"من دريت إن الأماني حلم .. ناديتك ..!"

.
.
يبه وينك !

بدايه
رغم إن ما هز الخفوق : إلا طواري غيبتك
ببقى على وعد السنين/ اللي رسمها لي غلاك

مدّيت كفّي للسما / إشتقت اصافح شيبتك
ألمس مصابيح إكتست.. لون البياض اللّي كساك

يا ليت للذكرى شفاه / لا سولفت عن هيبتك
اقرى ملامحها / مثل ما كان يقراني رضاك

يبه وينك !
تعب صوتي وملّيتك !
وملّيتك !
كذب من قال ملّيتك !
أو نسيتك ..
يبه كلّي يبي بيتك !

يبه تدري ..
معاد أحس بي / مدري !
أو إنّي من دريت
إن الأماني حلم .. ناديتك ..

يبه شفني أنا بنتك ..
حبيبة قلبك وعمرك ..
هذيك الطفلة اللي ياما لعبها أذاك ..
ولا تكلمت ..

يبه تذكر أغانينا أنا ويّاك ..
وسكّة حلمنا مع بعض ..
وصوتك لأنخلط مع بحة سكوتي ..
يبه حنّيت ..
ورب البيت ..
ل أيام الشقا حنّيت ..
لدروب السهر والحلم ..
وذاك الشارع المنفي ..
وضحكة أمي الخجلى ..
إلى من قلت ياليتك ..

يبه ودي أنا أحكي لك ..
عن أسراري ..
عن اللي صار ب/أخباري ..
عن بكاي .. وقهر داري ..
عن الضّيق الي ساكني ..
ولبّسني معاه سكوت ..

وأبي أكثر من أحضانك ..
وأبي أكثر من أسوارك ..
أبيك تكتف يديني ..
وتسجني وسط روحك ..

يبه ناظرني بعينك ..
وعمّق نظرتك فيني ..
ولاحظ كل تفاصيلي ..
بتقرأ كل عناويني ..

بتقرأ هالتعب وشلون دمرني ..
وكيف إن الضحك فيني ..
غدى موجع ..
نعم موجع ..

يبه تكفى تعال شويّ ..
وأبي تسمعني بقلبك ..
يبه إسمع ..
ضجيج .. وزحمة من حولي ..
صدى مطعون بهمومي ..
وأنا من بينهم أشعر ..
بغربة إمتلت كوني ..

وأصوّت لك ..
وأنا عندك ..
وأنا جنبك ..
يبه تسمع أحاديثي ..
وتسمع كيف أحتاجك ..
ابيك تمدّ لي يدّك ..
ابشعل فيني سراجك ..

يبه برحل ..
وبترك لك معاك حروف ..
إلى من جيت في بالك ..
تذكّرها ..

ترى هالبيت من دونك قصر فاضي .. مع إنّه ممتلي بالناس !
ترى هالبيت من دونك قصر فاضي .. مع إنّه ممتلي بالناس !

.................................

أنا كيفي ؟
سوادٍ ساكن بعيني
عقب فرقاه

ألاقي بكل بزوايا البيت
صور
و
اشيا تذكرني

ثيابه
عطره
ضحكاته

دموعه
صدقه
عتابه

كلامه
حبه
أشعاره
وفاه
وْ قلبه
وازهاره !

وأكتب جملة وأذكر كتبناها سوى مرّه
واكسّر هالقلم واصرخ لا عاد تعيد هالكرّه !!
قلم مسكين وش ذنبه ؟؟ جزاته خفف همومي !!

بكيته بس عرفت اني
ولا اسوى شي من دونه
تهون الدمعة في عيني
وابيع الفرحه بسنيني
لو افقد فرحتي
[ عادي ]

لو افقد بسمتي
[ عادي ]

لو افقد أيْ شي
[ عااااااااااااااااادي ]
ولكن ما افقد عيونه !!
وش اللي صار بسنيني ؟؟
أبد بس حالي متألم !!

