أفنيتني

مدخل



ياليت لي قلبٍ إذا فارق الناس
لا يحنّ | لا يذكر | ولا
يبتليني


وياليت لي عينٍ تثاقل بها نعاس
وانام طول الليل ماتفيق
عيني

عمق

إحباط هـ الوقت يملا لي عناويني
وأنا اتلفّت واشوف الياس / قدّامي

إي والله إنّي تعبت وضاقت سنيني
و / فـ أول نهاية طريقي ضاعت أقدامي

ملّيت يا واقعٍ ما عدّت تعنيني
حتى ولا عاد تعني شي / أحلامي

كم مد قلبي قبل لا امد بيديني
وعضّيت قلبي قبل / لا اعضّه ابهامي

وكم كان رشدي على غيّي يودّيني
يوهمني إن الكثر من العطا / سامي

وكم قلت بكره تهون وهانت بعيني
أيّام عمري / إذا هي فعلاً أيامي

مرات أحسّ إنّي أكره كل ما فيني
لا شفت ما حولي إلا / باقي حطامي

مدري من اللي بـ صدري كان يرميني
بس الأكيد إنها تحديداً / اسهامي

كم شلت في خاطري جرحٍ يسلّيني
كم طاح من عيني / أصدق دمع واعوامي

أفنيتني ما دريت إنّي بــ اغنّيني
لـ الضيقه اللي تقول لـ فرحتي / نامي

أحاول أكتب جروحي قبل تمحيني
والحبر دمّي بعد ما / جفّت أقلامي

أفكّر إنّي أسافر بي واخلّيني
أبعد عن الناس / واتوحّد مع آلامي

يا / م اكذب الناس يا / م أصدق عناويني
طعناتهم تنقلب ضحكات قدامي

مخرج



آه يا قصة غرامي والطموح
لي متى هذا الجفاف { يبلني }


ياطموحي لوغدا وجهك سموح
طالبك تكفى تعد وخلنـــــــي

لاأرواحكم النقيه

شاعرنا الراقي
الذوق الجميل
يسعدني ان احجز مقعد بين كلمات اختيارك
راق لي نزف قلمكـ فوضعت بصمتي لاجلكـ
ودي ومحبتي لكـ بنتظآر
ودي وشذى الورد
في آنتظآر جديدك وبكل شوق

مدخل ومخرج مترف شاعرنا
وأهلا بعودتك ياقدير
أنتقآءك قنديل يضيء سمآء الذآئقه
فشكراً لحدود السمآء لهذا الارتواء يآ أنيق ,,

لرووحك الطاهرة اجمل باقة ورد
وصح لسانك مليووون
كلمات ع الجرح وبالصميم وبالواقع
شاعر ذا شاعرية صادقة المعانى
يسلم نبضك واحساسك

ممنون لكم ولتواجدكم ماخلا ولاعدم من الجميع