يامدور الزلا وشفيك محتاس

يامدور الزلات وشفيك محتاس
من لبوة(ن) مرباه وسط العريني

بيض النقا تاجي احطه على الراس
لن الشرف موجود ياضي بجبيني

قلبك ضعيف وساكنن فيه وسواس
والفرق واضح بين طبعك وبيني

حيثك شبيه ابليس غاوي وخناس
هرجك رخيص ودوم هرجي ثميني

انا ادور الطيب والطيب لي ساس
- [ ] وتقواي ذكر الله .. مثبت يقيني
- [ ]
القاف يجذبني مع صدق الاحساس
وتمطر بنات الفكر هرج(ن) ثميني

ماهمني حقد(ن ) تخبيه الانجاس
خذيت قــو العـزم من والديني

وان جتني طعنت قفا منك لاباس
ماشفت انا شرواك في وسط عيني

بقلم الشمريه المجهوله

والنعم فيك وفي ساسك
كفووووو
أبليس مامات ولايحسد الاالناجح
قصيده راقيه

السلام -- ابيات جميله -- شكراالشمريةالمجهوله

كلامات جميله شكرا لك شاعرتنا

قلبك ضعيف وساكنن فيه وسواس
والفرق واضح بين طبعك وبيني
الشمريةالمجهوله..
صح الله لساانك ولا هنتي
كلامات جدا رائعه
شكرا لك ..

انا ادور الطيب والطيب لي ساس
وتقواي ذكر الله .. مثبت يقيني
صح لسانك شاعرتنا
الشمريه المجهوله
وقصيده روعه بما تحمله من احاسيس شاعره
راقيه ورائعه
الله يسعدك ويوفقك

صح لسانك

قصدة جزلا ولاهي بغريبه عليك

ودي وتقديري

قصيده جميله تسلمين دمتي بخير

انا ادور الطيب والطيب لي ساس
- [ ] وتقواي ذكر الله .. مثبت يقيني

كفو كفوكفو والله يثبتكي على طاعته
نص بنت رجلن رباها ابوها على العز والنوماس
صح لسانك على هالنص الجزل
تحيتي وتقديري

الله صح لسانك تسلم يمينك رائع جدا شكرا