تفضّل
تفضّل واقرى في عيني
ملامح [ حلم ] متحطم !!

تشوف الكون كيف اسود ؟
تحس فْـ حالتي بالضعف؟؟

أنا ويّاه قويّة حيل
أبيّه صامدة ما اميل
ومن بعده غدينا اصحاب
أنا واحزاني والمنديل !!

تعال :

بس افتحه صدري
وش اللي لقيته في عمري ؟!

حلم مذبوح ؟؟
أمل موجوع ؟؟
ضياع ودموع؟؟
قلب مكسور؟؟
صدر مخنوق
ثمار [ فراقه ] لهالـروح !!

غيابه زوّد آلامي
خناجر مع وجع وآلام

غيابه حطّم احلامي
وصرت آعيشه بأوهام

شكى قلبي من احزانه ؟؟
أبد والله عزيز القلب !!
أقول بضحك على شانه
ودمعي يسيل مني غصب !!

صحيح هذا الزمن قاسي
زمن سارق أعز ناسي

بحاول أحيا
و أفرح !

بعاند يازمن واجرح
بطيح
لكن عشان اذبحك

أبوقف يازمن واضحك !

وش بقى لي غير دمعٍ بعد ماهم .......... غسلوك؟!
وش بقى لي من فقدتك [ غيـر ] صـورة لـك فبالـي

آه لوّ تحس فيني بعد ماهـم .......... كفنـوك !!؟
كنـت [ اهـزّك ] قـوم يالله إمسـح دموعـي ياغالـي

قوم مزحك ماهو وقته بسّك انته .......... واحملوك !!
وصرت اتمتم [ ويـن رايـح ] ليـه تتركنـي لحالـي ؟

هذا يضحك لسّـه عايـش وفجـأه عنـي [أبعـدوك] !!
ليه عني تبعـدووووه واهـوا مستانـس قبالـي !!!؟؟؟

رد ياثوبـه [ علامـك ] ليـه تـرضـى يشلـحـوك ؟
أحتضـن ميـن فغيابـه ثـوب [ مرمـي ٍوخـالـي ]؟

ربــي إرحمـهـم عـبـادٍ كـبـروك وعـظـمـوك
ربـي ماهـو كفـر منـي ربـي إغفـر لـي هبالـي .
,,,,,,,,,,,,,,,,

نهآيه
لو هي على حزني بأصبر / بس .. مصيبتك :
باللّي عجز يلقى حزن بالكون يستاهل رثاك

ياصغر هالدنيا بعيني | لا طرت لي غيبتك
دام المشاعر لا غفت عن صوتك . . تفز لصداك

الموت حق : ولو يخيّر / إستحى .. من طيبتك
وإستغفر الله ما تعدّى باقي الخلق .. وخذاك !!

لآمست شيئاً بدآخلي
لأعينكم يآ أحبه

حجز مقعد ولي عوده

أسدلتي عنآقيدٌ الإبدآع ’’ فألتقطتهآ أنــآ بـ ِ نهم !
وسمآءك َ الثآمنه تستمدٌ منهآ رقصآت ٌ الوجع !
على النيه
حبي
حٌزنآ ً سكنني لكلماتك المؤلمه
وأحتضآر ِ حيآة ٍ بأكملهآ !

اشكرك لهذا الأنتقاااء يسعد لي قلبك

:
:
:
لا إِلَهَ إِلا الله
أَحسَستُ بـِ صُعُوبَة بـِ أَنفَاسِي
وَغَرَقتُ بـِ تَنهُّدَات مَصحُوبَة بِذكرَيَات وَجهُ أَبِي وَمَلامِحِه

إِمتَدَّت مُلامَسَة هَذِهِ الأَحرُف لتَعبُرَ الشِفَاهـ وَتغُوصُ بـِ الأَعمَاق
مُتَدَفِّقَة بـِ حُزن كَفِيل بـِ طَبقِ الشَفَاهـ وَجَفَافِهَا

