من سواليف الأولين>> لاتفوتكم ,,,

هذا ياطويلين العمر
واحدن قال لاهله اخطبولي ودي أتزوج المهم ان اهله خطبو له وحدتن ماشاء الله تقول للزين وخر واجلس متسانك
وتزوجوا وحطوا ذاك العرس الحنان الرنان وماشاء الله
دخل على حرمته هو شافها والا ماشافها انقلب وجهه ما يدري وش جاه
المهم من شافها قال ..
الله واكبر تسنه الموت جاني ** يرجس بحجوله مدخلينه عليّا
ومعطرينه بالزباد العماني ** تسنه جيفة في ( جيوبي ) منيب متأكد من اخر كلمه ..
بس يعني من شافها وهو كن فيه الموت ماحبها ابدن ابد..
وانها مشخصه له وحاطه من هالعطر الزين اللي يقاله زباد عماني وهو كنه شامن ريحه شينه يعني من شده كرهه لها ..
عاد هي يوم قال هالحتسوه ردت عليه وقالت

الستر يا ابن حمود واعطيك مالي
واربع ليالي لا تظهر عليه

يعني استر علي جعلك للجنه يا ابن حمود واعطيك كل مالي واللي تبي ..
وش بيقولون الناس طلقها في ليلتها لو اربع ليالي
عاد بعض الاولين الله يصلحه مافيه رحمتن ابد
قال ..
والله لو تعطيني مال فردوس مع أباعر ما استر عليتس
يعني منيب مقعدتس لو ليله عندي روحي الله يستر عليتس
الاباعر .. هي البعارين ..
,,,,,,,
هذي بعد وحدتن وش حليلها غنيه وعندها حلال ومال ومعرسه ورجلها يعزها ويحبها وهي تموت فيه
دخل عليها يوم وهي تقرص على المقرصه بتزين له غداه ..
قال يا ام فلان طالبتس وماترديني ..
قال انت ماتطلب تام امر
قال ابي بعض صوغتس واللي عندتس ودي اروح اترزق الله
قال سم وابشر وهذا صوغي كله وتعطيه اياه ...
ويروح الرجل بقوله يترزق الله
هالحريمه وهي جالسه في يوم من الايام وتجيها حرمه قالت تدرين رجلتس وين هو؟؟
قالت ايه رايحن يترزق الله..
قالت الله يرحم حالتس رجلتس اعرس وانتي تقولين رايحن يترزق الله ..
بعض الحريم الله يصلحهن ياحبهن للشر طيب دريتي عضي على شحمه وسكتي ..
ماعلينا هالحريمه من ضيقتن جتها ياربي وش تسوي والقطي عبيتها وروحي في البر عند شجره وتقعد تبتسي وتبتسي
وقالت ..
صوغي غدا وابو عيالي تنكر
ومافيكم يالنشاما من يجيبه

طلع عليها واحدن من اهل الارض بسم الله العظيم الاعظم >> يعني جني
وقالها ..
روحي عليتس الله وامان الله ان ينكس صوغتس ورجلس
راحت لبيتها وهي متروعه ..
ويروح هالجني بسم الله ويلاطف الرجل وحرمته الحريمه غدت مهبوله وعجز هالرجل يقرا عليها
ويعالجها بس ما من فود ..
راح الرجل لحرمته قال سويتيها يابنت اللذينا قالت ..
ما سويت شي هذا ربي راحم ضعفي ...
هنا نشوف وشلون الحريمه ربي رزقها على حسن نيتها جعلها للجنه البارده .. وأموات المسلمين ...
,,,,,
كانت حرمته طيبتن بالحيل وماجاه منها الا بنيه وحده ...
المهم جاها مرض ومرضت ياعمري وتوفت ..
وخلت بنيتن وحده
هالرجل قال ورا ما اعرس غدي ربي يرزقني حريمه سنعه تداري بنيتي
وتعاملها مثل بنتها
المهم المره تعامل البنيه في حظرته معاملتن الله انها ولا راح الله يهديها بس..
دخل مره ولا شوشه بنيته طايره
ويوم شافها ضاق صدره وقال ..

يالجوهره راستس مشوش ومحتاس
راح العميل اللي يعمله ويسويه

والله لولا الحيا والخوف واداري الناس
لاقعد على حيلي واعمله واسويه

هذه قصص من بعض سواليف لأولين
الله يرحمهم ويسكنهم الجنه ..

طرح رااائع
بروعتك يالعنود
سلمتي وسلم فكرك الله يرعاك ولاعدمناك

اقتباس: المشاركة الأصلية كتبت بواسطة برق البروق    طرح رااائع بروعتك يالعنود سلمتي وسلم فكرك الله يرعاك ولاعدمناك

هلا بك يابعدي

تسلم لحضوورك الميموووون
شاكرين لك

شعلتنا

عنود بعد حيي



الله يلبسك العافيه على هالقصص الجميله

مميزه ورائعه دوماً


تحيتي ...

ههههه
يازين هالسوالف
يابعد راسي أنت يالعنود
جعلك تسلين يالغالية
طرح في غاية الروعه

اقتباس: المشاركة الأصلية كتبت بواسطة بندر الساكت    شعلتنا عنود بعد حيي الله يلبسك العافيه على هالقصص الجميله مميزه ورائعه دوماً تحيتي ...

يسلمك ربي ياطويل العمر
كل الشكر مع التقدير

اقتباس: المشاركة الأصلية كتبت بواسطة نسمات    ههههه يازين هالسوالف يابعد راسي أنت يالعنود جعلك تسلين يالغالية طرح في غاية الروعه

يالبى هالحضوووووور العذب على قلبي

عليهم طلعات الاولين
واحد يبي الزين ولاصبر
وواحد يقول بترزق الله ههههههه
ونلوم شباب هالجيل نقول راحوا الطيبين
يسعدك ربي دوم
تقديري واحترامي

اقتباس: المشاركة الأصلية كتبت بواسطة عقاب النهار    عليهم طلعات الاولين واحد يبي الزين ولاصبر وواحد يقول بترزق الله ههههههه ونلوم شباب هالجيل نقول راحوا الطيبين يسعدك ربي دوم تقديري واحترامي

ياهلا
وحي هالطله أمبراطورنا
تشفت بحضورك

هههههههههههههههه آما تبع يبغى يترزق ربي
حاجه تانيه صراحه << دول الرقاله مالهمش امان ^_*
،
عوآفي عنودي على دا الطرح
ماننحرم منك حبابه ..،

اقتباس: المشاركة الأصلية كتبت بواسطة وتم بعيد    هههههههههههههههه آما تبع يبغى يترزق ربي حاجه تانيه صراحه << دول الرقاله مالهمش امان ^_* ، عوآفي عنودي على دا الطرح ماننحرم منك حبابه ..،

ياهلا بك غلاي
كل الشكر لمرورك اميرة قلبي

قصة جميلة جدااا

تسلمين عزيزتي عالاختيار الرائع

وربي يحفظج

اقتباس: المشاركة الأصلية كتبت بواسطة (بنت الدويش)    قصة جميلة جدااا تسلمين عزيزتي عالاختيار الرائع وربي يحفظج

يامراااااااحب يابعد راسي انتي
كل الشكر لحضورك