ودي ارحل

مدخل

و سنين مآ مرّ بـ عيوني وطن ضيّ ،
تقدر تسمي مآ مضى ( سنين عتمه ) !

من أخري جييييييت ،
............... و أبسألك شيّ :
تجي نموت ؟!
...... ( أحس هـ العمر كتمه ) !





عمق



غاب ضوّ الشمس و إزداد الظلام
و كل شمعه بالشوارع .. طافيه ..


إستعرت الصمت من فم الكلام
الحروف أحيان : ماهي كافيه ..


خطوتي صارت على حد الحُسام
من غدت كل الأماني : حافيه


طفلة الما .. ذبلت أوراق الغرام
بعد ما كانت علينا .. ضافيه ..


الجفا ما كان لي برد و سلام
حيييل مشتاق المطر يا جافيه ..


ألف مرّه قلت لك : بُعدك حرام
كيف أدفا بلا كفوفٍ دافيه !


في غيابك كانت الفرحه حطام
و كانت إيدين المواجع وافيه ..


ردي لـ صبحي تغاريد الحمام
حاولي بشتّى الدروب الخافيه


و رتّبي لي دمعتين ..بلا ملام
ودي أبكيك بـ ليالي لافيه ..


أو خذيني للبعيييييد من الغمام
الرحيل أحيان : ديره شافيه !


ودّي ارحل ما يناسبني الزحام
و أسكن أنفاس الغيوم الصافيه ..


عمر هذا الحزن فيني ما ينام
و فرحتي نامت منام العافيه ..


طفلة الما / مالت غصون الكلام
و الحروف حلول : ماهي كافيه !


ما يموت الشعر في صدري مدام
غيبتك وزن و حضورك قافيه ..





مخرج

قهر و أنا ما زلت أقول للشطّ :
. . . . . محتاج لي ( إنسان يغرق عشاني ) !

شفني تعبت أحطّ و أشيل و أحطّ
. . . . ( بشر / حجر ) يا شطّ بين المحاني !




لأرواحكم العذبه

المُختلف
يّ صباح الذوق الأنيق
ابدعت ب انتقائك شاعرنا المميز
يسلّم قلبك وَ احساسك خيو
الهي يسعدك وَ يديمك
~

براق
متصفح ونص عميق ب جماله
سلمت لنآ ذآئقتك المتألقه والمترفه
دمت كمآ تحب وآكثر ,,,

منوره فرح الله يسعدك ويرعاك

منوره على النيه الله يسعدك ويرعاك

صح لسانك
ابدعت
عساك ع القوه

وللاسف كـ المعتاد اطلع من هنا من غير وصف يرتقي لسمو حرفك

صح نبضك وكلك يا عذب الانفاس
يا جعلني مافقد حرفك باطويل العمر