راكب اللي من بلد هتلرورد
جرمني الصنـع توّه ورّدوه
مصنع الالمان باالصنع انفـــــرد
مركبٍ لاهل الفخامه صمّمــوه
حلومشيه يوم بالخط انجــرد
كنه اللي تل سبقه واطلقــــوه
ارخمٍ لونه تقل قطعة بــــــرد
صنعة اللي حرّق اللي حاربـوه
مع سواد القارماجاله طــــــرد
يخلف الرادار واللي برمجــوه
سايقه لوقيل له قف مايــــرد
جرمني مايفتهم لوكلّمــــــوه
ياعطى الخط الطويل المجرهد
يعجل اللي بالعيون يناظـــروه
كن زوله زول شيخٍ مع جـــرد
فازعٍ في مشكلة ربعٍ نخــــوه
وكن حسّه يوم بالخط انسـرد
حس زلزال الرعد يـوم سمعوه
افنسٍ خشمه مثل خشم الاسد
يجلب الانظار للـــــي طالـعوه
مايسومونه مسوّمة الخــــــرد
لويجي من عندهم ماساوموه
لن سعره مايقدّر له عــــــــــدد
يتعب الصراف واللــي حسّبوه
لوتعد السعر تغلط بالعــــــــدد
كود شيكٍ بالرصيد يجيّـــروه
ياصل الي دوم عزمه مابرد
فزعتي يادبرو سود الوجوه
ابوماجد فزعتي طير السعد
زاكي الانساب من خاله وابوه
ياوصلت الصيرمي طير الهدد
قبلولي جبهته ثم علموه
علموه انه وصل وقت الوعد
وهونبيه ويفهم اللي تطلبوه
مشعل عسام التريباني الشمري