لُطفَاً يَارَب
أَطرَافِي صَابُهَا شَيء مِن البَرد
وبـِ الحَلقِ غَصَّة تَكَادُ تَخنِقُنِي

كَيفَ سَتَسكُنُ المَوَاجِع ! وَسَطَ هَذِهِ الإِلتِفَاتَات التَي يَشوبُهَا الضِيق

"
"
عَلَى الجَرح يَا عَلَى النِيَّه
مُقَدِّرَاً لَكِ الطَرح والمُشَارَكة
مَوَدَّتِي

ألييييييييمه حد البكاء وخآلقي
يسلم احساسك من كل ألم وحزن يّ غاليه
عوآفي على دا الانتقاء الاليييييم
ما ننحرم منك ومن وجودك حبيبتي
،

خنساء
بعد حيي
وشاعرتنا العذبه جدا
نص مؤثر جدا وحزين
أوقد فينا ذكرى الراحلين رحم الله آمواتنا
قرأته أكثر من مره
وراق لي كثيرا سلمتي وسلمت أحاسيسك واسعدك الرب أينما كنتي
ودي وتقديري أختي الفاضله

=

ربــي إرحمـهـم عـبـادٍ كـبـروك وعـظـمـوك
ربـي ماهـو كفـر منـي ربـي إغفـر لـي هبالـي .


اللهم آمين ... اللهم آميييين


الجميله :
" على النيه "
أنتقاء مؤلم جداً ,رسم لنا ملامح إلألم و أدمى القلوب , و أجبرنا على البُكاء !
سَ أخرُج من هُنا باكيه ومُتمتمه بَ دعوات لهم لا تنتهي بَ الرحمه و المغفره ...

دُمتِ بَ خير ...

شاعرتي

صاحبة الحس المرهف والانتقى الرائع

على النيه


الاب ما اجمل المشاعر عندما تتكلم بالاب

الله يرحم ابائنا ويدخلهم فسيح جناته

والله يبقي اباء جميع المسلمين

نص يدمع العين

اذهب واعود لهذا الطرح

انتي رائعه

بحق رائعه


تحيتي ...

عٌلَيَ آلَنِيَهّ
جّيَتٌ آلَصّبًحً بًتٌصّفُحً وٌآتٌآبًعٌ
وٌلَقُيَتٌ لَکْ شُيَ جّدٍيَدٍ وٌآقُبًلَتٌ مًسِرعٌ بًآتٌآبًعٌ جّدٍيَدٍکْ
وٌلَقُيَتٌ شُيَ يَهّزٍ آلَقُلَبً وٌيَنِثًر آدٍمًوٌعٌ
دٍمًوٌعٌ مًآتٌرجّعٌ مًنِ فُقُدٍتٌهّمً وٌلَآتٌرحًمً قُلَبً بًکْآ عٌلَيَهّمً
آلَلَهّ يَرحًمً آمًيَ وٌآبًوٌيَ وٌوٌآلَدٍيَکْ وٌآلَمًسِلَمًيَنِ آجّمًعٌيَنِ وٌآنِ يَبًقُيَ آلَحًيَ وٌيَرحًمً آلَمًيَتٌ
صّحً لَسِآنِکْ وٌآخِتٌيَآرکْ مًمًيَزٍ
وٌآلَدٍلَيَلَ مًآ آحًزٍنِنِآ هّذِآ آلَصّبًآحً ذِآئقُهّ مًتٌرفُهّ
لَآهّنِتٌيَ يَآلَآنِيَقُهّ



تٌقُدٍيَريَ وٌآحًتٌرآمًيَ



.

