إن مت فـي شـارع فـؤاد ادفنونـي
يـاطـا عـلـى قـبـري بـنـات مزايـيـن
ما عاد أكذب عقـب شافـت عيونـي
بنات من نسل البـوش والسلاطيـن
شفـت الزهـو بناعمـات الغصـونـي
ما دونها حارس على العسر واللين
أحـــد يـــدور للـبـضـاعـة زبــونــي
واحــد تفـسـح قاضبـيـن القوانـيـن
شارع به اجنـاس علـى كـل لونـي
ما داج فيه أهل الحسد والشياطين
يا عـاذل راعـي الهـوى مـا تمونـي
تنقد وعنـك النـاس مـا هـم بداريـن
الناس في سجـات مـا يسمعونـي
الوقت عـدل ومثلـه النـاس عدليـن
ياأهـل العقـول الطيبـة سامحونـي
كل برايـه يحسـب العشـر عشريـن
وبعد مده من الزمن زار الشاعر الكبير إبراهيم بن مزيد شارع فؤاد
وتذكر كلام صديقه الشاعر عبدالله اللويحان يوم يقول { إن مت في شارع فؤاد أدفنوني }
وطلعت معه هالأبيات يوافق اللويحان بما قاله, وقال:
شـارع فــواد الـلـي يقـولـون جيـنـاه
اللـي يـقـول الـلـوح فـيـه ادفنـونـي
قولـه حقيقـة، مـا روى عنـه شفـنـاه
أشهـد وكـل اللـي معـي يشهدونـي
سيـل مــن العـالـم بـالأقـدام تـاطـاه
أجنـاس وأشكـال عـلـى كــل لـونـي
أطلـب تجـد واللـي تبـي فيـه تلـقـاه
لا شــك باصـنـافـه يـحـيـر الـزبـونـي
راعي الغرض يقضى لزومه من ادناه
واللـي قلـط خطـوة يقـول اغبنـونـي
مـا عـاد أمـيـز ويــن دربــي ومـجـراه
والفكـر منـي ضــاع مـيـر اعـذرونـي
وا عـمـري الـلـي راح كـلــه مـقــازاه
عشـت برجـا وأقـول كـلـش يهـونـي
واثـر الـعـرب فــي جـنـة الله بدنـيـاه
وأنــا حيـاتـي كـلـهـا فـــي غـبـونـي
يــارب تعطيـنـي عـلـى مـــا اتـمـنـاه
أسعد مـع اللـي بالهـوى يسعدونـي
الله يرحم عبدالله اللويحان و إبراهيم بن مزيد
وأتمنى جازلكم ذوقي وهالقصيدتين اللي أنتقيتهن من ذائقتي
العرض العادي
