب الثرى للصيب الهمال
ألى هل وهطل واجزل وبارك غيثه الوالي




يجيني والحمول ثقال لاتترك ولاتنشال
ويسري والخفوق المبتلى من همها سالي




وانا لولا الخواطر والقلم والشعر والترحال
تسليني عن همومي تلقيت الخلا الخالي




انا شاعر ولا احب المشاعر في الضمير تغال
وراعي الذوق ما يخفى عليه المر والحالي




أفاضلها وأميز بين مايترك وماينقال
واعرف ان السكوت احيان والصدات اجدالي




تمهل يانديمي طالبك لا تجرح الآمال
ترى بعض الهموم الغاليه محذور تنقالي




تحملها لعلي بالحوادث والزمان احتال
ترى صرختك في جوفي سببها صاحبٍ غالي




وانا لولا الغلا واخشى يراعي يسحر العذال
حرام إني لا ألبي طلبتك واطف مكيالي




وانا اشوف القوافي شرفت مع هاير منهال
وقفلتها على ذا البيت اولى له واولى لي




الشاعر سفر الدغيلبي
[/frame]

[ALIGN=CENTER][TABLETEXT="width:100%;background-color:black;"][CELL="filter:;"][ALIGN=center]




الشاعر سفر الدغيلبي


يقولون : شعرك ماطلع له سنة وشهور
وقبل كنت تنشر ، والصحافة تراسلها
عسى ماحصل لك باس....وليا حصل ماجور
بعد غبت عنا غيبتك وش مطوّلها
وقلت : اسمعوا يالربع ، واللي سأل مشكور
أبا اقول كلمة .... والمحلل يحللها
أنا ابغى قصيدي يجبر الخاطر المكسور
جبر خاطر ٍ صكات بقعا تحمّلها
يسلي ضمير ٍ يبني الهم فيه قصور
ويشفي له قلوب ٍ تساعر غلايلها
قلوب ٍ من الدنيا تذوق القهر ، والجور
واهلها تخفّي ... ماتبيّن دواخلها
على شان لا القيت القصيدة ... وهم ّ حضور
إلى اكملتها...قالوا : ( صح لسان قايلها )
ماهوب الهدف ؛ قولة ( سفر ) شاعر ٍ مشهور
ولاتهمني شهرة من النشر احصّلها
رصيدي ... وراس المال...خصلة من الجمهور
رجال ٍ تعاملني بحشمة....واعاملها
وباقي الدعاوي معتبرها - هبا ً منثور
ولو غيري يحاول على شان ياصلها
أسير بطريقي ... وان لقيت العمي والعور
بعرض الطريق ... آمرّ ها واتجاهلها
وانا لو ( تركت الشعر ) تالي الزمن معذور
على الشعر اقدّم خطوتي واتثاقلها
إلي مدة ٍ كني على كتابته مجبور
أجيب القصيدة واتكاسل لا أكمّلها
وهالحين لجل اللي دعاني باطيع الشور
على الراس ...البّي دعوته واتقبّلها
أبا ارجع لنشر الشعر ، وانظمّ للطابور
عسى اسمي مع الشعار ينعدّ ف اوّلها
وعسى ان حل ّ لي طاري ...بكلمة (نِعم) مذكور
لي الطيب ... والعوجا لها من يعدّلها
ولو بارت الساحة واهلها.... فنا مابور
أبا اودّع الساحة ... وكثرة مشاكلها
وابا ارحل واخلّيها وانا خاطري مسرور
واجنّب عن القلطات ... واهجر محافلها!!!

,,,,,,,,,

الشآعر \ الحميدي الثقفي
,,,
[/ALIGN][/CELL][/TABLETEXT][/ALIGN]

[frame="7 80"]

الشآعر \ الحميدي الثقفي
,,,

جيتك خيالي دخل خارج مجارات الردى
جيتك وبعيوني قرى ترفض جباهٍ تستكين

ابي صباحاتك مدن تستاهل دموعي ندى
ابي نهار مصافحك يستاهل اعصابي يدين!

ابي تزيديني ضلال الشاعر ان ضل اهتدى
ابي على طول انتظر و انت تجين ولا تجين !

للدرب عمري ما اقتديت الدرب لخطاي اقتدى
درب قتل كل الخطا ..عندي يموت بخطوتين

في سلة أحلامي (خبر) يرفض حصار (المبتدى)
أنا الفقير اللي نطق بفواه كل المعدمين!

أحلامنا توجد صغار وتكبر ذنوب وعدا
بين احتمالات الحياه ورهبة الموت اليقين !




الشاعر / خلف بن هذال
[/frame]

[frame="1 80"]

الشاعر / خلف بن هذال

الحب ياليتنا ما عرفناه

الحب سقم القلوب السليمه

من صابه الحب ياما اصعب دواه

قتل رجال العصور القديمه

من خان يا صاحبي خانه الله

لا تلقي السمع لهل النميمه

اللي يقولون حساد وعداه

بالكذب يبنون بيت الظليمه

وأنا على العهد والله منساه

عندي على العهد صير وعزيمه

ياسيد الحسن لك عندنا جاه

وايظا مع الجاه حشمه وقيمه

لو قلت اه ثم اه ثم اه

ثلاث والناتج المستديمه

ما ترحم اللي يحبك وتجزاه

وتمد له فالحب مده عظيمه

زولك هدف حبنا لا عدمناه

يازين فرحة نديم بنديمه

لك فالظماير قصور مبناه

و القلب لك فيه قبه وخيمه

هذا بساط المحبه فرشناه

عليه شرع الخصيم وخصيمه

الياس من يمكم ماقطعناه

ما تقنع القوم باول هزيمه

اللي نحبه نبي نتبع ارضاه

اللي على سيرةٍ مستقيمه

كن القمر لا بدا في محياه

ووصاف واجد بغيره عديمه

ادعج غنج لا مشا يقصر خطاه

اهيف حشا شربة الماء تضيمه

سعد بن نايف المعنى البقمي

[/frame]