حزن الغرام

لاتقتل الحرف في صدري وانا أحبه *** يااغلى حروف الحنين واصدق شعوره


يااطهر من الغيم جيتك وانت لي قبه *** عشقي ظلالك وابنسى نكسة الفوره


ذبحت حزن الغرام وشوف بااذبه *** في سجن الأيام واقف ينتظر دوره


القلب باقي خضر ماتقدر تشبه *** والعشق ينزف عذر والروح ممـــطوره


هذا القلم في يدي لوكنت بأ اكتبه *** يشرب شرايين قلبي نزوة حضوره


رح للقصيد القديم وللضما صبه *** وقله ترى شاعرك ناوي على الثوره


لاتنحنى للحزن وتوه بالغبه *** با اصير لك ارض باالضحكات معموره


وسج الأحاسيس والأعذب تشعبّه *** يفداك نزف الانين وصوت عصفوره


جاك أكثري عذب والواجب ترحبّه *** وارسم بقايا حشاي بروعة الصوره


واصوات حزن المواجع وقف ولبّه *** وامسح مدامع ظلامن طال ديجوره


لو مااحسك وطن جيت اتغربّه *** مااظن والله تجيك أخطاي معذوره


أنا بدونك أمل خسران واكسبّه *** شامخ لوأني بقايا روح مكسوره


لالا تعاتب وانا المغرور والسبه *** طالبك روحك تصير ارواح مغروره


تنحر لي الجرح لاغبت وتجي طبه *** بلسم جروح الضياع وريح كافوره


بافل شعري على الاوراق واحبه *** وانتى (وربي ) حنينه واصدق شعوره





ودي للجميع

يالبى الحرووووف العذبه

برق البروق
أسطورة بعد حيي
لي شرف تسجيل أول مقعد بقصيدتك الجميله الراقيه بحرفك
نستمتع دائما بكل صفحه رائعه هي لك


شكرا لك
وصح لسااااااانك شااعرنا

يسعد مساء الشعر ويسعد مساك

برقنا البراق


صح لسانك واعتلا شانك على هذه الشامخه الجزله بشموخك وجزالتك

مبدع ورائع ومتميز وفنان

لله درك من شاعر فذ

سجل الاعجاب كله


تحيتي ...

تسلمين يالعنود ويسلم حضورك العذب
الله يسعدك ويرعاك ولاعدمناك اختي القديره

تسلم من ذوقك
إستاذي الكريم وشاعرنا القدير
بندر
ويكفيني مشاهدة معرفك الغالي بمتصفحي
واعجابك وسام على راسي
طال عمرك والله يرعاك ولاعدمناك

كالعادة روعة وإبداع ومنثور حرف
بعطر الورود
صح لسانك شاعرنا
وسلم حلو قلمك
أرق التحايا

الهمس
صح بدنك وسلم حالك
منوره بتواحدك الله يرعاك ولاعدمناك

شاعرنا المميز برق البروق
مساء العذوبه بنص عالي إحساسه وحرفه
وشلآلآات نبضك لآ تنضب
أمتعتنآ يآ رآقي
فصح نبضك وقلبك
ودمت ودآم وهج حرفك المختلف,,,

شاعرتنا القديره
واختي الغاليه على النيه التميز تواجدك
وصح بدنك وروحك
طال عمرك شكرا
من الاعماق لتواجدك العذب الله يرعاك ولاعدمناك

حرفك لؤلؤة يتباهى بها البحر ...
يراعكَ يافع يانع باسق مبهر يحمل خلف كل حرف قصيدة
لغة تعرج صوبَ سماء ثامنة تَنْبعث منها رائحة البخور والياسمين
لله درك مآأجمل الإبحارِ في ملكوت حرفك العزيز

الرواء
أنيقة الحرف والحضور
أعزك الله بطاعته
مرور اشبه بغيم يتبعه ماطر همال
شكرا كبيره لهطولك العذب هنا الله يرعاك ولاعدمناك

برقنا حتماً سـنغرق ببحرك في يوماً ما
ان لم نكن غرقنا بـ الفعل
يسلم منطقوك شاعرنا المميز والمُختلف
عوآفي وربي على امتاعنا بـ جمآل حرفك
الله يسعدك ولايحرمنا روعة جديدك يّ أميرنا ،

إختي وتم
من قال يسلم والاختلاف
تواجدك العذب
منوره الله يرعاك ولاعدمناك

برق
كالبرق من بعيد نري حروفك
صح لسانك ملايين وعلا شانك
ولاهنت

تقديري واحترامي

من ذوقك إستاذي الفاضل
وشاعرنا الفذ
عقاب
منور بتواجدك العذب والمهيب لاعدمناك والله يرعاك