[poem=font="simplified arabic,7,white,bold,normal" bkcolor="darkblue" bkimage="" border="double,9,darkblue" type=2 line=0 align=center use=ex num="0,black""] انا سعودي وافتخر وارفع الراس =في كلمة التوحيد يرفع علمنا
دار السعود اللي لهم تقني الناس =في ظلهم كل الدول تحترمنا
نسل الزعيم الفيصلي طيّـب الساس =اللي بتطبيق الشريعه حكمنا
بيّن معالمها على قـب الافراس.=وعم الامان الدار يوم استلمنا
من بعد ماكنا حزابات واجناس =شتّى قلوبٍ والجهل يقتحمنا
لملم شتات المملكه عقب الايّاس =وعلى التسامح قادنا واستقمنا
اسس لنا دوله توثـّق على ساس =جمع القلوب ولاتفرّق حزمنا
صليب راسٍ بالمهمات مقباس=اناشهد ان الله بحكمه رحمنا
عم الامان بدارنا وارتفع راس=وفي ظل زيزوم المهمات نمنا
نرقد بظل اخوان نوره ولا باس =في ظلهم نرتع وكلٍ حشمنا
نرقد هيت في ضل لبّاست الطاس =والى زما العايل على طول زمنا
من فضل ربٍ خالقٍ كل الاجناس =لعل رب البيت يحفظ نعمنا
حنّا جسد واحد وحكامنا الراس =ونفخر بخدمة راسنا يازهمنا
مانطاوع الحاسد ولا نطيع بلاّس =وفي سوق معهم مانبيّع ذممنا
مانستمع لهل التطرف والانجاس=والغدر ماهو من مبادي شيمنا
نبقى لحكام الوطن دوم حراس =والمعتدي ناطا عليه بقدمنا
ياللي تبيع النفس في سوق الافلاس =كم عايلٍ قبلك لخشمه خزمنا
لا للتطرّف ياعديمين الاحساس=لوتدفعون اموالكم مانقسمنا
خدمتوا العدوان في شيل الاكباس =يامحرقين الروح حنا فهمنا
انتم مساكينٍ تبنّوكم اخساس=وحنا لموضوع المعادي حسمنا
اصحوا من الكابوس ياذناب الادناس =تبون عدوان العرب تلتهمنا
ياهل العقول اللي بالادران غطاس=تخسى يديكم ماتنجّس حرمنا
اشبال حنّا ماتخوّفنا الابساس=ماتنثني وقت اللوازم هممنا[/poem]
الشاعر/مشعل عسام الغافل التريباني الشمري
العرض العادي
