الخـد خـد البـرق والعنـق ميـلاف

الخـد خـد البـرق والعنـق ميـلاف


من شفتها تمشي وانا مابـي خـلاف
يــوم أوقـفـت لله در الوقـوفـي


انا أشهد إن الزين ماهـوب طـواف
الزيـن يكمـل عنـد لـم الكتـوفـي


لقيتهـا فـي سـوق واسـع بـالاف
مدري وش اسمه بس سوق الردوفـي


المعـذره لازم نوضـح لـلأوصـاف
ولازم ابيـن وش خفـايـا حتـوفـي


مشيت فيه بـرزة الاشهـب الطـاف
بـس اتقـرص واتحـرق بجـوفـي


وأدور الهيئه وانـا جسمـي أرجـاف
ضايق ولاادري ويـن اودي قطوفـي


واللي قعد في عقلي الفـزي الطـاف
الجمـس مايكفـي ولـو إنـي إوفـي


كلبشـه وجنـدي وشيـخ وكـتـاف
واللـي تغـازل قـدم عينـي ألوفـي


مير الوكاد إنـه تقـل جانـي خفـاف
ومشيـت أرددهـا ياخوفـي ياخوفـي


لين ادرجـت ابشتريلـي قلـم جـاف
كلستنـديـورن معدنـيّـن لـؤوفـي


دخلـت فـي فتحـة محـلات عيـاف
ولقيت لي مصـري كثيـر الحلوفـي


رحـب ونورنـا ياباشـا ولا عـاف
وعزم علـي ببـوك حلـوى وتوفـي


قلت انت وش اسمك بلا لف ولفـاف
ومن أي حتـه فـي ديـار الزروفـي


قال أيوه اضحك ياقدع بوص الاصناف
وانـا سعيـد ابـو حسـام المنوفـي


دار الرئيس اللي إليـا قـال ماخـاف
ضيفـه مخيـر بالعجـل والخروفـي


قلت ونعم معروف زهـاي الاوصـاف
حسني إليا منه وعـد شـيء يوفـي


دايم وهو فـي قمـة الشـرم هتـاف
وشارون يفعـل والرئيـس معروفـي


بين الكلام اللـي بـدا بالقلـم طـاف
جنبـي وقـف سيـد كـل الخشوفـي


يزهى العباة اللـي تعشـت بالاكتـاف
ومن زود ماهو زين مالـه وصوفـي


الخـد خـد البـرق والعنـق ميـلاف
والخصر كنه مـن عشـاه معسوفـي


ورموشها تشبه شذر حـدب سيـاف
واحجـاج ماهـو بالقـلام معطوفـي


وعيونها تشبه سطى عيـون قصـاف
طيـر الشيـوخ مورديـن السـوفـي


مبسم ولون ولبـس ماهـوب شفـاف
وطـول موقـر ولتفاتـت عطـوفـي


من شفتها كنه غدى جسمي إنصـاف
وهـي تناظرنـي شـوي وتعـوفـي


من عذرها شكلي تقل تاجـر اعـلاف
لكن سعيد المصـري ابـدع بحوفـي


حاولت اخربها وانـا صـدق خـواف
حتى جزمت وقلـت ياهـووه روفـي


يوم اضحكت ، قلت افزعولي بالاسعاف
اصحب غلاهـا فـي حشايـا يروفـي


قلت انتي اسمك من هنا سيدة القـاف
وممكن اعزمك نشرب اثنيـن كوفـي


قالت اوكي نمشي ولا احب الاسـراف
قلت اقهـوه ماغيـر قهـوه وشوفـي


حنا جلسنا وابتدت حـرب الاعصـاف
ماغيـر اناظرهـا مناظـر لغـوفـي


قالت وش اسمك قلت انا اخوك نواف
اسمن رومنسـي لاتـردت وصوفـي


قالت لك الله انـت مزّيـان بالـزاف
قلت ايه طيـب وش بـلا ذالهنوفـي


قالت انا من مغربـي وانـت عـراف
قـلـت امحـقـي مـنـا عـروفـي


انا احسبنك مـن خليجـي والاريـاف
واثرك من اللـي يودعـن مخفوفـي


انـا مـن أول ماتعينـت الاوصـاف
وانـا بقلبـي يضـربـن الدفـوفـي


عندي خبر اللي بالاسـواق ينشـاف
وبناتـنـا ماخضـبـن الكـفـوفـي


طيب اجل وش لازمت لبس الاغـداف
قالت عشان اللـي شبيهـك يشوفـي


ويطيـح عنـدي واتملكـه ويعـااف
ويرسلـي الراتـب وسـط الظروفـي


اجـل غلطتـي بإختيـاري يااطيـاف
لإنك اكبر املاكـي مـداون حروفـي


انا خذيت من الزمن بـس الاسـلاف
ديـوان ابـوي ودلتيـن لضيـوفـي


نثرت انا في وجههـا قهـوة الطـاف
قـمـت اذكــر الله عسى بي يروفي

اسعد الله صباحك
ذائقه مميزه. صح قلبك وزاد نبضك
تقديري واحترامي

اقتباس: المشاركة الأصلية كتبت بواسطة عقاب النهار    اسعد الله صباحك ذائقه مميزه. صح قلبك وزاد نبضك تقديري واحترامي

ويسعد لي مسااااك استاااذي
وياهلا ومسهلا بهالطله

::



مميزة في اختياراتك يالعنود
سلم لنا جودك ووجودك

إنتقاء عذب كَ حضورك يّ جميله
يسلّم قلبك و روحك حبابه
الهي يسعدك ولا يحرمنا اياك
~

يسلم شعورك العذب
ولاهنتي

اقتباس: المشاركة الأصلية كتبت بواسطة هدوء الجوري    :: مميزة في اختياراتك يالعنود سلم لنا جودك ووجودك

هلا ومسهلا
حضووور جميل وراقي استااذي

اقتباس: المشاركة الأصلية كتبت بواسطة وتم بعيد    إنتقاء عذب كَ حضورك يّ جميله يسلّم قلبك و روحك حبابه الهي يسعدك ولا يحرمنا اياك ~

جمال حضورك لا يوصف
كل الشكر غلاي

اقتباس: المشاركة الأصلية كتبت بواسطة نبراااس    يسلم شعورك العذب ولاهنتي

الف الحمد لله ع السلامه
منور المنتدى بحضورك البهي
وشاكره مرورك الملائكي

أنتقآء يفيض عذووبه
سلمت رووحك وذآئقتك يآ رآئعه ,,

اقتباس: المشاركة الأصلية كتبت بواسطة على النيه    أنتقآء يفيض عذووبه سلمت رووحك وذآئقتك يآ رآئعه ,,

هلا وغلا

اتشرف دائما وابدا بحضوورك استاااذتي

ذائقة تتكأ على ضفاف النقاء
شكراً كثيفة لكِ وأخرى ل حِسكِ ي جميلة

اقتباس: المشاركة الأصلية كتبت بواسطة رواء الروح    ذائقة تتكأ على ضفاف النقاء شكراً كثيفة لكِ وأخرى ل حِسكِ ي جميلة

ياهلا ومسهلا
حضووورك شرف لي يابعد حيي