حلاوة قصيدي

أسعدالله صباحك واسعدالله مساك
التحية تعنى بالجهاز وتجيك
تحمل شعور قلبٍ يذكرك مانساك
ان وقف يحتفي بك وان جلس يحتريك
لو شكى نار هجرك قلت جعله فداك
موقفي ضد قلبي لو تمنن عليك
لان غيرك بعيني ماوصل مستواك
المحبة شراكة وانت مالك شريك
ياحلاوة قصيدي لاتشح بحلاك
شاعرك مابناها فوق ساس ركيك
هاك مما تيسر يا عنا الروح هاك
لين يروى خفوقٍ ماقوى يرتويك
انت نكهة شرابك مثل لذة ضماك
وانت سهم المحبة ماخسر مشتريك
غبت عن شوف عيني بس قلبي يراك
دام جسر التواصل بالموده سميك
من تهجى حروفك بان له محتواك
هكذا قال قلب بالغلا محتويك
ياسمي الشروق وياشبيه الملاك
من بلاني بحبك ياعسى يبتليك
انت نظرت عيونك للهواوي هلاك
الضحية قبالك والقرار بيديك

[poem=font="simplified arabic,7,white,bold,normal" bkcolor="indigo" bkimage="" border="double,10,indigo" type=2 line=0 align=center use=ex num="0,black""]
ياحلاوة قصيدي لاتشح بحلاك=شاعرك مابناها فوق ساسٍ ركيك
هاك مما تيسر يا عنا الروح هاك=لين يروى خفوقٍ ماقوى يرتويك
انت نكهة شرابك مثل لذة ضماك=وانت سهم المحبة ماخسر مشتريك
غبت عن شوف عيني بس قلبي يراك=دام جسر التواصل بالموده سميك
[/poem]

هلابك ياعواااد وصـــح لسانك ملاااايييين ولله درك
كتبت فأبدعت لاعــــــــــدمنا وجووودك.

يسلّم منطوقك شاعرنا العذب
إلهي يسعدك وَ يديمك يّ مبدع
~

قصيده رائعه
صح لسانك ياعواد
مبدع ماشالله تبارك الرحمن

أسعدالله صباحك واسعدالله مساك
التحية تعنى بالجهاز وتجيك
تحمل شعور قلبٍ يذكرك مانساك
ان وقف يحتفي بك وان جلس يحتريك


وصباحك ابداع
يسلم راسك واحساسك شاعرنا عواد العلي

عوادالعلي .... اهلين وسهلين .. الله يسعد ايامك
وصح الله لساانك ولاهنت ..
شكرا لك ..

صح لسانك راائع جدا سلمت يداك شكرا

الأعزاء
ابوطارق
وتم بعيد
عميد الشعراء
الساري
سليكو
أمير الشمال
صحت ابدانكم ولكم جزيل الشكر