إحباط

مدخل






الـجو يرسم لـ الوجيه أبتسامه ،

كنه يقـول لـ ضـيقة الـصدر ولي












عمق






إحباط هـ الوقت يملا لي عناويني
وأنا اتلفّت واشوف الياس / قدّامي



إي والله إنّي تعبت وضاقت سنيني
و / فـ أول نهاية طريقي ضاعت أقدامي



ملّيت يا واقعٍ ما عدّت تعنيني
حتى ولا عاد تعني شي / أحلامي



كم مد قلبي قبل لا امد بيديني
وعضّيت قلبي قبل / لا اعضّه ابهامي



وكم كان رشدي على غيّي يودّيني
يوهمني إن الكثر من العطا / سامي



وكم قلت بكره تهون وهانت بعيني
أيّام عمري / إذا هي فعلاً أيامي



مرات أحسّ إنّي أكره كل ما فيني
لا شفت ما حولي إلا / باقي حطامي



مدري من اللي بـ صدري كان يرميني
بس الأكيد إنها تحديداً / اسهامي



كم شلت في خاطري جرحٍ يسلّيني
كم طاح من عيني / أصدق دمع واعوامي



أفنيتني ما دريت إنّي بــ اغنّيني
لـ الضيقه اللي تقول لـ فرحتي / نامي



أحاول أكتب جروحي قبل تمحيني
والحبر دمّي بعد ما / جفّت أقلامي



أفكّر إنّي أسافر بي واخلّيني
أبعد عن الناس / واتوحّد مع آلامي



يا / م اكذب الناس يا / م أصدق عناويني
طعناتهم تنقلب ضحكات قدامي







مخرج





أنا أنتظر شخص يخلف كل مآ يوعد
يآ عآبرين المكان يضيق بوجودي

أنا معي ورد لكن مآ معي موعد
أللي موآعد حبيبه يآخذ ورودي






مودتي

كلمات . جميله تسلم احترامي

أحاول أكتب جروحي قبل تمحيني
والحبر دمّي بعد ما / جفّت أقلامي



ذوق شاعرنا كحضورك
انرت المكان والاجواء باختيارك يا انيق
جناين لاتنضب غالينا

وكم قلت بكره تهون وهانت بعيني
أيّام عمري / إذا هي فعلاً أيامي



براق
تأتي مترفا شِعرا وشُعورا
تنثر العطر بجمال ذائقتك وأحسآسك المتفرد
دمت نبضاً وجمالاً وسلاماً ,,,

الله
مميز دائما يابروفيسور الحرف سلمت يداك شكرا

جميل ما نقلت كل التقدير ..