لوعــآت الســـنـين .!

أمس العصر عدّيت بالمرقب اللِّي=أظلم عَلَيْ ليله وانا مارقيته
أطْوَل طوِيلٍ مِعْتِلِي ومْتَعَلِّي=فوق الطوال اللي عَلَت واعْتَلِيتِه
وِصَلْت في راس الطويل المْطِلِّي=بعد العِشَاء وبْصَمْت الاشواق جيته
لقيت به ريح الهبايب تْصَلِّي=على جنازة نظرتي صوب بيته
يهب ياوجه الزمان المْغِلِّي=حتى على النظره تعبت ولقيته
ياونةٍ بَاقْصَى خفوقي تعلِّي=توجع وانا بدموع عيني سقيته
على الذي إنْ كان هُو مَاحَصَل لي=حَصَّلْت لوعات السنين وخذيته
السالفه ياوقت ماهي تِسِلِّي=السالفه قلبي خذاه وعطيته !

وااااو
صح بوحك
شاعرنا الجهيلي

سكبت حروفا عذبه ..
أبجديات على أرض خرافية ..
عانقت مشاعرنا
حروف تشدنا ..تجذبنا
فيعجبنا جبروت ذاك
الحرف ورقة السطور المدلله

يعافيك ربي
والف صح لسانك
الجهيلي
لقلبك الجوري
والطيب احاسيسك الياسمين

أبداع
قصيدة رائعة مفعمة بالجمال
صح الله لسانك
ودي وتقديري

صح لسااانك
ولا هااان شاااانك

تسلم شاااعرنا الغاالي
لاهنت

يسلّم منطوقك شاعرنا
إلهي يسعدك دومات
~

صح لسآآنك حد الرضآ
نص رآآئع وأحسآس مرهف
سلم نبضك الفاتن شآعرنآ القدير ,,