الغياب أرواح

مدخل


تبخل بمداتك على كثر ماعطيك
وانا آتساقط لك رطب من علوّي


نقشت لك حنا حروفي بأياديك
وياكثر ما استمطرت لرضاك نوي


الله يسامحني ويغفر تماديك
يوم تعزف لحن الغياب المدوّي



عمق





ياليت لي قلبٍ إذا فارق الناس
لا يحنّ | لا يذكر | ولا
يبتليني


وياليت لي عينٍ تثاقل بها نعاس
وانام طول الليل ماتفيق
عيني


لا ليل تطرد غفوته همّ هوجاس
ولا صبح يأتي مع حضوره
يقيني


متيقّظٍ فيني السهر مثل قرناس
صيدٍ لـ قنّاص الليالي
يبيني


يصحى
جناب الليل مع قرع الأجراس
ويطيح كلّ الصبح في
راحتيني



كبّ السهر
طفّي
مصابيح
الأرماس
ماعاد يشعل نورغيره :
جبيني


كحل
الهدب وشوش به الحبر كرّاس
و ظلّ البَكِي مابين : جفني
وبيني


تزرعني الأيام في وقتي اغراس
واظمى ويسقط طلع توتي
و تيني


يا ساريه : تنبت غصوني بالإفلاس
لو شّح مايسقي به السيل
طيني


عادي إذا روحي يفارقها الإحساس
حلق العطش ارشاه تغرف
حنيني


جذعي علي | مايشتكي ضربة الفأس
مدام حطّاب الوجع : هو
يميني


مجنون
فاقد
يثمل بكأسه
اليأس
هذا المسمّى ( قلب ) ارهق
سنيني


كم له سنه :
يحني من الخوف هـ الرأس ؟
والخوف : يكسر
شامخ العز
فيني


صعبه يعيش الحلم بعيون حرّاس
واصعب إذا صارت قيوده
يديني



و ...
ياليت لي عينٍ إذا سهروا الناس
تنام طول الليل ماتفيق
عيني






مخرج





ملّيت انآدي في غيآبك هدآيآي
عن خآفقي عن لهفتي واشتيآقي


يامآ طلبتك نور في جور ظلمآي
حتى غدا ليلك يمثّل نطآآآقي



ليتك سألتي الليل عن لجّة اغنآي
كآن الغيآب أروآح تطلب عنآقي





لاأرواحكم النقيه

الله عليك شاعرنا ذوق راقي

كلمات عانقت عنان السماء بروعة جمالهاا


صح لسان قايلها وسلمت يداك ع الطرح


نتظر جديدك القادم بكل شوق


احترامي لك

شاعرنا المُخـتـلـف
معزوفه بَ مذاق خاص
يسلّم قلبك وَ روحك خيو
ماننحرم من روعة حضورك
~

عمق يسكنه الجمال
والإحساس العذب وانتقاء أنيق
سلم لنا احساسك المتفرد يا مترف،،

هلابك يابراااق وصح لسآنك ولسآن الشاعر ملاااايييين
كنت أتمنى أنك نقلت اسم الشاعر أوالشاعرة مرادفاً للقصيدة للأمانة الأدبية ولتشجيع الشاعر والإشادة بمايكتب
والمحافظة على حقوقه من الضياع

تقبل حضوري برحابة صـــــــدر لاعــــــــــدمنا وجووودك.

يعطيك العافيه
اخوي

منورين الغالين
ماخلا ولاعدم