( 1 ) ناقف على شـط الطفولـه مساكيـن و نحاسب الحاضر على مـا يجيبـه أطفـال عشنـا للطفولـه محاميـن نشري إبتسامتنا ب مليـون خيبـه نركض على الرمضا وناسه و حافين نستـاذن الغيمـه بـراءه و طيبـه حدودنا كانت شجر عرعـر و تيـن و آمآلنا ( طيار / ضابط / طبيبـه ) نخلق من الأوجـاع جنّـة بساتيـن و الكل له حب و وفا و ألـف هيبـه نامن على أنفسنا بطبـع المواميـن و كلٍّ بياخـذ ف الشقـاوه نصيبـه و إذا أتانا الليل تهـدى الشياطيـن و يحوفنـا جـدي بقصّـه غريبـه و نصدّق ! و نحكي قصصهم محازين و نقول يا عـزّاه وش ذا المصيبـه كانـت أمانينـا عـبـوّة تـلاويـن كراسه و ماصه و رسمـه عجيبـه نرسم مغيب الشمس فالزاويـه ليـن غابت أمانينـا و صـارت عطيبـه ( فاصل ) إحتقرني الصمت بأجـواء الكـلام و إختنقت بحـرف يملانـي وجـع صاحبي و إن صار ذا شهر الصيام صاحبك عامين صايـم مـا سجـع ما رفعني الحلـم لأنفـاس الغمـام و ما هداني الصبر ( هذا هو رجع ) صرت أمنيِّني علـى وقـت المنـام و إن غفت عيني خيالك مـا هجـع صاحبي هو صح ذا شهر الصيـام بس انا صايمك من عمـر الوجـع ( 2 ) بقا طاري الغياب إللي مشى بالعمـر تغريبـه و هو يتهرّب مـن الآه يـوم الآه معمـوره سكنها ما سكنها غيره الا أوجاع تهذي بـه معاها دمعتين بوسط ذيك العيـن محشـوره حكى حزنه لجدران الزمن و أبطى يماري به و لا فاده سوى صمته عرف بإنّه مهو دوره بداياته بدت منِّي و لا حصَّل سـوى الخيبـه سكنِّي طفل متفائِـل و لكـن يـده مبتـوره يقول أحضانك الخرسا عمت عيني عن الريبه و أثاري حظنك أشبه بالسراب إللي بنا سُوره على جدار الأماني كنت أكتب شي ودِّي بـه و أثاريني كتبـت إللـي تمنيِّتـه بطبشـوره و ذا طاري الغريب إللي لقى بالعمر تعذيبـه معه دمعه و صادقها و أماني شبه مكسـوره خسرته من سنه أولى إبتدائي لين هالشيبـه و راح و عاد لي رجال يقول الحال مستـوره على طاري الغريب و طفل متشتت بأساليبـه و شايب لا تنهّـد ماتـت الامـآل مقهـوره كتبت إللي كتبته فيـه لا كذبـه و لا غيبـه و نام بحضن حنجرْتي بقايا أشياء محظـوره ( إختناق ) ثمانيه و عشرين حرف إخذلتنـي و الأبجديه لا تبـرّت . . تبـرّت مدري الحياه الفانيه مـا اقبلتنـي و الا عيون المستحي ما استسرّت لاأرواحكم النقيه
أنسكاب أعذب من الماي و أرق من قطرات الندى ع خد الزهر لا جديد على منبع الجزاله والمعاني كـ العاده يتقزم حرفي امام مترفاتك العذبه فصح كلك بكلك ونبض حرفك كانت هنا العنود
الغنـــــــــــــد
شــاعرهـ_اداريه
برق البروق الجمال إختزل في هذه المساحه المترفه وارف الذائقه أنت ل نبضك قوافل من البنفسج وشكر بأمتدآد السمآء يآنقي ,,
مراقبه عامه
المـُختلف يسلّم قلبك وَ احساسك على هيك انتقاء مميز وَ جميل ، عوآفي شاعرنا الهي يسعدك وَ لا يحرمنا اياك خيو ~
يسلم شعورك العذب ولاهنت
مشرفة أقسام
أبيات جميّله احساس مرهف وانتقاء موفق يعطيك ألف عاااافيه
شكرًا سليكو
تسلم يا شاعرنا عالأبيات الجميلة والحس الشعري المرهف تقديري لك
اللّٰهُم الوقار والنور واليسر والإنِشراح أينمآ وليتُ وجهي