اقتباس المشاركة الأصلية كتبت بواسطة بندر الساكت حجز مقعد ولي عوده

حيآك ربي وعودتك تضفي جمآل وعطر للمتصفح ,,

اقتباس المشاركة الأصلية كتبت بواسطة عنود بعد حيي أسدلتي عنآقيدٌ الإبدآع ’’ فألتقطتهآ أنــآ بـ ِ نهم ! وسمآءك َ الثآمنه تستمدٌ منهآ رقصآت ٌ الوجع ! على النيه حبي حٌزنآ ً سكنني لكلماتك المؤلمه وأحتضآر ِ حيآة ٍ بأكملهآ ! اشكرك لهذا الأنتقاااء يسعد لي قلبك

تحية ممزوجه بعطرالورد لجمال حرفك
وحضورك حبيبتي الغآليه
دمت ودآم لي وجودك غآليتي ,,

اقتباس المشاركة الأصلية كتبت بواسطة ●عبدآلعزيز● : : : لا إِلَهَ إِلا الله أَحسَستُ بـِ صُعُوبَة بـِ أَنفَاسِي وَغَرَقتُ بـِ تَنهُّدَات مَصحُوبَة بِذكرَيَات وَجهُ أَبِي وَمَلامِحِه إِمتَدَّت مُلامَسَة هَذِهِ الأَحرُف لتَعبُرَ الشِفَاهـ وَتغُوصُ بـِ الأَعمَاق مُتَدَفِّقَة بـِ حُزن كَفِيل بـِ طَبقِ الشَفَاهـ وَجَفَافِهَا لُطفَاً يَارَب أَطرَافِي صَابُهَا شَيء مِن البَرد وبـِ الحَلقِ غَصَّة تَكَادُ تَخنِقُنِي كَيفَ سَتَسكُنُ المَوَاجِع ! وَسَطَ هَذِهِ الإِلتِفَاتَات التَي يَشوبُهَا الضِيق " " عَلَى الجَرح يَا عَلَى النِيَّه مُقَدِّرَاً لَكِ الطَرح والمُشَارَكة مَوَدَّتِي

رحم الله والدي ووالدي وجميع أموآت المسلمين
هي لحظآت ذكرى تتجدد بعد حين ..فعذراً لمَِ سببه أختيآري

بقي أن أقول يتأنق متصفحي بحضورك
ويكسبه الجمآل
دمت بسعآده لآ تنتهي ,,,

اقتباس المشاركة الأصلية كتبت بواسطة وتم بعيد ألييييييييمه حد البكاء وخآلقي يسلم احساسك من كل ألم وحزن يّ غاليه عوآفي على دا الانتقاء الاليييييم ما ننحرم منك ومن وجودك حبيبتي ،

وجودك غآليتي يدخل الفرح إلى قلبي
يزهو متصفحي بطلتك
لآحرمتك حبيبتي ,,,

اقتباس المشاركة الأصلية كتبت بواسطة برق البروق خنساء بعد حيي وشاعرتنا العذبه جدا نص مؤثر جدا وحزين أوقد فينا ذكرى الراحلين رحم الله آمواتنا قرأته أكثر من مره وراق لي كثيرا سلمتي وسلمت أحاسيسك واسعدك الرب أينما كنتي ودي وتقديري أختي الفاضله

اللهم آمين
شكر بكل اللغآت لروحك الطآهره
وجميل حرفك يآنقي ,,

اقتباس المشاركة الأصلية كتبت بواسطة اوجاع..! = ربــي إرحمـهـم عـبـادٍ كـبـروك وعـظـمـوك ربـي ماهـو كفـر منـي ربـي إغفـر لـي هبالـي . اللهم آمين ... اللهم آميييين الجميله : " على النيه " أنتقاء مؤلم جداً ,رسم لنا ملامح إلألم و أدمى القلوب , و أجبرنا على البُكاء ! سَ أخرُج من هُنا باكيه ومُتمتمه بَ دعوات لهم لا تنتهي بَ الرحمه و المغفره ... دُمتِ بَ خير ...

اللهم آمين رحم الله أموآتنآ
وأموات المسلمين جميعاً
آهلاً بنورك يآ حبيبه
وسلمت روحك النقيه غآليتي ,,