طفلة عناي

مدخل


قلت ... وتعثّر فـ السوالف .. لساني
لا بعثر اللهفة ... ولا رتّب إحساس :

بارد... مثل فِرش اليتامى .. زماني
اللي بقى قلب ... وقصيدة .. وقرطاس





عمق

يا حالمه ! رمّد جمر بوح الأمال
وَأنتي لْـ برد الصمتْ مني سَريتي


للدمعه اللي غصنها بالبُكاء مال
حتى / أنكسر جذع العيون وْبكيتي


قلبٍ تلحّف صبر حلمه / ولازال
يــعتق لك أسراب الفرح لاَشقيتي


لو مانبت في تربته غير الأطلال
يـكفيه من غــرس الغلا مَاجنيتي


ويكفيه لامنّه هما غيمه وسال
ياخذك من حضن الظما لاَضميتي


ويكفيه من صوت المواعيد موال
جَـــرّه بْــحنجرة الغياب وسليتي


لو سيل عذرك مالقى بالصدر جال
أفج لك قلبٍ بْـ قاعه مشيتي


يارحلة الصبر العتيقة من البال
شدّي عن فجوج العطش لاَ أرتويتي


ما عاد لك في غربة أيامه ظْلال
دامك على كــف الرجا مَا نمــيتي


طفلة عناي ! الحزن باحلامنا طال
وأنتي على حدْ الفرح مَا ضويتي


أبسئلك قلب الرضا منك وش نال
دامك / لْـمسمع خافقي مَا شكيتي


هتّان حرفي ما سقى جرهد ْ الحال
ولا رضى يهدي لْطرفي مبِيتي


باكر تضم كفوف الأيام / رجال
مايوم / عن جرحه وهمّه دريتي


يا حالمه واللي ورى بوح الأمال
صمتٍ حَطبته للكلام / وطفيتي







مخرج




اغيب عنهم ياس ,, وارجع لهم ..ياس
منهم .. ومن نفسي.. ومن أمنياتي


أنفااااااس/.. يا رب اختنق عبدك انفاس
لو "آه" امرّرها حديث بــ سكاتي






لاارواحكم النقيه

المُخـتـلـف
وَ ذائقه من احساس مترف كَ العاده
يسلّم قلبك وَ نبضو شاعرنا المميز
الهي يسعدك وَ يديمك خيو
~

يسلم شعورك العذب ولاهنت

مااجمل الكلمات حيث يكتبها آلقلب
حين يكون حبرها نبض روحك
وكــآن لحروفك هـــنــآ طعمَ خــآص
ممزوجَ ببوح جميلَ
صحَ كلك وتسلم يدكَ
لكِ تحيهَ منثورهَ باآجمل عبير الازهار..
تحيتيَ وتقدير..لـ/سموكَ..

يارحلة الصبر العتيقة من البال
شدّي عن فجوج العطش لاَ أرتويتي


ما عاد لك في غربة أيامه ظْلال
دامك على كــف الرجا مَا نمــيتي

فيض مدهش ومطر منهمر
بنقاء ذآئقتك يآ أنيق
لآعدمنآك ,,

ممتن لكم يااحبه ماخلا ولاعدم من الجميع